點解你地會選擇播道書院?

verytired

我知今年好多家長選擇播道, 大家點解會揀呢?

Dennisk

原文章由 verytired 於 07-9-19 12:50 硐表
我知今年好多家長選擇播道, 大家點解會揀呢?

真係多謝妳開個咁樣的topic，因為好似無人問，無喇喇講點解揀這一間學校，好似好怪又好似好hard sell買廣告咁，所以收埋佐好耐無機會講。好今次居然有人問，我就唔客氣喇當仁不讓。
話說大約兩年前就已經為了大囝升小學的事情去張羅，如聽小一派位呀，買D天書呀搜集許多不同類型的學校資料...等等，直至到上年暑假，買佐本講香港D直資及私立小學的書（好在又有記錄到還未開學的播道書院），諗佐諗自己的小朋友是否適合香港的傳統教學？答案是否定的，所以就narrow down佐好多選擇，現只有直資或私小（包括了國際學校）了。
自己定了幾個選校要求，首先就是學校要有教會背境的，其次要以英文為主要教學語言，最後就是要囝囝鍾意。這樣我就在雲雲眾多的學校裡選了幾間，接著就帶囝囝實地睇睇，最後只得兩間選擇。而播道書院就是其中一間，另外一間是我爸爸媽媽非常喜歡的學校，指定要考！而這間學校其實也能達到我的要求的。之後，我就只集中搜集這兩間學校的資料及去聽他們的簡介會，以上都是一些背境資料，而以下的經歷才是今天我想分享的重點。
雖然從書上基本了解了EC，但因為他們攪了幾場簡介會，那當然要去實際聽聽喇，因為時間關係選了最後一場去聽，事前又打電話到學校了解了正確地址，自己以為一切準備就緒...神卻另有安排！
下午提早了一點到步以為好醒，一出地鐵（調景嶺站）無錯係調景嶺站，因為我打電話給學校查詢地址時那職員是這樣回答我的，而我當時是有再三確認過的。因此一出站當然就去站內地圖看看學校在那，那知到找來找去也找不到（當然喇）！找不到就為有去向站務員求助了，一問才知原來是將軍澳站才真 。因為當時太太大住個肚所以要行一個地鐵站都是一個很遠時路程，心諗乜EC的職員咁差架！ 當時還未有打退堂鼓的意思。但說時遲那時快，砰一聲，當時囝囝距離我同太太最少有三四十米，在一個鐵馬上玩，家長可以諗到當時有幾甘喇（三四十米都聽到聲）。我馬上衝過去見到有個好年青的sales打扮的人，佢講佐句嘩好大聲呀！就行開了，Daniel抱實果頭後面（因為他是向後番掉下來的）我知到今次大件事了，心情相當亂只是攬著Daniel希望佢無咁痛喇！（其實我痛過佢【心痛】），不過大家都知這是唔work架喇！感謝神，就在這時祂派了一個站務員天使來安慰Daniel及這個驚慌失措的爸爸。這位站務員真的好細心很nice好幫到我及Daniel，到今日我依然要多謝佢，比起那個年青sales真係差天共地！到了這時我已有了最後決定...就是走！我同太太講我地快D走，唔好去播道喇，妳又大住個肚搭一個地鐵站去到都遲晒喇，而且Daniel又撞到個後腦，咁點去簡介會呀？走喇！（我心裡真的好想好想走！）但太太卻又是神派來另外一個的保守天使，佢話都黎佐喇要用信心（我心諗乜信心都無喇，聽唔到咪算囉！）。就是太太的信心又看到Daniel無咁痛了，我再三問Daniel仲痛唔痛（真係問佐好多次），佢都答唔痛所以就繼續我們的EC之旅了。
到了學校...嘩乜咁多人！遲到就當然入唔到去喇（因為出錯站又發生意外），在禮堂外面我的小信又發作了。我同太太講咁多人走喇，妳睇裡面D人，咁鬼死多有D都無位坐，妳大住個肚又點得呢？不如我地拿了Application form及介紹leaflet就打道回府好嗎？而且我又可以睇睇Daniel（籍口多多只係想走），其實最大原因就係我唔相信神會讓Daniel去這間學校去讀書！但太太一再說等一陣，可能有人好似你咁，聽聽下唔對路就想走呢，到時我地咪有幾會入去囉。真係講你都唔信，很多人都好似我的想法一樣，見進不了去就拿了form就走了，但太太的信心卻成就了Daniel今日可以在EC讀書的第一步。等了只是幾分鐘就有人走出來了，我心想真的那麼差？那麼快就走！但不管那麼多了，經過這麼多困難才入到去，快快問準門口的老師就進去了。
看到台上的盧校長，樣子年青又有D明星樣（肥版林嵐） ，好似唔係好信得過播（以貌取人 ），第一個印象一般。但聽到他講到自己的三個女兒時... 感謝天父!這四個字，就好像一把大刀，由頭到腳把我劈開來似的，嘩乜真係有人會係學校講耶穌架？仲要係校長添 。接著我就很留心聽校長的見証及學校的介紹了，當中校長講到學校其中的一個教學理念或目標，就是要培育出香港新一代的領袖，但校長卻是用上一個一般人不會用的terms去形容這些領袖，就是serving leader喇...。點解咁奇，leader乜唔係高高在上，人人去serve佢而係在下面走去serve人？原來這就是播道其中的一個精神又係基督精神，就好像耶穌降世並非要受人服侍反而去服侍人，為他的門徒洗腳。聽罷整個簡介會，我清楚明白自己想要D乜又或者說是想Daniel得到D乜。
學校就當然是為了把知識傳授開去而設立的，因此我相信應該不會有學校是學不到東西的（學術上）。但做人同認識真理又由邊個去教呢？我同太太信主十幾年，真慚愧在Daniel進幼稚園時沒有想到我們一直所相信的主，只是讓他進到一間普通的學校罷了。今次由找小學開始一直到去聽EC簡介會為止，我清楚這是神的帶領及保守，如果不是祂我自己早就走了。所以一回到家我地大家都知到這是神的旨意，因此我們三個都跪在地上禱告感謝神。 所以我可以話這間學校唔係我揀的，而是神為Daniel為我一家去揀的！亞門

[ 本文章最後由 Dennisk 於 07-9-19 15:56 編輯 ]

PERRYNMOM

Dennisk
聽完你的分享,好感動:loveliness: .真的. 有些事真的昗昗中有安排,如你所說,是神帶領你同兒子到了EC. 我雖然不是教徒但我也希望小朋友能在基督學校下成長, 如你所說,學術性的事是很多學校都能俾到的,但如EC所說生命價值這一科很重要的, 這就不是每一間都能給予的.所以我對EC好有信心, 這是小朋友的福氣能在這環境下成長 (雖然EC未收我個女,要等消息,好希望能成功錄取).

想問你另一問題,如你所說,你有第二名小孩,是不第一名小孩入了EC,第二名的機會會大很多呢? 因我也有2名小孩,今年大的IN完EC,希望2名小孩都可在這所快樂的學校成長.

原文章由 Dennisk 於 07-9-19 15:51 硐表


真係多謝妳開個咁樣的topic，因為好似無人問，無喇喇講點解揀這一間學校，好似好怪又好似好hard sell買廣告咁，所以收埋佐好耐無機會講。好今次居然有人問，我就唔客氣喇當仁不讓。
話說大約兩年前就已經為了大囝升小學的事 ...

william28

原文章由 Dennisk 於 07-9-19 15:51 硐表


真係多謝妳開個咁樣的topic，因為好似無人問，無喇喇講點解揀這一間學校，好似好怪又好似好hard sell買廣告咁，所以收埋佐好耐無機會講。好今次居然有人問，我就唔客氣喇當仁不讓。
話說大約兩年前就已經為了大囝升小學的事 ...

Dennisk 兄,

感謝主! 你們在一次重要人生決擇中認定神的帶領. 希望你們常常經歷主恩.

w+w

原文章由 verytired 於 07-9-19 12:50 硐表
我知今年好多家長選擇播道, 大家點解會揀呢?

看到Dennis 的分享是非常感動.
其實我都好想與大家分享小孫女入播道的經歷:
小孫女應該是第一屆的學生, 早於兩年前已經部署入讀, 但因健康問題需要延遲報讀, 所以暫時放棄.
感謝神把她從死裡帶回到我身邊, 在祂的指引我知道她需耍入讀一所有宗教及對小朋友非常有愛心的學校, 讓她得到快樂的校園生活, 所以決定了從生活二十多的葵涌搬到將軍澳, 以適應本區的生活, 開始去迎接新的開始. 我知道只要意志堅定, 對學校有信心, 神必會為你們指引.
由始至終我只為她報讀播道一間

freddielau

我亦是在兩年前佈处入播道，話說兩年前知道有一所全新一條龍直資學校開講座，(當時連什么是直資都不知为何物，)就跟太太一起去聽，當時連校舍都未有，只是在尖沙咀ＸＸ洒店開，嘩！己經人山人海，我就是被盧校長的見證及"serving leader"的教育理念所吸引，其实我前前后后共聽了四次。。
But, "join EC family" is only ahope or even a wish to me....Since Hayden is too shy and failed in most of the school interview. He took part in 2 rounds of EC interview and all failed.(not even waiting list). I almost gave up (I did sent 2-3 letter to Principal Lo and go to the school campus in the morning time for getting myself exposed to Mr Lo),  until EC call me in June. Every thing changed.

Hebron

嘩,看完Dennisk和w+w的分享，我也很感動呢．我們一家也是由老遠的葵涌搬來讓仔仔在這所學校就讀的，但正如w+w所說真的有許多適應，但也令我們相信上帝的帶領是極奇妙的，其實我也是極小信的，但也要向你們學習要信得過上帝，相信上帝為仔仔預備一所最適合他的學校－－就是播道書院．

原文章由 w+w 於 07-9-19 16:54 硐表


看到Dennis 的分享是非常感動.
其實我都好想與大家分享小孫女入播道的經歷:
小孫女應該是第一屆的學生, 早於兩年前已經部署入讀, 但因健康問題需要延遲報讀, 所以暫時放棄.
感謝神把她從死裡帶回到我身邊, 在祂的 ...

Emailfamily

當我睇完大家寫嘅嘢，我都十分感動（尤其是Dennis ），簡直就是說中我點解選這間學校，雖然播道好新，報名時一D track record都無，但聽完盧校長的簡介會之後，播道書院已是我首選（原本是另一間直資），可惜第一次interview已唔收，但我都係堅持盧校長的金句，再接再厲，最後終於成功！看見盧校長對培育下一代的熱誠，我好放心將個女交比佢:loveliness:

Snowberry

記得兩年前, 我為女兒選擇了保良局方王煥蒂幼稚園, 結果失敗了. 當時我去學校找校長, 希望校長收小女, 其中我說: "...小女的分數應該很高, 我很希望女兒能入讀...希望校長能給小女一個機會,考慮收小女" 但我意想不到, 身為校長, 竟說: "...分數雖然很高, 但也未至於100分..." 結果想當然是不收. 聽到校長的回應, 我馬上很慶幸小女不是入讀這間所謂的將軍澳區名校, 入不了這學校一點遺憾也沒有. 後來小女入了一間教會學校, 她的確是讀得很開心, 但我發覺她竟然會向瑪利亞祈禱, 我簡直覺得晴天霹靂, 我告訴自已, 小學一定不會讓她在這宗教背景的學校入讀. 我向神祈禱, 請求祂帶領小女方向, 我願意跟隨祂的腳步.
源於身邊友人的親身經驗, 我本來對有新思維, 較為活動式教學的新學校并無好感. 我本來并無意報播道, 但卻一次又一次的從友人口中, 被友人建議考慮報播道, 我一直都沒將之放在心內, 直至播道截止報名前的兩三天, 我才想: 報了再說.  結果就報了. 那天聽了簡介會後, 我很慶幸有報名, 心裡非常渴望小女能在播道成長. 我問神, 這是否祂的安排? 若是的話, 請神保守此事.
那天看了BK友Dennisk 回覆關於Label的事, 我心情有點下沉. 但後來我告訴自己, 不要為一些未經証實的消息影響到自己的心情. 而且, 應該對神的帶領有信心. 即使不收, 也可望用誠意打動盧校長. 這兩星期的等待真是望穿秋水.

iwff

好感激Dennis 的分享 , 我相信能入讀播道一定是神的安排, 我好欣賞播道的生命價值教育是用聖經為標準, 可以幫助小朋友導向神的說話。現在每日都祈禱神安排一間適合仔仔的小學就讀, 當然係好想入讀播道 , 但這安排較給神吧!

願神祝福大家。

iwff

MMM888

我都想分享一下點解我會選擇播道，係兩年前當時我囡囡仲係k1的時候，剛剛開學無耐，有好多小學做開放日比人參觀，
係朋友口中得知來緊會有一間直資的小學係tko,
學費仲要係好平，$1000 無錯，當初真係比甘平的直資學費吸引而留意播道，之後係我人生第一次去聽學校的簡介會，
個陣學校都未起好，所以要係ymca樹聽講座，
當日已經被盧校長的說話吸引住，佢所講的教育理念正正就係我想比我囡囡的，個陣同自己講，遲下我一定要為我囡囡報名
之後k2我又去聽，一樣係甘吸引，直到今年一知道可以報名聽簡介會我已經打電話去留名，同時亦開始整理我囡囡的profile,
終於到18/8簡介會，聽完之後馬上交表，等左甘多年，終於可以為我囡囡報名啦．．．

播道比我的感覺係一所充滿愛的學校，我覺得可以係愛中成長的人好幸福，我覺得童年對一個人的成長好重要，我好希望我囡囡有一個好快樂的童年，雖然我囡囡唔係一個特出的小朋友，
仲要係細女，但我真係好希望播道可以接納佢成為一份子，
可以學會去愛人，去幫助人，貢獻社會．

freddielau

原來甘多家長都係愛上了ＥＣ超都２年以上！