07年起升中選校多了3間跨區志願

Hellomummy

上週五去了阿仔既升中講座, 由今年起統一派位中, 除了30個志願要填以外, 還有3個志願可以跨網, 咁即係在自行中所選的兩間, 統一時可以再選多一次, 而學額是該校統一學位的10%, 聽落好似係好消息播!

mi_wong

升中生個個都有此個好消息，等如無，太多返而擾亂家長個心，我個仔出年都升中，近期所討論都離不開這話題。知道大致分三部份︰1)A part 自行收生 - 家長可自行選2間(任何區都可以。)2) B part 統一派位 - 家長填表選3間(任何區都得。)3) C part 統一派位 - 家長填表自選30間(自己區)，分成三部份，究竟第2 part　同　第３ｐａｒｔ邊點分，人係貪心，實係第2part填心儀他區中學，第3part 先填自己區，好似唔好嘥咗d機會，但好衰唔衰中咗他區中學，你話都未碌到自己嘅心水，咁積係話第2part對有d家長(自己區)無分別，但對d想跨區嚟講就好囉，唔駛搬屋或者借地址咁煩。

cwingc

咁係會派跨區頭三個志願先或自己區三個志願先, 如果唔選他區, 對派自己區先會有着數嗎??   

mi_wong

係囉？我都唔知？係2 part都填翻自己區囉，咁!!都無好消息。 :idea:

mi_wong

係囉？我都唔知？係2 part都填翻自己區囉，咁!!都無好消息。 :idea:

mi_wong

我個仔banding1，全級15內，想入d有名嘅中學，喇沙和拔萃係咪有錢仔讀，翻學放學都有車接送，驚個仔入咗去貪慕虛榮或自卑，華仁及英華如何？但英華出年一條龍會好難入。華仁近年校風差咗d？

Hellomummy

舉例: 該中學共有5班(200個)中一學位:

(A)中一學位總數          = 200
(B)重讀生學位= (A) x 5% = 10
(C)自行分配學位 = (A) x 30% = 60
(D)供統一派位的學生 = A - B - C = 130

(D1) 不受學校網限制 (D) x 10% = 13
(D2) 按學校網分配 (D) - (D1) = 117

理論上應該那3個志願可以不跨網, 照選番本區(類似小一咁)對有心跨網的學生來說是好消息, 因為多了10%, 不過要同全港跨網既學生爭, 包括該區既學生, 對本區學生來說就多了一班跨網既競爭者

raulsing

Hi Hellomummy,
你好,是否自行2間跨區外,可在統一選3間跨網(照填自行2間跨區在內)鼘都可以,只是好唔好彩抽到!請指教.....

Hellomummy

raulsing:

唔駛客氣, 大家研究下而已!

YES, 可以在跨網首3志願再選自行果兩間, 理論上入既機會係大左, 不過%仍是低於非跨網果班, 因為佢地係同全港學生爭130個位, 而我地(跨網)係同全港爭果13個位...而派到與否既機制係跟非跨網一樣, 即是先跟banding派然後再跟隨機編號...

同埋, 統一派位係先派跨網果3個志願, 再派本區網的.

raulsing

Thanks.
咁就係話如果我考自行2間跨網(全港大約13-15個位),在抽獎派位時揀選跨區都放這2間先.咁就會先抽此part,如果無位就再抽自己網果30間?是嗎!但是否不可能抽到頭3個志願?

Hellomummy

raulsing 寫道:
Thanks.
咁就係話如果我考自行2間跨網(全港大約13-15個位),在抽獎派位時揀選跨區都放這2間先.咁就會先抽此part,如果無位就再抽自己網果30間?是嗎!但是否不可能抽到頭3個志願?

raulsing:

據我理解, 爭完果13個位, 再來一輪爭果117個位, 因為兩輪係爭不同組別的學額, 所以13個位果輪落空, 117個位果輪仍有機會中, 所以理論上係有機會抽到頭3志願的(自己網果30間).

raulsing

多謝你,咁我便可以博一博心儀2間跨區,如果唔得,再係自己網等大抽獎看看運氣,對嗎?