我囝囝派了兼收位啦

garytai

06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都進步左, 洗咁多錢都值得的

不過唔知係咪之前過份著重佢的整體發展, 忽略左佢的性格, 依家佢的發展都可以話慢慢上軌道, 現在又要執佢d脾氣, 佢一唔鍾意就打人, 拎玩具丟人, 而且好牛黃, 都有少少覺得樣樣要兼顧真係唔容易, 做一個盡責的媽咪更加困難, 不過當發現佢有少少進步我就好開心, 以前佢打完人就走左去, 到依家佢打人後就話呵番, 當然我都唔准佢用呢種表達方式, 但係要執佢打人真係好大張力, 教極, 勸極佢都仲係咁, 有時真係好忟, 希望未來可以同兼收老師一齊執埋佢呢種性格, 咁就very good啦

Charlotte_mom

我仔仔都讀緊秉收位, 開左學一個星期, 佢對學校都熟悉lu, 今日剛開始家長清場, 放學時老師話, 佢都ok, 去廁所, 換鞋, 上堂都無問題, 係走黎走去, 食飯又唔乖, 好在老師之前已經同我夾定, 有必要時會做惡樣俾佢睇, 暫時我個仔見到老師"變臉"都識stop! 一切under control
講開打人, 我都見過我個仔打人, 不過係隔離位個妹妹先打佢一把, 我個仔呆左, 3秒後仆返人地個頭.......... 哎, 2個都唔arm架喇, 一齊俾老師訓話lor!
你都可以多d同老師溝通, 希望你仔仔學校生活愉快

原文章由 garytai 於 07-8-9 15:46 發表
06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都 ...

[ 本文章最後由 Charlotte_mom 於 07-8-10 14:56 編輯 ]

llcathy2004

我個仔又係啱啱開學，初初果兩日又喊又唔聽話好失控，呢幾日完全分離反而乖啲，又可能熟左個環境同兼收老師啦，無咩點喊喇，今日肯自己食飯添．不過都係唔識控制情緒，希望第日會好啲啦．

garytai

原文章由 llcathy2004 於 07-8-10 19:13 發表
我個仔又係啱啱開學，初初果兩日又喊又唔聽話好失控，呢幾日完全分離反而乖啲，又可能熟左個環境同兼收老師啦，無咩點喊喇，今日肯自己食飯添．不過都係唔識控制情緒，希望第日會好啲啦．

點解你地咁快可以開學? 係咪舊年讀開? 囝囝將會讀果間話要1/9先可以入讀!

Charlotte_mom

唔係..........係間學校本身早d開學姐, 6/8已開學, 不過學校講左, 出年開始, 為左就返學券9月開始"派錢", 都會改返9月開學
我比你好彩, 我2月至開始排, 仲只排左而家果一間(因為社工朋友贊好), 結果今年就入到.........
我個仔好"醒", 識得蝦老師(夠膽死試人地底線), 好在老師經驗十足, 見招拆招

原文章由 garytai 於 07-8-11 16:12 發表
點解你地咁快可以開學? 係咪舊年讀開? 囝囝將會讀果間話要1/9先可以入讀!

kikiboy

我囝囝都係9月開始入兼收位, 佢係呢間學校讀左一年N1, 8月已升K1, 但兼收位9月先開始. 言語治療師2星期到一次, 你o地學校可唔可以俾家長睇上課呀? 你o地打唔打算每次都去睇上課呀? 我間家長可以睇, 我好希望可以每堂都到, 但我要返工唔知就唔就到時間.
開學後我o地多D分享下啦.

llcathy2004

我仔呢間正式兼收位係九月開始,但我怕佢適應能力唔好,所以比佢早啲番學,趁兼收位老師得閒啲,同佢玩熟啲,第日教佢都容易啲.

原文章由 garytai 於 07-8-11 16:12 發表


點解你地咁快可以開學? 係咪舊年讀開? 囝囝將會讀果間話要1/9先可以入讀!

llcathy2004

你意思係言語治療嘅堂?老師都希望家長盡量出席,學下配合係屋企點做.可以的話梗係想次次去啦,睇下到時時間點,公司得唔得.

原文章由 kikiboy 於 07-8-11 17:54 發表
我囝囝都係9月開始入兼收位, 佢係呢間學校讀左一年N1, 8月已升K1, 但兼收位9月先開始. 言語治療師2星期到一次, 你o地學校可唔可以俾家長睇上課呀? 你o地打唔打算每次都去睇上課呀? 我間家長可以睇, 我好希望可以 ...

anhemama

garytai,

我同你仔仔一樣,9月正式入兼收位,真係好開心,佢依半年都進步咗,我想問下你,仔仔對外語會唔會特別有興趣同好記性

原文章由 garytai 於 07-8-9 15:46 發表
06年9月入紙申請, 今年9月已經可以入讀兼收位的學位, 真係好高興, 希望囝囝用左兼收位後佢真係可以有進步啦!

其實呢一年黎囝囝都進步左好多, 排兼收位同時都有安排早期訓練俾佢(自費), 見佢理解力同埋表達都 ...

garytai

原文章由 anhemama 於 07-8-12 23:55 發表
garytai,

我同你仔仔一樣,9月正式入兼收位,真係好開心,佢依半年都進步咗,我想問下你,仔仔對外語會唔會特別有興趣同好記性

你好呀, 我囝囝對外語又唔覺特別有興趣, 不過會容易記d囉, 好似玩abc拼板佢日日玩, 玩左半個月現在都認abc啦, 在街見到英文字都識得讀, 我都冇刻意教佢, 佢都好鍾意玩, 反而數字拼板都有玩, 不過就成日撈亂, 仲係唔多認得咁, 認真奇怪!

[ 本文章最後由 garytai 於 07-8-13 23:14 編輯 ]

garytai

原文章由 Charlotte_mom 於 07-8-11 17:11 發表
唔係..........係間學校本身早d開學姐, 6/8已開學, 不過學校講左, 出年開始, 為左就返學券9月開始"派錢", 都會改返9月開學
我比你好彩, 我2月至開始排, 仲只排左而家果一間(因為社工朋友贊好), 結果今年就入到 ...

嘩, 你咁好彩既, 原本今年囝囝派唔到嫁, 因為我家住將軍澳, 所以揀親都係將軍澳的熱門學校, 當五月知道派了位六月打去問社工, 佢話派唔到, 仲話我揀果幾間都好多人排, 未有耐到我個仔, 我好勞氣又成日打去同社工講我囝囝好需要兼收位(是實亦都係好需要, 因為前幼稚園校長都不斷催我快快攪兼收位), 個社工先話有幾間有機會派到位, 問我轉唔轉? 我就即刻轉學校, 直到後備位派第三輪先派到囝囝....如果唔係之前日日打去哦社工囝囝都未必派到位

[ 本文章最後由 garytai 於 07-8-13 23:15 編輯 ]

amon28

garytai

我都係住將軍澳,囝囝岩岩先排i位,我都唔知揀邊間,暫時揀了明德話要排一年,囝囝依家2歲,今年要揾定學校3歲入學,到時排到又要轉校,真係好煩.
請問邊幾間係熱門學校,我唔會揀啦因我唔想等咁耐我想囝囝可以快些排到入學
你囝囝排到邊間呀,可以話比我知嗎

原文章由 garytai 於 07-8-13 23:13 發表


嘩, 你咁好彩既, 原本今年囝囝派唔到嫁, 因為我家住將軍澳, 所以揀親都係將軍澳的熱門學校, 當五月知道派了位六月打去問社工, 佢話派唔到, 仲話我揀果幾間都好多人排, 未有耐到我個仔, 我好勞氣又成日打去同 ...

garytai

原文章由 amon28 於 07-8-14 00:07 發表
garytai

我都係住將軍澳,囝囝岩岩先排i位,我都唔知揀邊間,暫時揀了明德話要排一年,囝囝依家2歲,今年要揾定學校3歲入學,到時排到又要轉校,真係好煩.
請問邊幾間係熱門學校,我唔會揀啦因我唔想等咁耐我 ...

amon28,

如果你現在才排i位我勸你不要排明德了, 因為我問過社工明德今年只派到06年3月遞表的人, 我是06年9月, 所以我估我唔轉下年都未必到我, 何況你現在才遞表....

其實你真的可以打去問社工那些學校不要排咁耐, 佢地知道的, 下個月囝囝便轉去保良局彩明幼稚園,據社工資料這間已派到07年5月遞表的, 如果仍是這樣你的囝囝有可能下年便派到位, 不過一切都問左社工後再作決定! 如果囝囝在彩明讀得好我再話你知, 因為保良局彩明02年才辦學, 而且是混齡教學, 雖然混齡概念很好, 不過也要看囝囝夾唔夾間學校, 所以如果返得好再報料告知!

至於將軍澳熱門的學校有: 明德, 播道茵怡, 司務道, 因為我選的學校是沒有宗教及基督教, 至於其他宗教我沒有揀, 所以不知道他們的熱不熱門, 你可以問問社工, 還有健明村那間我記不起什麼名字都熱門, 我所提供的是這幾間!

其實之前有人教我成日煩住社工會派得快d, 但我覺得咁做唔係咁好, 所以冇咁做, 到五月派位時知道囝囝沒有位, 開始心急, 又記起有人教煩下社工, 所以當時一星期都打成兩三次, 果次煩多佢地幾次佢地真係會著緊d (唔做衰人都唔得), 最後囝囝今年便派了位, 而且以我了解 i 位真的會幫到有需要 i 位的小朋友, 至少1位老師對6個同學, 囝囝進步都快d, 而且言語治療, 物理治療等都會有得做, 所以為左 i 位我都寧願揀一間唔係自己心水果間都要快d俾囝囝入到 i 位!

Charlotte_mom

我果時, 仔仔已經考到間唔錯既幼稚園(所謂名校), 點知姑娘話要入i位! 失晒預算又唔知點揀好!
有個好朋友係社工, 佢當時教我排"基督教服務處", 話老師好好(就算對一般小朋友都好有愛心), 當我同政府社工講我既concern, 佢就話, 既然你煩緊讀唔讀, 咁排一間你最鐘意lor! 好過魚翁撤網, 到時梗有一間不過你又未必鐘意, 放棄左你想要返就難!
於是我咪只排一間lor! 其實快唔快, 仲要睇埋有幾多學生將會離校, 今年我仔仔果間有4個位出, 所以一下子可以收4個i位
到社工通知我有位, 我又"出路遇貴人", 唸起bk有個網友讀過, 即時pm佢問意見啦, 同佢傾完, 我放晒心lu
i位唔係一個老師對6個小朋友wor........係一間學校有6個i位(o係唔同班), 佢地平時都係跟大班上堂既, 不過老師可能有特別安排, 譬如我仔仔老師, 會安排個別跟唔上既小朋友(even唔係i位)上補堂, 可能大家學之前, 小朋友已學左一次, 咁到大班上堂, 又安排佢排頭位, 又特別留意要佢有feedback, 咁佢就易d投入到喇
至於其他專業服務, 就會有治療師輪流黎做, 定時有評估等, 個治療師唔係註校既! 不過校內會有受過訓既老師
我仔仔返左一星期, 老師好掂! 我個仔平時o係屋企慣左俾人喂飯, 呢2日返學食飯已經知晒規矩, 自己爬晒成碗喇(初時都有同老師戰鬥架!!)

原文章由 garytai 於 07-8-14 11:36 PM 發表


amon28,

如果你現在才排i位我勸你不要排明德了, 因為我問過社工明德今年只派到06年3月遞表的人, 我是06年9月, 所以我估我唔轉下年都未必到我, 何況你現在才遞表....

其實你真的可以打去問社工那些學校 ...

amon28

多謝你們報料同意見,我個社工咩都唔肯講,好似咩都唔知,只叫我自己去睇學校.我都有聽過基督教服務處幾好,所以我心目中都有攔宫塘個間,昨天專登請假去睇心目中的幾間學校,近屋企有明德和厚恩,遠有樂緻,彩明和觀塘基督教服務處
明德普通位已經有300幾人waiting, i位得6個都好渺茫啦…不過佢哋用蒙特梭利教學,我囝有玩這些教材,所以我都會照排,但就次選
厚恩校舍舊環境比較差近街市有陣味
觀塘個間就要坐保母車,要行5層榴梯先到學校,我擔心囝囝上落榴梯有意外
樂緻和彩明都OK,但彩明比我感覺好些,環境寧靜,四周全是幼稚園無咁複習,聽落佢哋混齡教學的概念好似幾好咁,加上如果唔坐保母車,出MTR經商塲就到,落雨都唔怕,又唔洗過馬路,對我要返工只得工人湊阿囝返放學係比較安心
我依家首選係彩明,亦打算報定明年普通位入學,到時排到i位就唔洗轉校
graytai 聽你咁講我囝有可能明年已排到,到時佢哋就係同學師兄師弟,你囝囝下月開學情況係點記同我分享,thanks

llcathy2004

可以問下學校兼收位情況，有啲兼收位老師唔駛教其他班，可以多啲時間睇住兼收位學生．

原文章由 amon28 於 07-8-15 14:36 發表
多謝你們報料同意見,我個社工咩都唔肯講,好似咩都唔知,只叫我自己去睇學校.我都有聽過基督教服務處幾好,所以我心目中都有攔宫塘個間,昨天專登請假去睇心目中的幾間學校,近屋企有明德和厚恩,遠有樂緻,彩明 ...

Charlotte_mom

有咩? 一間學校只有6or12個秉收位, 仲要散佈咁多級咁多班, 如果個老師只睇果幾個小朋友, 咪好難安排?

原文章由 llcathy2004 於 07-8-16 08:02 PM 發表
可以問下學校兼收位情況，有啲兼收位老師唔駛教其他班，可以多啲時間睇住兼收位學生．

llcathy2004

我之前排第一志願果間個兼收位老師就係話無教其他班嘅，不過實際都唔知佢係點安排．可惜呢間好多人排，而家都好似到０６年１月乍．

原文章由 Charlotte_mom 於 07-8-17 15:04 發表
有咩? 一間學校只有6or12個秉收位, 仲要散佈咁多級咁多班, 如果個老師只睇果幾個小朋友, 咪好難安排?

garytai

原文章由 llcathy2004 於 07-8-17 17:55 發表
我之前排第一志願果間個兼收位老師就係話無教其他班嘅，不過實際都唔知佢係點安排．可惜呢間好多人排，而家都好似到０６年１月乍．

聽人講有d學校的兼收老師要做埋行政d野, 根本冇時間做兼收小朋友的野, 有等於冇...

尋日兼收組老師應該黎家訪, 約了四點半, 但係過左時間都未到, 我就打電話到學校, 老師問唔係20/8咩? 我話我一定唔會俾呢個期你喎(因為一, 三, 五我都唔得閒), 佢聽後話即刻黎做家訪, 我都奇怪, 覺得老師似唔記得約左我, 心中都有少少唔鍾意, 覺得兼收老師點解咁唔細心...不過媽咪話睇耐d先下定論, 希望今次事件只屬個別事件:cry:

我果間學校的兼收老師應該淨係專職睇番自己果六個小朋友, 因為學校有文員做行政野, 而且學校係有18個兼收位, 即係有三個兼收老師, 所以要做行政野都應該會分均黎做卦

Charlotte_mom

希望係個別事件啦!
我上次做school visit, 個校長叫個老師(應該黎梗會教我仔果班), 照顧班上小朋友同時, 都認識下新同學, 當時我唸, 點解個老師咁唔主動架, 死啦..........
跟住我發現果次真係個別事件(可能咁arm老師較忙), 而家呢個老師, 治到我個仔好掂!! 亦好有交帶, 真係好多謝佢

原文章由 garytai 於 07-8-17 09:00 PM 發表
聽人講有d學校的兼收老師要做埋行政d野, 根本冇時間做兼收小朋友的野, 有等於冇...

尋日兼收組老師應該黎家訪, 約了四點半, 但係過左時間都未到, 我就打電話到學校, 老師問唔係20/8咩? 我話我一定唔會俾 ...