阿仔想轉VTC

LamTszLok

阿仔今年中三，讀緊成績Band2尾中學，成績中上。但係近排派完成績表見到理科幾乎包尾，中英文又中下，學校選科限制太大，揀唔到又爭唔到自己心儀嘅科目。話自己喺學校人際關係越嚟越差，搞到自己完全冇心機讀書想轉VTC讀酒店。但除咗轉VTC唔知仲有冇其他方法。

apap08

有方向係好事，條條大路通羅馬。加油

zitaeric

中三年紀好睇重自我形象，成績都吾係最大主因，人際關係可能係關键。如果重讀怎樣？理科揾人幫手，吾好咁早唸定去VTC, 出佐去，好難返轉頭，吾係話VTC一定吾好，但吾會易，我自己覺得最低都要完成中六會較好。最緊要家長同仔女關係好，比支持佢誇過難關，先搞好數，等佢有佐信心先。

WinnieCatCat

LamTszLok 發表於 22-2-13 22:43
阿仔今年中三，讀緊成績Band2尾中學，成績中上。但係近排派完成績表見到理科幾乎包尾，中英文又中下，學校 ...

可以考慮轉另一中學讀中四，唔知你仔的心儀科目是甚麼，如果係熱門科，轉去banding低少少的學校可能入到，亦可重新識過啲朋友。聽你描述你仔個底應唔太差，可能有機會轉返b2學校

王家爸爸

LamTszLok 發表於 22-2-13 22:43
阿仔今年中三，讀緊成績Band2尾中學，成績中上。但係近排派完成績表見到理科幾乎包尾，中英文又中下，學校 ...

如果小朋友鍾意讀酒店，而成績只係Band2尾中學既中上（估計成績應該大約係全港既Band2中游），加上中英文又中下，即使一直讀到考DSE，估計好大可能入唔到大學。如果係咁，早啲搵個自己鍾意既出路，例如轉去VTC讀酒店，都係唔錯既選擇。