12-13升馬基小一聊天區^V^

jk923

我個仔讀緊p5，阿女9月入小一！好開心係度識到大家，好快就會收到信講關於普教中面試資料(照往年就係新生日做埋面試)，7月7日會係新生訓練日(阿仔手冊印左)，小朋友跟老師，家長去開家長會，好似重要買校服同新書。

jk923

jomel 發表於 12-6-6 09:56
咁7月7日真係幾多野喎!仔仔未去過間學校架!我就跟家長會參觀時去過,相信嗰日一定好熱鬧
jk923:
你仔仔P.5, ...

平日大約5、6樣，星期五會多d，都試過12、3樣架(但計返放2日假我又覺得ok)，壓力就睇個人，因為我仔都算定，由細都好主動做晒功課，好多時都係學校做到80%功課(除左有特別野抽左導修堂)老師會教佢地係學校先做思考性功課，因為可以係學校問老師，然後先炒寫。學校最吸引嘅係大部份老師都好好，有愛心、細心，有時同學曳都會鬧架，但我自己都好明白，自己湊住2個小朋友，佢地曳起上黎都會鬧，何況一班有3x人，最緊要唔好影響課堂就ok。阿仔一年級時試過放小息比人撞親受傷(撞腫左個嘴，好輕微損左)，訓導主任即刻打比我，講返情況同點樣處理，我都有問洗唔洗入去睇佢，主任話佢個情緒已經冷靜返，所以我決定唔入學校，阿仔放學返屋企無耐，又有另一個主任打黎問候，話阿仔有無特別情況，有事可以大家共同處理，所以我真係好放心。

jk923

不過新生日未分班，我地大家keep住聯絡！

jk923

queeniechung 發表於 12-6-7 10:34
我正住係學校隔離，我囡日日都聽住老師的廣播，佢都好似好熟咁

但我想問，我聽到有家長話而家功課 ...

早2年小一、二的常識科用校本課程，所以唔洗考試，但舊年就用返書，所以要考多一科。

我會去諗方法去比小朋友識應小一學校生活，好似我仔咁，有部份同學/家長叫話好多功課呀，但佢放學返黎我問佢，今日有幾多樣功課呀，佢最多話x樣遮，唔係好多。係小朋友面前就算自己覺得多都好，比返多d正面說話佢地聽，等佢地唔好每次都帶住負面情緒做功課，我相信每人能力唔同，但開心情緒鐘意返學係最緊要，黎緊我女都無阿哥做野咁快手，我地都有話佢知小學功課會比而家多，但當佢係學校做得快，返黎屋企一樣有時間玩，而家佢自己最擔心係佢食飯太慢喇！

jk923

我要搭校車。

jk923

我住愉景，而家8：05開車

jk923

Queen：
我又覺得ok,佢地唔會話咁近打鐘先反到去。

jk923

queeniechung 發表於 12-6-16 11:07
回復 jomel 的帖子

係呀~因為我係自行階段時入左，所以我諗自行階段入左的家長們要留意下

我同老公商量過，亦問過阿女意願，佢唔想，所以我無申請。

jk923

queeniechung 發表於 12-6-18 09:45
回復 jk923 的帖子

好尊重囡囡~我囡囡無咩所謂，咪比佢試下，唔會話一定要入

學校嘅宗旨係唔想因為用普通話教中文而令到中文水平下降，但家長係屋企都最好跟下。

jk923

我係全職媽媽。
7月14日下午學校開放日呀，有機會帶小朋友去學校等佢地可以熟習一d環境。

jk923

我暫時會送飯。
今日就要返去新生日喇！

jk923

我個女1E呀，唔係普教中的，暫時未見有人同班喎，今年幾多班普教中呀，我見jomel個仔1D係普教中，我一路以為D,E班係普教中添。

jk923

jomel 發表於 12-8-22 17:01
各位，我個仔仔讀1D喎!我地好似個個都唔同班咁既?
1/9有得觀課咩?我唔知喎! ...

我見學校網頁寫住觀校日，但得1個鐘，係咪比黎緊報讀小一d家長參觀？
http://www.kwmwps.edu.hk/home/index.asp

jk923

agneslai206 發表於 12-8-21 10:29
各位好 ! 我包包下書, 發現後面要寫班, 但都未知, 所以唔包住. 都想懶d 唔包, 但細個自己都有包.

請問知 ...

我第一年都想包，但朋友講左句，d書已經夠重，再包咪重多2錢，所以除左詩歌集我會包(未派，要用6年)，手冊(學校會派膠套)外，其他書我無同個仔包，由其而家中、數、常d書都拆做2本，每本書其實用2個月度就會換，好彩我仔d書暫時未試過甩頭甩骨咁返黎。

jk923

queeniechung 發表於 12-8-24 10:29
應該唔去1/9的觀校日啦，另想問下有經驗的媽媽，第一日係咪唔洗帶大書包，同埋洗唔洗比小食佢帶返學校? ...

我果時會照比返書包阿仔，帶筆袋(低年班老師唔比用鉛芯筆，有d連筆刨都唔比帶，因為驚小朋友論盡，一唔小心刨完倒到一地都係就弊)筆袋我會放幾枝鉛筆，間尺，3色鉛子筆，一支過果d顏色筆方便有時做作業要填小小顏色時用。第一日會派好多通告，帶定功課袋等佢地習慣入野入去帶返屋企，記得帶定外套，要帶小食同水(用食物袋袋住)，因為佢地會放小息，呢幾日佢地會學習日常運作，例如排食飯隊，校車、放學隊等。

jk923

queeniechung 發表於 12-8-24 13:56
回復 jk923 的帖子

O~~~~謝謝你~

唔洗客氣！

jk923

cyhk2006 發表於 12-8-24 16:21
C同D係普教班.

唔該晒！

jk923

衰豬仔 發表於 12-8-25 00:23
HELLO  jk923 :

我阿仔都係讀 1E班呀, 請多多包容!

終於有個同班啦，我住愉城架，你住邊頭，唔知有無機會同車呢？

jk923

各位：
我之前做左學校時間表吉表，係A4 size黎，可以放出黎比小朋友對黎執書包，唔嫌棄Pm  email我send比你地。

jk923

queeniechung 發表於 12-8-28 12:18
我住正學校隔離，如果可以游繩返學就好啦~

比你笑死，我諗起大雄唔知醒起身返學，用竹蜻蜓係窗口飛入課室。
你係咪全職媽咪黎架，如果係就好，我地小朋友有咩事，唔記得帶野可以搵你幫手。