英國boarding男女校定女校好？

國芳

是咁的，呀女已經收到兩間學校的offer, 一間女校一間男女校，兩間成績各樣嘢都唔錯。呀女就好中意間男女校，而且佢又小到大到讀女校，一直都想試男女校。可是，我同老公就唔係好肯定，又唔知男女校既boarding會係點，唔知讀書環境會否差一些，好似讀女校穩陣啲。但係呀女真係好鍾意間男女校，又話想轉下環境，唔中意佢依家間女校的環境經常勾心鬥角，又好多是是非非。
大家點睇？定係我自己太緊張？

caerion

我都有同樣的問題，但阿女同爸爸都話，男女校已比左deposit,唔好再諗

katrinafu

國芳 發表於 17-2-6 23:12
是咁的，呀女已經收到兩間學校的offer, 一間女校一間男女校，兩間成績各樣嘢都唔錯。呀女就好中意間男女校 ...

你女Year 幾 ？
可否告知那兩間學校， 咁會有得比較。

我囡囡要求讀女校， 一初我都 擔心 女兒將來不懂與男性溝通和社交上有問題。 但女兒出去讀書，而且是她要求，我要尊重她 。

國芳

回覆 katrinafu 的帖子

讀year 10, 學校是 woldingham school 和 king's school canterbury

Choisumwong

我的經驗是阿女讀男女校時，就話讀女校好。到了讀女校時，又話男女校好。所以針無兩頭刋，其實各有各好。我建議由女女寫下今天選擇的原因，交給父母保留，過了幾年後，如果女女後悔選擇，就攞出來証明是當初她的選擇。我女女當初選女校讀書，的確是很專心讀書，但到了青春期就難免有比較，覺得女校不好，還説是我幫她選女校，是我的錯。好在我太太記性好，指出當年是她的選擇，與我們無關！

亮燈

個人意見：男女校較好，只要係子女既合理意願，都可以俾佢地決定。
而各家長們擔心既事，講白啲，即係拍拖既事，係要家長同子女好好溝通，而唔係阻止或逃避，因為始終都會面對，如果依家強硬阻止或逃避左，到將來想面對時，就無所適從。當然，亦要教佢地好好保護自己，帶眼識人。

katrinafu

國芳 發表於 17-2-7 05:14
回覆 katrinafu 的帖子

讀year 10, 學校是 woldingham school 和 king's school canterbury

我女就是讀緊這間女校，不過是Year 7 .

Cherrielo

我都有相同問題。
我想仔讀男校，但佢自己選男女校。但我咁諗: 是佢自己決定的，好過到後來佢埋怨我幫佢選。

亮燈

Cherrielo 發表於 17-2-7 12:55
我都有相同問題。
我想仔讀男校，但佢自己選男女校。但我咁諗: 是佢自己決定的，好過到後來佢埋怨我幫佢選 ...

正確，正如阿細係香港讀男女校，但佢就揀左英國男校讀，所以我尊重佢既決定。

Kai12345678

國芳 發表於 17-2-7 05:14
回覆 katrinafu 的帖子

讀year 10, 學校是 woldingham school 和 king's school canterbury

我個女也是在這個女校讀lower sixth ! 另外佢有個香港同學就是去了kings school Canterbury ,這個是全統大型學校！活動很多，但是sixth form 宿舍喺出面！出面是旅遊區！比較心散!低班宿舍不知道是否一樣在外面？

DKmum

Kai12345678 發表於 17-2-7 13:36
我個女也是在這個女校讀lower sixth ! 另外佢有個香港同學就是去了kings school Canterbury ,這個是全統大 ...

我女visit 完king's 後5考慮都系因為佢地區及校園設計的原因！不過每人喜好不同，如呀女鍾意，而又是一間好學校的話，我會讓她選擇，畢竟是她讀不是我們讀！

3b

國芳 發表於 17-2-6 23:12
是咁的，呀女已經收到兩間學校的offer, 一間女校一間男女校，兩間成績各樣嘢都唔錯。呀女就好中意間男女校 ...

讀開女校就一定想試男女校， 或者讀兩年男女校， six form再轉返女校， 起碼尊重阿女的決定， 日後無得怨。 另一方面， 可以的話去學校參觀， 參觀完又會有另一番體驗

1998Ruby1998

三個女人一個墟，有女仔的地方就有是非同勾心鬥角，避免唔到。
拍拖又唔一定會影響學業，以我幾個朋友為例，有個聰明男朋友，讀書成績反而好左
不如先劃個表，列清曬 d 好壞處同顧慮、學費、校園環境、班級人口等等，等仔女同父母都清楚衡量得失之後再選擇都未遲。不過都要首先專重仔女意願，如果父母幫佢決定，到時好就冇問題，唔好就一定賴你。搞到騎虎難下對雙方都冇好處。當然，仔女決定讀邊間果陣，父母要先講明：依家爸爸媽媽專重你意見，你想讀邊間就邊間，但係要自己承擔風險，就算事情唔係咁理想。

1998Ruby1998

回覆 katrinafu 的帖子

我讀左 12 年「尼姑庵」，依家大學課程 100 人得 4 個男仔，但係放學去玩活動果陣同男仔都相處溝通到。

spiderlily

King's Canterbury 是一間歷史悠久的學校，現在校址是由原來的 main campus 和 後來加入的st Augustine Abbey 舊址組成，兩者之間相隔一條馬路。兩邊入口均有門衛站崗。 英國不少千年歷史的老校，其他如Oundle, Rugby等現有規模也是經過不斷擴建而成，所以校園相對新校而言，校舍建築物會比較分散。

平日上課主要在 main campus, St Augustine Abbey 則主要是宿舍與圖書館所在。著名的 Canterbury Cathedral 是在校區內，屬校園的一部分，現開放供遊客參觀。儘管如此，卻不會影響到學生，因為園區較大，距離教學樓較遠。

學校除了一所宿舍是 sixth form 女生專用外，其他的男女宿舍都是 mixed form 的。13所宿舍中有8所座落在 main campus 內。

spiderlily

回覆 國芳 的帖子

King's Canterbury 風格上似一所 boy's school with girls 多D，平日的日程很豐富，學校有較多活動安排。
男、女生宿舍是獨立分開的，但當有活動時是pair up 的。

雖然學生會穿稜兩個校舍與體育中心，但他們是"train to be disciplined", 小兒說沒有人會期間去了別處，要是被發現會受處分的。

低年級的會被管得較嚴，sixth form 的會有較大自由度。

Canterbury 這小鎮民風純樸，住了很多中產退休人士。基本上，傍晚六、七時後就只剩下餐廳在營業。

dizidizi

國芳 發表於 17-2-6 23:12
是咁的，呀女已經收到兩間學校的offer, 一間女校一間男女校，兩間成績各樣嘢都唔錯。呀女就好中意間男女校 ...

我覺得男女校或女校都不是問題，最重要係你囡囡喜歡，讀書是她，不是我們父母。由她自己選擇比校好，佢會自己調節，不用太担心。