大家而家比幾多時間小朋友Screen time

Nat糖

想了解吓 有冇話唔可以多個幾多個鐘？

carinj

回覆 Nat糖 的帖子

Daily 1 hour.  不過佢(8 Y) 不斷叫我extend.  所以有時一日玩成3,4個hours

boyboobee

只有周末玩兩、三個鐘，平時冇得玩，不過每次用電話做功課之後都會偷偷睇youtube或者玩遊戲。

fibe0313

女女6歲，平時晚飯（我地6點食飯）後，到8點半係佢自由時間，睇電視定係玩switch（電視）都可以。假期通常會last 到10點30。

snakesnake2013

Daily 大概40-60分鐘，每次20分鐘為一節，通常係放學後，做完功課後，同温完書後.

Azzurro

每次 5-10分鐘，一天可以多次
睇電視，同打機一樣都係可以用邊際效益去理解

呢兩個活動嘅邊際獲益可能係頭10分鐘達到頂峰，但是如果連續去到半個小時可能已經冇如何邊際效益
如果連續去到一個小時或以上，其實頭腦已經一片空白，邊際效益去到零或者去到負數

好似飲酒一樣，有些人半杯就去到頂峰（好似我咁）
超過了就身體很難受

ifcsir

Azzurro 發表於 23-4-14 05:58
每次 5-10分鐘，一天可以多次
睇電視，同打機一樣都係可以用邊際效益去理解

邊際效益,什麼意思請教

Azzurro

ifcsir 發表於 23-5-17 06:59
邊際效益,什麼意思請教

大人小朋友長時間對著電腦，注意力很快下降
如果睇英語視頻是為了學習英語，其實都係頭幾分鐘十分鐘有用，之後嘅時間其實已經不在狀態
頭腦都唔知自己係讀睇咩，之後嘅已經冇咩學習作用了

加樂爹

都好想請問各位, Screen time 或打switch, 剩余下時間小朋友做物?
其實8歲, 好多野佢都想做, 每日快快完成功課 (很多在學校完成, 通常一些要上網既留在家做).
咁好難禁止佢6點後做物野, 有時佢2-3小時時間.

通常就係minecraft, 佢有學python 自己跟本書做coding, 另外youtube 好多minecraft 片.
或是switch 玩Pokemon.

我已經盡量晚上都同佢樓下半個鐘踢下波, 打網球...佢星期六固定返田徑隊, 星期日下午踢波.

晚上都同佢讀30分鐘中文書, 或者默回中文書生字.

問題是因為screen time 及打機, 阿仔以前會睇好多歷史, 科學...既野, 都提唔到興趣.

fupigpig

Azzurro 發表於 23-4-14 05:58
每次 5-10分鐘，一天可以多次
睇電視，同打機一樣都係可以用邊際效益去理解

雖然我冇研究乜嘢邊際，不過可能你小朋友重細，如果真係俾打機，5-10分鐘真係玩得幼兒game。

上左高小做功課、備課上用多左iPad自學，10分鐘一part對我小朋友太少，做功課上佢用完會自動收機。
打機就真係最少都預30分鐘。而家玩game好難計10分鐘、15分鐘，要預時間大概幾多分鐘一局如果想佢地玩少d，可以預一局，總好過次次未完就截停。

fupigpig

加樂爹 發表於 23-5-18 10:38
都好想請問各位, Screen time 或打switch, 剩余下時間小朋友做物?
其實8歲, 好多野佢都想做, 每日快快完成 ...

我自己會編排screen娛樂係最後。
每日佢自己都有閱讀時間大概30-45分鐘，放學都一定功課最先（做功課需要開iPad），然後溫書，沖涼晚飯，最後至打機。
雖然已高小，不過我預佢一定要瞓最少9個鐘，所以打機時間都唔會多，多數都係得30-45分鐘。

ifcsir

Azzurro 發表於 23-5-18 07:50
大人小朋友長時間對著電腦，注意力很快下降
如果睇英語視頻是為了學習英語，其實都係頭幾分鐘十分鐘有用， ...

原來是這樣的，謝謝分享

小艾美

我女平日冇screen time，有時間就做下手工 睇下書，星期五晚佢可以睇45分鐘pearl節目，星期六日一起身比佢一路食早餐一路睇大約一小時youtube。
冇打過機，都冇打算比佢打機。
我覺得screen time愈少愈好。