官津與直私教學的分別

essenakong

女兒已經有私校取錄，亦等緊星期一自行結果，和星期二另一直資結果。心裡其實有一個問題好疑惑，直私和官津學校，各自的教學方法是否真的好大分別，見有些其他家長，非要取得直私學位不可，講到官津好似洪水猛獸一樣，而直私學校就開心好多，但有又另一d家長認為官津免費，有細佬妹跟尾就一定去官津，免得再玩多次，但要接受課程好谷，入到精英班可能仲谷，入唔到又被邊緣化，家長與學生質素等問題。有冇家長可以分析其實教學上係咪真係咁？

AndrewHo_FB

當發現小朋友在精英班的尾，就快跌入普通班時，壓力最大。

mcl203

始終都係唔同學生品質，唔同直資/官津教學模式，不可能一概而論～～～

liliankaykay

我都有相同疑問，諗緊俾大女入官津定直私。朋友教過兩者，佢話其實每間學校都唔同，要靠自己收集資料同體會。畢竟直私係有多些機會俾家長認識，例如開放日、簡介會、面試時安排和見到老師後的感受、小朋友也會告訴家長偏好，家長挑選時信心會大些。

官津就好似能夠認識的機會無咁全面，我都十五十六緊。唔駛錢當然好，又能帶挈細那個，但唔知係咪適合。唔適合就只有全家受罪。

essenakong

mcl203 發表於 17-11-26 11:33
始終都係唔同學生品質，唔同直資/官津教學模式，不可能一概而論～～～

就係想知多小小各種學校嘅分別，如果呢兩日有好消息，就可以更快選擇合適的，因為我見如果有幸有好消息，都冇乜時間去考慮就要注冊

liliankaykay

essenakong 發表於 17-11-26 11:38
就係想知多小小各種學校嘅分別，如果呢兩日有好消息，就可以更快選擇合適的，因為我見如果有幸有好消息， ...

的確係，建議你個別學校問ek各jm!

essenakong

依家有禮賢offer，等緊培僑同仁立有冇好消息，仲有一個細佬跟尾，依家只知三間都係好學校，但仁立應該最谷，怕女兒谷唔起

happyapple

essenakong 發表於 17-11-26 12:00
依家有禮賢offer，等緊培僑同仁立有冇好消息，仲有一個細佬跟尾，依家只知三間都係好學校，但仁立應該最谷 ...

禮賢我識人讀話其實都谷，好似好多測考，有錯請指正。至於仁立，如果入到精英班係好，但好大壓力。我同事女係精英班，自己要求高，怕被踢出精英班，搞到好大壓力，佢話之前被人踢出來被人笑。
直私差異冇咁大，少行精英班。津校差異大，一定要博入及維持係精英班。有d津校係會保將棄卒。

dragon_boy

essenakong 發表於 17-11-26 08:29
女兒已經有私校取錄，亦等緊星期一自行結果，和星期二另一直資結果。心裡其實有一個問題好疑惑，直私和官津 ...

我也差不多, 考慮緊禮賢, 九龍灣聖若瑟, 同仁紀。我住葵涌區。

liliankaykay

essenakong 發表於 17-11-26 12:00
依家有禮賢offer，等緊培僑同仁立有冇好消息，仲有一個細佬跟尾，依家只知三間都係好學校，但仁立應該最谷 ...

朋友女升小一係仁立，真係好谷，佢女兒本身已經係聰明，幼稚園都有每日都有幾樣功課，但都未能適應，測考同默書都密集，所有星期六日大部分時間都係做功課和溫習，如果唔想過呢d日子同谷唔起，我建議唔好揀。

禮賢就應該好好多，培僑亦唔錯！兩個選擇都好。恭喜你起碼有得揀！

1998Ruby1998

回覆 essenakong 的帖子

仁立同禮賢比，一定係仁立谷 N 倍。
禮賢係多測驗，聽落有 d 辛苦，但係範圍比較少同清晰，唔會幾個測驗迫埋兩日考，所以有 d 人話谷就因為數量多。

仁立同仁紀都不斷係讀爭入林護紀，之前新聞都出埋，用家都紛紛話谷係真，好大壓力。

女女的話，入禮賢都會有好出路，起碼舒服過仁立而升 Band 1 機會頗高。

kvvvcheung

1998Ruby1998 發表於 17-11-26 18:09
回覆 essenakong 的帖子

仁立同禮賢比，一定係仁立谷 N 倍。

仁紀會沒有仁立咁谷嗎？
好似比較多活動玩

1998Ruby1998

回覆 kvvvcheung 的帖子

仁紀會輕鬆過仁立，冇仁立咁谷（雖然都係要長期戰鬥）。

PCMW

我不認為官津不好，不過我仔得10分，只是派位由佢亂派嗎？當然是考定直私打底，僅此而已。
如果拿著一間二線私校派一線津校，咁仲洗乜諗？一定一線津啦！
如果拿著二線私派寶校，咁仲洗乜諗？一定二線私校！
如果拿著一線私校派一線津校？我個人會揀一線津校囉！免費喎！

AndrewHo_FB

經過樓下商場的專補仁立小學補習社，見到全班雖然考第1名，但全級考55名，競爭很大。

Twongcw

粗略來說，官津小學主要由學校來谷，所以功課測考量一般較多，同時因為收生機制緣故學生之間能力差異較大，部份學校以精英班集中資源去谷top students。

而直私小學一係收生已選尖子，一係家長有錢/識教，所以能力表現較平均，但學生未必輕鬆，因為一開始就教快教深，功課測考相對難，競爭激烈之下好靠虎爸虎媽自己谷，壓力不下於官津精英班。

PCMW

如果是女，禮賢應該讀得開心D中學校網又好

rsx

essenakong 發表於 17-11-26 08:29
女兒已經有私校取錄，亦等緊星期一自行結果，和星期二另一直資結果。心裡其實有一個問題好疑惑，直私和官津 ...

直資可以選擇較叻的小朋友但官津不可！唔谷邊有好成績？

據我所知很多直私讀高一級，肯定較官津谷！

所以絕大多數都是谷，問題是小朋友跟唔跟倒！

跟倒的當然冇咁覺得谷，相反跟唔上既乜都辛苦乜都覺得谷！