好擔心。。。唔知點處理

Starrie

我自己本身係資優，但由於當時未有足夠支援以至成長過程一直唔開心，覺得不被理解，討厭自己古怪。。。。。社交同情緒都出現問題。

而我妹妹有自閉傾向，基於家族歷史，所以仔仔出世後都有留意有關資訊，

而家BB 20個月大，出現各種各樣吻合資優嘅行為同特質，睇完討論區知道評估要到6歲先做，
但係BB而家已經出現情緒同社交問題，想請問各位過來人，係6歲前有咩可以做係可以幫到小朋友同其他人恊調？

應該上普通的playgroup定係有其他針對情緒或社交嘅課程可以報讀？

我唔知應該點處理亦搵唔到同路人傾訴，因為一般人難以理解作為資優兒童所面對嘅困難同感受，如果處理不當，影響亦非常深遠。同時，大部分唔知道家族背景嘅人都認為我過分敏感，
但係我好清楚可以見到自己小朋友同其他同齡小朋友嘅分別，我並非指學術方面，而係佢對事物嘅理解能力同表達方式，有時候就好似只有我能夠明白佢嘅世界，因為佢嘅思考的確比較獨特，我應該要點樣處理先可以令佢能夠有一個快樂童年而唔需要經歷我曾經經歷嘅不快呢？

piglet0529

原帖由 Starrie 於 16-03-20 發表
我自己本身係資優，但由於當時未有足夠支援以至成長過程一直唔開心，覺得不被理解，討厭自己古怪。。。。。 ...

香港的資優服務未去到學前, 坊間大部分是私人以資優標榜的學術興趣班, 顧不到他們的情意發展, 如果唔介意, 可以帶佢上比自閉小朋友上的社交及情緒班

piglet0529

原帖由 piglet0529 於 16-03-20 發表
香港的資優服務未去到學前, 坊間大部分是私人以資優標榜的學術興趣班, 顧不到他們的情意發展, 如果唔介意,  ...

如果介意, 就去社福團體辦的比一般小朋友上的EQ遊戲班或社交小達人之類, 但力道冇咁人同埋可能冇咁細有得上

Starrie

多謝你嘅解答

piglet0529

想問一下, 你小時候有經歷那類不快? 我見我仔有時會話成班同學冇人識/鈡意佢喜歡既野, 佢地好蠢之類, 當然我有教他不要係同學面前講(阻止不到他這想法), 我仔大概四歲幾開始上社交班, 所以不乏玩伴, 都想知道你以第一身來說小時候有甚麼不快?

Starrie

我自細就好鍾意睇書靠自己學識好多唔同知識，亦好鍾意舉手答問題同問問題，呢d表現係其他同學眼中叫扮晒野，扮乖
有時會覺得老師根本就解答唔到我嘅問題，我睇書有時會發現一d同老師講嘅野唔同，會好天真咁直接問老師，但係老師會覺得我質疑佢同阻礙其他同學學習，
我好難理解其他同學，亦覺得冇人明白自己，唔係冇朋友只係唔係好啱玩，我嘅興趣同大家都唔同

Starrie

總之當年未有資優呢樣野就經常比人誤解，比人批判，令到我好唔鍾意自己，唔想同其他人唔同，唔知點解自己會咁唔同

Starrie

會唔會有咩書係有關點陪伴資優兒呢？ 我只係想佢可以開心d

Starrie

其實仲有好多唔同嘅缺失，但係最多時係覺得寂寞，因為冇任何人可以分享我覺得開心嘅事，呢種寂寞唔係表示冇人或冇事做而係心靈上，情感上，希望幫到你了解你仔仔

Starrie

如果站在第一身黎睇，我可以比一個建議各位資優兒童嘅家長，就係絕對信任你嘅孩子，要多理解佢地嘅動機，因為資優兒童做每一件事背後都有動機，而呢個動機係可以好單純好善良嘅

piglet0529

原帖由 Starrie 於 16-03-20 發表
如果站在第一身黎睇，我可以比一個建議各位資優兒童嘅家長，就係絕對信任你嘅孩子，要多理解佢地嘅動機，因 ...

可能你需要三歲左右先找到合適的社交情緒班, 因為大部份未有咁早有, 但你最明白他, 況且你自己也是資優, 這本書或幫到你。 http://www.goodreads.com/book/show/545590.Guiding_the_Gifted_Child

Starrie

Thank you Piglet

QQson

其實你已經俾咗答案自己，呢類小朋友每一個行動都有動機，呢個動機最易找出來的不是坊間的導師，而是你！不需為孩子找特別課程，你需要上一些遊戲治療的課程，理解概念，在孩子日常生活中應用便可以容易更理解孩子所想。在孩子的成長過程中，找出他人生中的伯樂導師，適當地解釋孩子的思想，導師自然會協助你引導孩子成長。情緒訓練不用外判，自己教最有效，其他技能才能外判，因為家長不是張張刀鋒利！

Starrie

回覆 QQson 的帖子

多謝意見，我搵下有關遊戲治療嘅資料先

Starrie

回覆 s.andp 的帖子

Thank you

piglet0529

原帖由 Starrie 於 16-03-21 發表
回覆 s.andp 的帖子

Thank you

有時我看書也不大明, 但當他出現類似的情況我會登一聲! 跟著用那書的方法對應, 或要揾番先識, 我仔是雙重特殊, 有很輕微的自閉, 到你仔大的參加遊戲治療會好的, 因為有其他小朋友可以一齊實踐, 好像資優的小朋友怕失敗, 佢地有時有的群體活動觀察很久也不參與

QQson

最有效是家長上遊戲治療課，利用概念日常與孩子相處減壓力，看書亦可以。家長要幫孩子解開日常細小小的心結，代孩子向未來有心的老師說話。因為老師未必在相處短短的時間能容易馬上明白深入的原因，家校合作相當重要。不要只期望孩子長大去上這些課程，不要把父母關心了解子女的工作外判，因為你經歷過孩子的心路，所以你有能力做好，其實我同你的遭遇是相同的，所以你會好快掌握技巧。我不是在推銷課程，只是純分享經歷。建議去一些非牟利組織舉辦的課程，找一些有口啤的，甚至去政府或慈善團體有關地方找小冊子。我不記得自己在 CAC 還是小童群益會找的，但課程不是由小童群益會舉辦。有本書叫"你的敏感我都懂"，找來看看吧！你可能看見自己！

Starrie

我都發現bb一遇到失敗就發脾氣，然後就不願再嘗試，我暫時只盡力引導同鼓勵，但都未見十分有效，有時因為害怕失敗，連回答問題也不是願意，語言能力頗高，但只是興之所致才突然說一句英文，我從來沒有刻意教導知識方面，今天就當玩遊戲跟他試一下，原來bb已經在我不知情下學懂很多不同生字，如果同一問題問第二次，他就會開始搗蛋，他不算多說話，只對自己有信心的方面才表現自己，不喜歡被指揮，要由他自己帶領。。。。種種都令我覺得不知所措，我將會在cpda先做一個screening,  我也擔心有機會是adhd或自閉傾向，做完screening 可能可以比到建議令我知道要如何面對，今早都有睇過遊戲治療的章程，但礙於工作以至時間未能配合，如果bb是資優兒童，你們會辭職照顧孩子嗎？