其實，高中為ＤＳＥ一戰而補習，這鼓力能幫助哪兒？

YmOra

孩子將要升上高中了，正想緊補習的見效性。

。有的因為對課本內容未完全明瞭而出外求知
。有的成績已經出眾但想更上一層取多粒星星
。有的可能係選錯科求助無門無奈下姑且補下

這鼓力量最可以幫助到學生甚麼呢？

"使弱的變得強"最有效？
"使強的變得更強"最有效？
"成績還是無提升的一群"又是咩原因呢？

王家爸爸

YmOra 發表於 19-4-8 08:22
孩子將要升上高中了，正想緊補習的見效性。

。有的因為對課本內容未完全明瞭而出外求知

大班式既補習有可能可以使弱的變中游，或者使中游變強啲啲，但係絕對無可能使強變更強。

csy_ma

回覆 YmOra 的帖子

補習社補習是填鴨式的，短時間入大堆資料畀你（我囡唯一一次補習經驗，補習社老師唔畀筆記，要佢地拼命抄！），當時唔可能明，要回家慢慢重溫。咁，你在家唔溫，就非戰之罪？咁，如果肯回家溫既，都算勤力自發，也點會成績差？
補習社既作用，咪係類同打機既攻略？機，係你要自己打既，攻略係話你聽，去到邊個畫面就要轉去邊面，幫你過關既。
咁，最叻果啲，目標應該唔係過DSE關？我囡有同學自小就喜歡睇百科全書，仲不斷重睇睇到識背。結果，位同學毫無補習，去年best5成績係34。
不過，成績2x果班同學，又真係同囡講去到高中就自自然然想去補習……咁想既咪去囉，唔係個個肯。我囡唔肯，DSE期間，昨日都睇咗兩個幾鐘《熱血街舞團》，咁，咪要承擔唔去既後果囉。咁大個，相信自發既力量一定好過外力，問題係香港學生比較喜歡倚靠外力吧了……

csy_ma

都有家長話學校教得唔好，個囡去上錄影班都明好多既。另一個去年考上醫既就話老師有啲廢，不過佢學校興師兄姐幫師弟妹補習，佢由初中開始補，後來高中就既畀人補又幫師弟妹補，畢業旅行都靠補習賺來去到澳洲同學老家玩。咁既形式似乎仲好？

csy_ma

王家爸爸 發表於 19-4-8 10:22
大班式既補習有可能可以使弱的變中游，或者使中游變強啲啲，但係絕對無可能使強變更強。 ...

又未必？阿囡話老師講過一例，話有個native去考英文，成績唔及本地生，雖然評卷員睇得出個native係明白篇卷一原文多啲，但佢答題唔及規格，所以分數反低。唔靠補習攞好成績既，多半係答案非黑即白既數理科。文科要估考官要咩，補習社長年研究有一套佢既方法。

scooper

現在連一些‘神’學生和資優生都去補習，玩到差不多到全民皆補的地步，已很難判斷補習可唔可以使強變更強了。

csy_ma

我覺得，家長更要考慮：高中生活如何取得平衡？
其實我鍾意IB多啲，亦曾游說女兒轉跑道，但佢第一年未讀中四力有不逮，第二年不捨同學，加上佢話目標學校既IB冇電腦科讀，冇轉到。而大部分既津中，高中三年既目標都係/只係送學生上大學，有為既學校為此要老師兼做補習老師，研究題型、貼題等……咁呢三年成長關鍵期學得最多既，卻係上咗大學唔見得有用既考試技巧

csy_ma

其實，高中兩年半，最重要要學得什麼呢？

王家爸爸

csy_ma 發表於 19-4-8 11:00
又未必？阿囡話老師講過一例，話有個native去考英文，成績唔及本地生，雖然評卷員睇得出個native係明白篇卷 ...

你囡個老師犯咗唔少香港人既錯誤，以為native既英文一定好啲。Native只係口語有優勢，其他都無優勢，你睇下啲國際學校同本地名校都有參加既英文寫作比賽，得獎既係本地學校多啲（雖然參加者係國際學校多啲）。

王家爸爸

scooper 發表於 19-4-8 11:02
現在連一些‘神’學生和資優生都去補習，玩到差不多到全民皆補的地步，已很難判斷補習可唔可以使強變更強了 ...

名校學生、資優生去補習，其實係錯覺，原因係補習社有mock exam，而且做得唔錯，所以好多名校學生、資優生去考試。補習社有咗學生既個人聯繫方法，亦知道邊啲學生會考得好，所以DSE放榜之後就會打電話搵人送獎學金（兼影相）。

csy_ma

王家爸爸 發表於 19-4-8 11:14
你囡個老師犯咗唔少香港人既錯誤，以為native既英文一定好啲。Native只係口語有優勢，其他都無優勢，你睇下 ...

我囡只是轉述，話評卷員看出native考生更明白卷一閱讀理解文章意思，但因未遵守答題潛規則而失分。注意，答題係用潛規則，所以補習社有研究既空間。

王家爸爸

csy_ma 發表於 19-4-8 11:21
我囡只是轉述，話評卷員看出native考生更明白卷一閱讀理解文章意思，但因未遵守答題潛規則而失分。注意， ...

老師講得太神啦，其實唔係答題潛規則，只要買本考試局出既試題，認真睇下啲marking scheme，就知道要求係點，如果個老師連呢啲都懶，真係無得好講。

王家爸爸

重點係，補習社既老師無機會改卷，學校老師有，你話邊個熟啲？

2jkidsfather

YmOra 發表於 19-4-8 08:22
孩子將要升上高中了，正想緊補習的見效性。

。有的因為對課本內容未完全明瞭而出外求知

我覺得補習最大用途,係讓學生認識結交跨校男女朋友
係學校吾讀，點解會去補習社讀？
係學校讀吾明，點解會去補習社讀得明？
誇大左補習社功能啦！

pooh仔

王家爸爸 發表於 19-4-8 11:27
老師講得太神啦，其實唔係答題潛規則，只要買本考試局出既試題，認真睇下啲marking scheme，就知道要求係點 ...

pooh仔

王家爸爸 發表於 19-4-8 11:27
老師講得太神啦，其實唔係答題潛規則，只要買本考試局出既試題，認真睇下啲marking scheme，就知道要求係點 ...

我仔上年都是自己做past paper 睇marking scheme 而知自己大約可達甚麼成績

王家爸爸

2jkidsfather 發表於 19-4-8 11:51
我覺得補習最大用途,係讓學生認識結交跨校男女朋友
係學校吾讀，點解會去補習社讀？
係學校讀吾明 ...

結交男女朋友呢點我絕對同意，尤其係單性別學校既學生。

2jkidsfather

王家爸爸 發表於 19-4-8 12:17
結交男女朋友呢點我絕對同意，尤其係單性別學校既學生。

我見到好多跨校愛情架，真係文靜小姑娘都可以轉眼沐浴愛河内

王家爸爸

2jkidsfather 發表於 19-4-8 12:22
我見到好多跨校愛情架，真係文靜小姑娘都可以轉眼沐浴愛河内

睇嚟為咗早啲有孫抱，都應該鼓勵小朋友去補習。

王家爸爸

2jkidsfather 發表於 19-4-8 12:22
我見到好多跨校愛情架，真係文靜小姑娘都可以轉眼沐浴愛河内

跨校愛情既好處係分咗手都無咁尷尬。