北區家長小一選校困惑

行者無疆

各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大家。
我地係81校網粉嶺。

我女資質普通，成績中上，性格較活潑好動，唔怕醜。但我地自行得15分，心儀學校係80校網馬小。呢個分數自行絕對陪跑，叩門都無咩亮眼成績同人爭。心淡。又唔甘心去二線小學。更擔心大抽獎時無運行，抽中寶校。於是心大心細出去考直資。因為對於小朋友未來讀書規劃，除非佢自己考到否則出國唔係首選，所以從未了解過直資或者私立。呢幾日睇左地咨詢，發現通勤係最大問題。離我的近嘅沙田幾間直資學校，熱門，我地幾乎0希望。再遠，實在唔忍心小朋友每日咁辛苦奔波。

所以，請教大家，我地究竟要主動嘗試直資學校（唔知申請邊間有把握，實在擔心0 offer，接受唔到咁大打擊）定著重部署區內自行及大抽獎？請有經驗嘅爸爸媽媽傳授下經驗，非常感恩。

fmf903

坦白說，考直資嘅家長已經喺未入入讀幼稚園之前已經籌備，由陪讀認知學習，先過到第一輪面試學術過關先有機會入第二輪。K2先準備實在太遲。
考直資嘅人一開始已經唔會讀津校，唔係諗住抽唔到先去讀直資，如果諗住咁諗，係冇得爭。
如果冇諗住搬屋嘅話，就繼續先試自行，唔得就大抽獎，最後就叩門，都係呢一條路。叩門都要有相當嘅實力，所以你都要好好裝備自己小朋友，最重要都係學術，

行者無疆

回覆 fmf903 的帖子

多謝你滴冷靜分析，好有道理。👍

阿厘爸爸

坊間有面試班，建議俾小朋友參加呢啲升小面試班。

然後密切留意你所居住嘅區域有沒有「直資」及「私立」小學，如果有，就要每日留意小學學校網頁，有沒有「小一簡介會」，參加學校的小一簡介會了解學校是否適合自己小朋友，如果看得適合，就再留意學費，如果都可以應付到，就按學校要求及時間遞交入學申請。

千萬不要看輕自己仔女的能力，在緊餘的時間盡量作準備，小朋友的潛在能力偶爾會讓父母有驚喜

fmf903

同埋你果個係細B, 細B 本身跑出已難。
你覺得成績中上係因為你仲係北區，你試吓出返九龍同港島嘅名幼生比，係K2準備考小的公海可能變包尾架。
全港得21間直資，係全港性爭，我都建議你出去搵一個面試班老師評估一下，佢會話到你俾你聽小朋友的競爭力。每間學校有Offer頭嗰百幾人，已經準備咗幾年。

Googlehill

行者無疆 發表於 25-5-16 14:46
各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大 ...

如果抽獎不理想，又不想讀私立或直資，還有一個折衷方案，就是係寶校讀3年，然後小學4年班轉校。

HYAT

可以照揀幾間覺得合適嘅直私報, 當係拎下經驗都好
知道面試大概係點, 到之後叩門, 小朋友都可以得心應手

我家小朋友都係K2下學期先開始準備, 的確係遲咗啲
報咗3間直1間私, 最後得私校有OFFER
所以如果學費貴啲(大約比直資貴一個DOUBLE..)都OK, 可以考慮下私校
因為學費貴都已經勸退咗部份人, 感覺競爭係會細啲

至於距離問題, 我哋都要搭大約一小時車返學
不過因為一程就到, 所以都係起身果下辛苦啲
之後喺車到瞓返大半個鐘都OK

HYAT

另外, 我覺得可以好似上面嘅朋友咁講,
先搵出面啲老師做下評估, 再去上返幾堂相應嘅學術班睇下
小朋友吸收得好快, 你覺得佢唔叻或啫唔得咩, 可能只係佢未學啫
最後, 升小面試其實都係老師對小朋友有無眼緣
得嗰10幾20分鐘睇到啲咩吖...
合眼緣自然事半功倍

fmf903

Googlehill 發表於 25-5-19 09:24
如果抽獎不理想，又不想讀私立或直資，還有一個折衷方案，就是係寶校讀3年，然後小學4年班轉校。
...

寶校要轉校要好似升職逐步咁
寶校級頭 插二線，二線再考級頭再插一線，一線級頭再插名小
好難一步到位，寶校級頭想直接插名小，除非有非常勁嘅特異功能，否則連面試機會都唔會俾

CR400AF

行者無疆 發表於 25-5-16 14:46
各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大 ...

你要計一計通勤時間係咪接受得到，同埋你心儀嘅直資或者私立學校有無校車。

我哋住大西北，我嗰個讀九龍直資，返學時間約45分鐘（非校車），時間可以接受。

你住粉嶺要諗下東鐵沿線學校，記住唔好剩睇區域，仲要計一計學校本身有無校車或出該區嘅保姆車。再唔係要坐由東鐵返學的話，如果間學校近鐵路站，坐多一兩個站絕對係會快過你少一兩個站但係要轉車嘅學校。

阿厘爸爸

救恩學校（小學部），私立，Happy School，雖然唔係一條龍，又唔係直屬，但都有聯繫中學（屬於Band 1B)，每年預留30個學額升讀聯繫中學。

粉嶺⋯東鐵綫去到金鐘⋯轉往「堅尼地城綫」⋯搭到「西營盤站」行7-10分鐘到學校。聽落好似好遠⋯其實1小時15分鐘就到

wingfly6688

行者無疆 發表於 25-5-16 14:46
各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大 ...

細女同大仔既機應該都差唔多，細仔就真係機會低小小。收細女既比例應該都唔會太差，其實直資主要都係想收好似你小朋友唔怕醜又活潑既，如可簡單英文對答，一樣都會有機會。
雖然話間間都幾千人報，但來來去去大致都係果班家長，大家都係同時報晒幾間，好多時派彩之後時都會有 Call Waiting。


直資收既學生好多都唔係本區，小學校車好遠既地方會有機會可以安排到點對點接送，早上小朋友上車都係瞓覺，放學車上又有同學吹下水，玩下，問題不大，一於報左名先算。

Googlehill

fmf903 發表於 25-5-19 12:32
寶校要轉校要好似升職逐步咁
寶校級頭 插二線，二線再考級頭再插一線，一線級頭再插名小
好難一步到位，寶 ...

寶校，二線 ，一線 ，名小，具體有麼耶差別，可否具體。 我理解 ，（寶校，二線）應該差不多，（一線，名小）又應該差不多，所以，我講的係 一個大概可以20%-30%升B1，算二線，60%升band 1屬於一線，所以只需轉校一次講自己升band%從20%升60%，就差不多了。不需要去90%B1的名校

Googlehill

Googlehill 發表於 25-5-21 08:24
寶校，二線 ，一線 ，名小，具體有麼耶差別，可否具體。 我理解 ，（寶校，二線）應該差不多，（一線，名 ...

另外，從免學費學校，考收費學校，相對容易，所以機會係好大既，只需要三年級多試幾間，一個準備，多間考試，從中選優即可。當然需要準備，最佳成績表，最近課外活動（各類才藝或奧數比賽）

nancy916

會唔會考慮先讀私校，再跳去一線官津？呢條路應該會比由寶校跳去一線易好多，亦唔使要先去二線，再轉一線咁麻煩

lot888

樓主，我有唔同睇法。小朋友或小學教育重點係父母及時間，就算入寶校，家長跟得好，願意花時間倍養學習應趣，睇書習慣，對事物能保持好奇心已足夠。見好多家長努力將小朋友送進直，私，以為會贏在起跑線就真係一個美丽誤會，如小朋友平庸或發力遲，要佢面對高深課程，要同一班十存大補嘅同學一齊跑，可能會令小朋友更痛苦而拒絕學習，咁就真係得不償失。如能入一間一般官津，濟出時間學吓畫畫音樂，讓佢有個快樂童年，這可能幫助小朋友建立一個更穩根基面對更大挑戰。如你留意升中版，你會發現不少直津生由於不同原因，又可能不重视中文，偏科，最後入唔到B1中學。而上年英華出嘅超级女狀元都係粉領官/津小畢業。切忌人云亦云。

adaliu32

行者無疆 發表於 25-5-16 14:46
各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大 ...

不如講下 大抽獎 你想點排？

fmf903

Googlehill 發表於 25-5-21 08:24
寶校，二線 ，一線 ，名小，具體有麼耶差別，可否具體。 我理解 ，（寶校，二線）應該差不多，（一線，名 ...

寶校同二線可能差唔多，地區一線同名小仍有距離。名小指聖喇拔龍校那些，無一線級頭都難插。

Googlehill

fmf903 發表於 25-5-24 01:10
寶校同二線可能差唔多，地區一線同名小仍有距離。名小指聖喇拔龍校那些，無一線級頭都難插。
...

如果係按這種標準，我家兩個囡囡經歷過二線小學（津貼），地區一線私立，可以簡單分享一下，但不一定準確，大女5年級轉入私立，開始跟不上（班尾），但最後都可以勉強入B1中學,如果4年級或3年級轉就不會太辛苦（越早越無緊張衝刺的幸苦）。私立好處，一分錢一分貨，每月額外學費6000係有大收獲，內容會多學點野，平時學校時間每日比津小多學45分鐘，老師關注，學風，同學朋友話題積極（升中目標大部分B1A。），如果要跟上同學仔，週末平時要大補。（5年級呈分，數學，中文私補可以突飛猛進）平時題目好深，數學考C，參加一個全港比賽都可以拿銅牌。

寶校 從 一年級到高小經歷，1，2年級除咗英文一堂鬼佬講聽不懂，其它都可以適應，課外活動都好開心。3年級，鬼佬講的可以稍微聽懂了。4年級會為咗留住優秀同學分重點班，投入資源。利申：寶校家長付出稍微平時要多點，每日功課要簽字，老師改卷簽字（老師改作業經常改錯，試卷有時分數不對），一般級頭們會上學校附近的一個私人每日功課班，補課老師會從下午3點放學學到6點，其實每月都係要開支5000.
如果不上每日功課班，就要辛苦每日自己教，以及入學校內功課班（位置有限，需要抽籤入），但學校內功課班湊陣的同學朋友就稍微寶校特質，只有開心毫無壓力。寶校因為內容淺，所以，偶然要參加全港普通的比賽，試試自己水平。我通常揀奧數參加，例如大概寶校考A，都可以拿個銅獎左右。

Googlehill

Googlehill 發表於 25-5-24 04:11
如果係按這種標準，我家兩個囡囡經歷過二線小學（津貼），地區一線私立，可以簡單分享一下，但不一定準確 ...

總之，個人感覺，教育係一種最直接最重要的投資，的確係一分錢一分貨，有條件，的確可以讀從小私校龍校培養另外➕興趣班，如果行cost-effective 路線，可以高小轉一線，臨時加十全大補（要小朋友頂得住）。教育其實讀的中學已經開始係階層篩選分層了，B1小朋友就係B1一起玩，小學同學不同band基本不會再聯繫了。所以小升初主要繼續保住B1就分層不會太落後。