請問各位，屯門呂祥光中學和崇真書院邊間更加好D?

Happy_hk

請問各位，屯門呂祥光中學和崇真書院邊間更加好D?聽講屯門2A學校有四間~屯天 辛亥 呂祥光 崇真?咁我呢個排名嘅排法啱唔啱?屯天簡介會話絕大部分已經係Band1~辛亥年上年DSE好似成績又幾好下，六個入三大，似乎好大比例入八大~~呂祥光冇去到，唔知三大比率高唔高?崇真就見寫住一個考入三大嘅，總共話三十五個入本地大學課程~~

ikenmak

Happy_hk 發表於 19-1-17 09:37
請問各位，屯門呂祥光中學和崇真書院邊間更加好D?聽講屯門2A學校有四間~屯天 辛亥 呂祥光 崇真?咁我呢個排 ...

你好！這四間都係B2A校，請勿在統一乙部填乙一至四順序填，只會浪費你機會。
有時間可以了解一下統一派位（俗稱大抽獎機制），這4間只能填2間在乙一及乙二，乙三開始便要填較次的如：永隆，宣道（只識這2間）。

希望幫到你,謝謝！

以下是我印象中的資料（你亦可諮詢其他家長）

屯天，呂祥光，辛亥年（半英中）
崇真（中中）

Happy_hk

回覆 ikenmak 的帖子

多謝你解答~呂祥光同崇真~請問你知唔知呢兩間邊間學術成績更優，更受Band2家長熱捧呢~~~網上見有D坊間排名話呂中排全港資助143，崇真185~咁睇呂中靠前較多，唔知準唔準呢

ikenmak

Happy_hk 發表於 19-1-17 22:20
回覆 ikenmak 的帖子

多謝你解答~呂祥光同崇真~請問你知唔知呢兩間邊間學術成績更優，更受Band2家長熱捧呢 ...

你所找的排名應是2010年，今年是2019年，好多中學已有進退，呂校已倒退，崇真係上升。


以下是該校DSE成績：
呂校：2級率92%(3322率：37％相對平均42％低)
崇真：2級率91％（3322率：沒有）

除上述數據外，還有一些入大學率，兩間差唔多水平，呂校成績平穩，崇真上升勢頭。
你可按子女喜好選擇，因為DSE成績每年都有上落，反而選擇一間子女喜歡而程度適合的中學更佳。

5tgb

收生光譜越闊的學校，收申請表越多。
B2 生都覺得有機會，咪搏下無壞咁解。在報直資時都係架，越有機會收B2 生的B1學校，就越多人報名。

ikenmak

5tgb 發表於 19-1-18 06:55
收生光譜越闊的學校，收申請表越多。
B2 生都覺得有機會，咪搏下無壞咁解。在報直資時都係架，越有機會收B2 ...

我理解佢所指的“崇真”係屯門B2津校，並非另一間深水埗的“崇真”, 希望我無理解錯。

Happy_hk

回覆 ikenmak 的帖子

係吖，屯門崇真書院~已經自一呂中，自二崇真，本身並未去呂中參加簡介會，只聽人講呂中成績好D，資料冊上寫比例似乎好D，又見查排名在前，所以放第一，睇嚟網上擺嘅資料未可盡信~~其實崇真更加中意D，主要去參加咗開放日，校園大D新D~因本身北區讀小學，因搬家所以要報讀屯門嘅中學，所以唔多了解屯門情況，只能估估下報咗先了~見都係話2A~但見你post出嚟DSE考試成績比北區2A學校遜色D?北區2A廖萬石堂中學已經計4級率了~咁屯天同辛亥年應該2A，呂中崇真實際2B到~

littlelamlam

Happy_hk 發表於 19-1-18 07:58
回覆 ikenmak 的帖子

係吖，屯門崇真書院~已經自一呂中，自二崇真，本身並未去呂中參加簡介會，只聽人講呂 ...

我仔就係讀崇真中三, 當年自行都係呂中, 崇真, 不過大抽獎時就選1.崇真, 2.  永隆 3. 迦密, 因為check左原來崇真全級數, IS同英文書教(有2班精英班但全級課本相同), 吕中, 屯天就如果入左英文班, 數IS課本至係英文書教, 其他班係中文書, 仲有崇真校舍大, 又多不同活動, 所以大抽獎就鐵定選崇真了, 入讀後覺得真係無揀錯, 我仔有ADD, 老師好有愛心吾放棄, 舊年仲出左個DSE 40分, 所以banding上升緊

ikenmak

littlelamlam 發表於 19-1-18 08:13
我仔就係讀崇真中三, 當年自行都係呂中, 崇真, 不過大抽獎時就選1.崇真, 2.  永隆 3. 迦密, 因為check左原 ...

恭喜你仔仔讀崇真讀得開心，我個人比較喜歡上升中的中學。崇真成績不斷進步，一定有其優點，可否分享一下校園生活？例如：師生關係，教學模式等。讓屯門家長多點資訊了解，謝謝！

littlelamlam

ikenmak 發表於 19-1-18 08:48
恭喜你仔仔讀崇真讀得開心，我個人比較喜歡上升中的中學。崇真成績不斷進步，一定有其優點，可否分享一下 ...

學校好多不同活動架, 好似中一就一定要join學校既學器課, 團契同埋一樣課外活動, 有校園電視台, 小記者, 我仔就入左乒乓球隊, 而學校就籃球較叻啦, 校風嚴, 奬罰分明, 師生關係好好, 老師好有heart, 我仔係有專注力不足, 老師都好包容同埋有愛

ikenmak

littlelamlam 發表於 19-1-18 09:04
學校好多不同活動架, 好似中一就一定要join學校既學器課, 團契同埋一樣課外活動, 有校園電視台, 小記者,  ...

專注力不足的孩子在少年時比較難坐定定成個鐘，崇真多元化又活動多，最啱你仔仔，老師多關愛係好重要架！
你可以放心係，專注力不足會隨年紀而減退，而崇真咁好的學校文化，成績不斷進步，只要孩子保持上進心，入大學一點也不難。

如屯門家長屬B2, 崇真係不錯的選擇，不過好熱門！（與屯天/呂中/辛亥年一樣搶手 ）

littlelamlam

ikenmak 發表於 19-1-18 09:11
專注力不足的孩子在少年時比較難坐定定成個鐘，崇真多元化又活動多，最啱你仔仔，老師多關愛係好重要架！
...

係呀, 我知今年已收左4××份表啦

ikenmak

littlelamlam 發表於 19-1-18 09:19
係呀, 我知今年已收左4××份表啦

400多份咪等於10揀1？ 崇真都好搶手下，我諗“屯天”應該有600添（因為歷史和知名度更響關係）,似乎要入心水校，一點也不容易啊！

Happy_hk

回覆 littlelamlam 的帖子

我都有爬文見到你家哥哥讀崇真~恭喜。亦知道個妹成績好好~~~~我屋企就姐姐成績幾好~亦自主，個細佬就一路比較唔自覺，操心多~成績中等~
崇真係幾好嘎，細佬去過，中意學校嘅STEM教學，老師亦幾好~你當時崇真放自幾?

Happy_hk

回覆 littlelamlam 的帖子

哇，400幾份，競爭好大哇，今年豬仔畢業，情況好嚴峻啊。我上星期交表，個號碼8XX。我話就8百幾報名a，佢話係代號

littlelamlam

ikenmak 發表於 19-1-18 09:27
400多份咪等於10揀1？ 崇真都好搶手下，我諗“屯天”應該有600添（因為歷史和知名度更響關係）,似乎要入心 ...

又吾一定架, 始終屯天有聯繫小學, 不少家長會卻步, 好似今年升中學生多(呀妹都係小六生, 不過佢成績較呀哥優勝, 呈分屬b1頭), 陳瑞芝估計會收6××份表, 百周都係180份左右咋

littlelamlam

Happy_hk 發表於 19-1-18 09:27
回覆 littlelamlam 的帖子

我都有爬文見到你家哥哥讀崇真~恭喜。亦知道個妹成績好好~~~~我屋企就姐 ...

果時自一呂中, 自二崇真, 不過呂中好寸架, 即日second in, 你無就走先咁囉(我仔咪係無second in果個囉)

littlelamlam

Happy_hk 發表於 19-1-18 09:31
回覆 littlelamlam 的帖子

哇，400幾份，競爭好大哇，今年豬仔畢業，情況好嚴峻啊。我上星期交表，個號碼8 ...

舊年no.過千添呀! 不過我fd話佢係1-50, 100-150, 200-250 咁, 所以個總數減半就差不多

Happy_hk

回覆 ikenmak 的帖子

你係未小六家長呢?你報咗邊兩間?介唔介意講下?~~其實我仔好中意馬可賓~~只可惜成績達唔到，佢話如果小五就參加簡介會知道呢間學校，佢一定好好學習，考好個試~~佢成日得個講字~

ikenmak

littlelamlam 發表於 19-1-18 09:40
果時自一呂中, 自二崇真, 不過呂中好寸架, 即日second in, 你無就走先咁囉(我仔咪係無second in果個囉) :n ...

想了解一下什麼是“即日second in"?係咪3月上午面試，中午通知你當日下午second in?

定係其他意思？