考級四但語言能力差，想問下大家撰校策略

Tingting1019

黃大仙區，普通小學，老師話其實考咁前，以成績唻睇入b1學校應該無問題，但仔仔吾太肯講野，面試好蝕底....

Fivedragon

咁你要預大抽獎, 面試係蝕底。
但係又迫唔黎。

Tingting1019

明白嘅，吾多吾少都真係好失落，考咁前，都要等派位，確係令我難受，但又吾知點同仔仔講....

greentea000

Tingting1019 發表於 18-9-30 12:45
明白嘅，吾多吾少都真係好失落，考咁前，都要等派位，確係令我難受，但又吾知點同仔仔講.... ...

你應該慶幸仲有統一派位呢個機制，否則有咩學校肯收一個面試唔肯出聲既學生？

Tingting1019

你講得好啱，不過現實總係難接受

mcl203

Tingting1019 發表於 18-9-30 12:45
明白嘅，吾多吾少都真係好失落，考咁前，都要等派位，確係令我難受，但又吾知點同仔仔講.... ...

或許可能係自信心不足，做多D準備功夫，同佢分析下，鼓勵佢面試一定要有反應，要望住面試老師，對問題要勇於表達自己。仲有大把時間準備和改善～～～

WinnieCatCat

Tingting1019 發表於 18-9-30 10:47
黃大仙區，普通小學，老師話其實考咁前，以成績唻睇入b1學校應該無問題，但仔仔吾太肯講野，面試好蝕底.... ...

選一些不是小組面試模式的學校，因為唔主動講野在小組面試較蝕底。若只對著老師，而小朋友又想入那學校，係可以激發佢小宇宙努力作答的。而且面試只佔自行一部份分數，小朋友本身成績好，有時候自行學校面試唔一定睇語言表達能力，反而是睇態度、禮貌，以篩走那些成績好但態度欠佳的學生。所以你囝囝自行仍是有機會啊！加油！

Tingting1019

謝謝你，建議好好，咁仔仔又未至於完全吾講野，老師覺得佢吾夠主動，老師覺得佢考咁前，當然好希望佢可以考間好學校，老師打電話比我，想我注意下佢講野方面，盡量提升，我自己學歷吾高，要返工，無時間帶佢出去學野，仔仔有D小聰明，對於呢方面我都有D內疚，補習老師話盡量同佢講多D，練習多D，希望將勤補拙喇

Tingting1019

WinnieCatCat 發表於 18-9-30 14:47
選一些不是小組面試模式的學校，因為唔主動講野在小組面試較蝕底。若只對著老師，而小朋友又想入那學校， ...

唯有寄望「希望在明天」，聽完老師電話，我真係心情好差，吾知點幫仔仔，又吾知講吾講比佢聽好，佢自己又吾吾覺得自己有呢方面問題，仲以為呈一考得好，呈二再加把勁，就一定會有理想學校收，小孩未知社會現實

greentea000

Tingting1019 發表於 18-9-30 15:01
唯有寄望「希望在明天」，聽完老師電話，我真係心情好差，吾知點幫仔仔，又吾知講吾講比佢聽好，佢自己又吾 ...

殺到埋身啦，你都仲唔令佢面對自己既問題，仲要講唔出口自己內心難過，有咩用？

Tingting1019

係無用架，我知自己做得吾好，亦知自己幫吾到個仔

Tingting1019

我諗過直接同佢話，吾好以為自己有成績就得，吾講野面試無學校會收你....不過我又諗起自己成日話，讀書不是求分數，平常心，盡力而為就得。最後我同佢講，老師見你成績都吾錯，希望你可以主動D講野，練習多D，表達比中學老師睇，要講出唻，老師先知你有幾咁想讀果間學校。我應該直接講比仔仔聽，我真係吾知.....

Yanamami

Tingting1019 發表於 18-9-30 15:32
我諗過直接同佢話，吾好以為自己有成績就得，吾講野面試無學校會收你....不過我又諗起自己成日話，讀書不是 ...

表達有好多方式同語氣既~可以係打氣性質而唔係批評佢；可以係正面唔係負面｡同佢講解下升中机制，當係佢升中要有適度瞭解同參予：先有两间自行中学要面試，然後係甲部跨区抽獎，跟住係乙部自己区抽獎。同佢商量下应選边幾间中学，佢喜歡边幾间……倾下自行就命运在自己手，考好呈分試固然重要，但只係做左－半功夫，再落黎係面試－样要做得好，表现俾老師睇既唯－時候。同佢講只要做到有礼(保持笑容、有眼神接触)，唔好问一句答一句(俾d長少少既答案或加例子)，先多瞭解所選中学同自己喜歡间学校d乜~向佢解釋机会只係留俾有準備既人……就算第－升大学、揾工都要面对不同面試，只要佢明白就慢慢会克服到｡唔好期待佢变左另一个可以滔滔不絕禁講野去表現自己，但如可做到上边既都叫有進步｡

1998Ruby1998

坦白同仔仔講，黃大仙 Band 1 位係唔夠分，區內有一半 Band 1 嘅同學係無緣 Band 1（攞 hkpapa 個表一齊睇）。如其等運到，不如自己把握好機會。老師有信心以你呢個成績，自行面試主動 d 的話，勝算更高，老師同父母都唔想你埋沒自己。再同佢商量一下想讀邊類學校，一齊去收集學校資料同面試大概問題。

老周

Tingting1019 發表於 18-9-30 15:32
我諗過直接同佢話，吾好以為自己有成績就得，吾講野面試無學校會收你....不過我又諗起自己成日話，讀書不是 ...

我覺得唔使太担心，考级4應該係B1A学生，祗要面試不过不失，揀1B学校應該可以入到

TLHE

Tingting1019 發表於 18-9-30 10:47
黃大仙區，普通小學，老師話其實考咁前，以成績唻睇入b1學校應該無問題，但仔仔吾太肯講野，面試好蝕底.... ...

過來人！

TLHE

Tingting1019 發表於 18-9-30 15:32
我諗過直接同佢話，吾好以為自己有成績就得，吾講野面試無學校會收你....不過我又諗起自己成日話，讀書不是 ...

當初兒子亦是有相同情況，老師见家長時，兒子也在，老師說真的好可惜，因以成绩计，他考任何学校都可以，但计埋面试，就好困難会成功，因他上课奉行積極不参與政策，從不主動回答問題，老師問到，才一句起兩句止咁……这性格和態度对自行十分不利！
结果，我就帶他去区內、区外不同的中学的简介会，他也定下目標B1A中学，我告訴他競爭激烈，只靠成绩是沒有勝算的，他心裡明白，所以在课堂也更積極主動参与！另外，我又替他報了幾間直资试水温及練習，令他interview，令他更有信心，这做法好有幫助，你可以试下。

结果，他真的成功自行考入心儀中学，大家都好高兴！所以，不要灰心，希望你們也能成功

29XX86

我會幫佢報面試班，其實我囡中一了，我囡面試有一手的，但我都有幫佢報面試班，因我覺得有無用都好，當興趣班比佢報，報左無壞，另外，我亦比囡參加唔少學校免費提供的mock interview, 做家長的能幫幾多得幾多，別讓日後後悔當初無盡力。最後，囡囡成功入了心儀1A學校。

TLHE

Tingting1019 發表於 18-9-30 14:55
謝謝你，建議好好，咁仔仔又未至於完全吾講野，老師覺得佢吾夠主動，老師覺得佢考咁前，當然好希望佢可以考 ...

我估計你仔不是不能说，只是不想说！我仔是目標为本型，佢平時不積極回答問題，是因為覺得冇需要，因為他觉得自己識，就無谓講又费事講咁多咁……
我就同佢解釋，面试老師唔識你，只可以靠你把口，知道你識幾多，就算你心中有一百分，把口只講了50分的知識，都不会及另一同学，雖然心中只有60分，但能把所有所知完全表現出来！
所以，对面试老師来说，你未能表達的知識，同唔識係完全冇分別，因為冇人知的！
升中大个仔了，中学一读六年，想入自己喜歡的中学，一定只能靠自己爭取，媽咪幫唔到你！最多帮你搜集下面试問題，報下自资練習下咁，其他只能靠你自己，而媽咪相信你嘅能力，俾D信心句己，自己努力爭取过，才不会後悔！

章太郎

Tingting1019 發表於 18-9-30 10:47
黃大仙區，普通小學，老師話其實考咁前，以成績唻睇入b1學校應該無問題，但仔仔吾太肯講野，面試好蝕底.... ...