返大陸讀中學......唔該俾啲意見.

焱焱

朋友想仔仔返大陸讀中學...你地有無呢方面經驗,請俾啲意見.

GreyParrot

佢目的係乜呢？  我內地有親友讀中學，講真，競爭壓力一定不少於在香港讀。  除非你唔想博入出名的大學，否則一樣要瞓身博到盡考高考，仲要搵人補英文。  如果肯咁勤力，係香港讀都一樣掂喇，何必走到老遠，小朋友仲「無王管」。

Midagemum

點解要去大陸讀? 目的係? 響大陸的社會關係、社交網夠唔夠硬?(讀出來的出路?)
      
讀邊間學校呢? 國家級?省重點(邊個省都有分別gei)?
仲辛苦過香港，程度深過香港，晚晚食完晚飯要馬上返學校操paper、自習至11:00pm，他d的英文好dim，又吃得苦，其他奇異功能更數不清......之前香港報紙話一名學生響昋港的皇仁書院就讀的小朋友(成績好好gei) 去到北京讀中學，都要降級(如果我沒記錯的話), 好辛苦先追到課程。

        其他次級省、市、 區重點名校 or 一般中學......不如響香港讀啦! 香港都有好的大學啊!又唔使見唔到個小朋友?

全家移民去大陸另計。

純屬個人意見。


    

virgokaren

係大陸讀名校(重點中學)，仲要分幾級(鎮重點、市重點、省重點....)，肯定仲辛苦過係香港讀。
聽講好的私校，如祈福新村果間，學費成5000，仲要一年前就去排隊，真係唔野少！
如果係我呢！去讀如祈福新村那些國際班都還算划得來，如果讀local重點中學，真係要睇下個小朋友讀唔讀得來至好。
台灣、大陸、新加坡三地讀書壓力都好大，香港算好了，不過程度就最低......無計！

Patrickyyc

我識得有條友個囡囡會考唔得，repeat左一年，中、英文都係肥左，佢就叫個囡去廣州朁南大學讀，咁大家又點睇呢？
    

virgokaren

"上課記筆記，下課背筆記，考試抄筆記，考完全忘記”

我們中國人向來的讀書方式可真是這樣的，考完記唔記得真係視乎讀果個個腦袋裝得幾多，畢竟人的記憶有限，好似Hard disk 咁，滿左都要 delete 下d 野至有空位再儲過。

香港的教育改革，不就是說要鬆綁嗎？通識教育不就是說要讓學生靈活運用知識嗎？我地係咪應該支持下呢！

暨南大學一向係香港學生的水泡，聽講容易入，又近香港，學費又平，有得讀都好過無得讀呀！

Patrickyyc

暨南學費確係幾平，但唔知認受性同師資如何呢？
    

hviy

焱焱    記5記得我呀    我識得有個男仔住天水圍,升中派咗去一間5g band2 or3嘅中中,佢老豆話响天水圍讀中中不如返大6讀,至少唔使坦心阿仔反叛期嘅問題,如是者呢個男仔就上咗深圳清华中學讀中一,原本小六畢業寫週記連50字都寫唔到...到佢中一結業後閒閒地3-400字    仲攞埋個進步獎添   因我都有幫佢補過習,所以都g佢小學成績好差. 佢有咁大進步,當然飲得杯落    但佢竟然話唔想再返大6讀,寧願返香港重讀中一    結果又俾佢講服咗,入讀天水圍某一中中,响呢一年佢日日上網打機,無日無夜        總之唔好理~~佢輕輕崧崧就上下學期考第一,全級第六      今年升中二,佢上星期同我講話佢學校e+至教佢大6中一嘅數喎....咪乘機解釋俾佢聽佢行咗條蠢路,因上大6只讀3年初中3年高中便上大學,而佢返香港,因佢係最後一界會考生,自己重讀一年+5年中學,2年預科再入大學,佢以為只係嘥一年時間,其實白白唔見2年    仲要佢會考一次攪掂至得    聽完之後,佢都唔g可以講乜lu     

焱焱

hviy
你個名好熟 ,你係唔係有個仔係斷掌嗰位媽媽呀?

個細路日夜打機,我諗上到高中,好快打回原形   



多謝其他家長回應和意見

hviy

6火    你記錯啦,我係尿尿    之前話暑假帶2個女返大陸學普通話備戰小一嗰個呀~~

上咗去一個月,返嚟上小一,即刻俾老師選咗出嚟參加11月校際朗誦比賽-普通話初小組     都算不枉此行lu