移民英國

無飯主婦3

我同老公計劃緊移民英國，小朋友依家16個月大，幾時過去會較好？

我唔想佢地一d中文都唔識，所以想讀完幼稚園先過去！咁好唔好？

同埋，我係咪應揀一d國際學校讀K1？

有冇其他野要注意？

亮燈

個人意見：如果你真係想小朋友學到中文，咁起碼要讀完小學。而你話讀完幼稚園就去英國，咁佢將來大個左都唔會識到中文，因為一定唔記得，而且係英國讀小學、中學時，佢接觸既同學都只用英文溝通，佢自然唔會學中文。

無飯主婦3

原帖由 papaof2 於 14-10-07 發表
你之前有冇往過英國？

冇，只係去過旅行，而老公因為係英國公司做，年年都過去一兩次

梁媽媽

回覆 亮燈 的帖子

讚成, 讀完幼稚園...中文基礎真係唔夠,如果你只係想佢中文識聽識講, 咁讀完幼稚園先走就應該無問題。
(你們在家中可以繼續用中文溝通。)

但如果你諗住佢識中文字就唔係幾得, 因為過到去, 唔駛一年, 乜野中文字都唔記得晒啦。


但我知在英國好多小朋友都會出去學中文, (好易搵到有興趣班是教中文/普通話)  
所以, 可以過到去再 KEEP 住學。

skIII

唔駛揀國際學校讀，小朋友好快適應，反而擔心將來唔識中文。

識一人讀完小學後去讀中二，英文一兩年追上，中文可以讀寫，可以讀金鏞，中英都通，但可能中途入，始終與同學唔太熟，佢話如果讀完小五後去讀中一，大家同一起點，可能會更好。

另一例子是讀完小二後去讀小四，幾年後完全唔識中文，個人覺得太早。

另外要先決定住的地區，因為工作地點會決定住的地區，又影響讀的學校，英國的學校十分參差，差的學校你真係想像唔到，咁不如係香港讀。

最後是移民後大人的適應問題，呢個問題先大，首先即使收入不變，但稅率高，稅後收入會少起碼十幾%，香港中產又多數有菲傭，英國就好難有，最後是晉升問題，香港的機會多，但香港人在英國的晉升機會肯定比香港少。

3b

移民去英國要什麼條件?

亮燈

回覆 梁媽媽 的帖子

同意，其實我覺得學好廣東話係重要既！因為家庭內主要用廣東話溝通。本人經驗，普通話係唔需要比錢學，除非你係想返大陸發展、長住。

梁媽媽

回覆 亮燈 的帖子

即使小孩日後留在英國做事....會普通話在工作上總是較方便, 我始終覺得識普通話係好d。

(純個人。)

Ruby1219

梁媽媽 發表於 14-10-9 09:26
回覆 亮燈 的帖子

即使小孩日後留在英國做事....會普通話在工作上總是較方便, 我始終覺得識普通話係好d。  ...

I agree Putonghua is important. Cantonese is important too, for family and social communications. That's why I invested lot of time and money into keeping my son's Putonghua and Cantonese alongside his native English learning from schools.

亮燈

點解我會話廣東話緊要呢？因為廣東話係我地既文化，我地既根。而普通話只係方便溝通或工作，在我而言，普通話唔使比錢學，因為以前去大陸旅行、聽多D台灣流行曲，已經應付到，而我曾跟一D大陸同事合作，溝通完全冇問題。

月希

如果真係想小朋友識中文....就完成小學後先過去....
唔好真係諗住果邊都有中文學,過去再學....
我有朋友一直KEEP住比小朋友上中文學校..但係升中後都CUT左...因為英國既課業都唔係想像咁輕鬆(相比起黎,美國係真係輕鬆)
朋友仔仔中文大約小二,三程度...同我仔做筆友(佢寫中文比我仔,我仔寫英文比佢)...睇到好多唔通順,同埋果邊學簡體字(唔知咁岩我FD搵到果間係咁,定間間都係咁)...廣東話佢係識,但係少講,音唔正...亦都有好多唔明,或唔識由英譯中或中譯番英...

另外想小朋友識中文都唔好讀國際學校...我家親戚...全都讀國際學校...佢地以唔識中文為榮的mouth:" />
中文幾時都難學過英文...好似我仔咁..係統傳學校讀書...中文有一定水準...英文都唔差的...去旅行冇問題...平時同D堂弟傾計英文都冇問題...
中英讀寫聽講都OK...好過國際學校的堂弟們...中文佢地只可以聽同講,讀同寫都唔掂...英文就讀寫聽講都OK

tyty

月希 發表於 14-10-11 08:15
如果真係想小朋友識中文....就完成小學後先過去....
唔好真係諗住果邊都有中文學,過去再學....
我有朋友一 ...

月希，好耐無見你上BK，你囝囝過英國讀書進展如何?

亮燈

完全同意

shmilu_kio

無飯主婦3 發表於 14-10-6 22:35
我同老公計劃緊移民英國，小朋友依家16個月大，幾時過去會較好？

我唔想佢地一d中文都唔識，所以想讀完幼 ...

唔駛担心佢英文喎, 我囡係普通小學讀完小四先過嚟, 唔駛半年佢d英文已經好流利...

月希

tyty 發表於 14-10-11 10:09
月希，好耐無見你上BK，你囝囝過英國讀書進展如何?

去左旅行睇樓...睇唔岩...老公又覺得實行得太快...佢發現唔係咁想我同仔一齊過去(成個SUMMER我地去完英國又去美國...成個幾月大家都冇見過)....佢想等仔仔大D先自己過去...

依家變左我仔堂弟一家投資移民過去先...
睇下過2年我仔去佢地度住...還是入寄宿...

不過我仔話...佢麻麻地英國...佢鍾意美國多D...
所以如果寄宿的話...可能去美國佢會HAPPY D

我就有D失望...我想仔早DD過去的...英文會PICK UP得好D...
但係佢同爸爸都唔係真係咁想...

亮燈

月希，恕我多事，如果有得揀，我會選擇比子女去英國讀書，因為英文正宗、治安較美國好，到讀完書，佢成人後，就由佢決定去美國或英國發展喇！以上只是個人感覺。

月希

亮燈 發表於 14-10-12 19:45
月希，恕我多事，如果有得揀，我會選擇比子女去英國讀書，因為英文正宗、治安較美國好，到讀完書，佢成人後 ...

係丫..我都知英國英文正宗D...所以老爺提意去英國時....我同老公都覺得OK,好...去就去..只係去完..我仔麻麻地LIKE...
老公又開始諗...成日分隔2地唔係咁好...佢初初諗住為個仔...幾年都OK...但係慢慢佢又開始反口...

另外我自己當年係美國留學...依家每隔幾年都會帶仔仔去美國探下當年的HOST FAMILY...
所以去英國同美國...我仔覺得美國自由D HAPPY D....唔知係咪因為咁比較過..我仔先覺得美國好D...


我覺得...讀書其實去邊都OK既..最緊要仔仔真係鍾意...
依家同老公同佢果邊的家人傾完...
我仔會遲D先去外國...等佢中三打後先...到時等我仔自己揀去英定美囉...
反正2邊都有人可以幫手TAKE CARE...
而本來計劃我仔打頭陣去英國..再等佢D堂弟跟住去..
依家就大堂弟一家去先..因父母都冇做野..OK直接移民過去...唔同我老公..係HK自己有生意要跟..又係澳門幫老豆打理公司...我老公一定唔會走的...咁要分開住..老公諗耐左就覺得唔好...

亮燈

回覆 月希 的帖子

明白晒！總之祝你囝囝學有所成。將來幫到你地手啦！

月希

亮燈 發表於 14-10-12 21:22
回覆 月希 的帖子

明白晒！總之祝你囝囝學有所成。將來幫到你地手啦！

我又唔想仔將來幫老公手...最後自己搞得掂自己...佢要創業都要靠自己...
如果幫手...就算左只係接手別人做好的....唔算係自己實力

我老公都係咁...所以有D人都唔認同佢既實力,努力...
佢先自己係HK再創業之嘛...

將來..有得揀...真係唔想個仔幫手...