急問！有關評估

HinBB0624

請問有沒有同時評估資優及情緒問題（焦慮）？
我的小朋友有焦慮問題（現已做緊行為治療，但效果不太明顯），很想幫他改善，但同時也有些資優及亞氏的特質（未經評估）。他現已6歲，小一，似乎亞氏特質慢慢減少，沒以前那麼固執。但經常一大堆道理，不會很輕易聽我們的話，引致經常與爸爸爭執甚至吵架。例如早上返學他經常賴床15分鐘，爸爸焦急會鬧他再不起床會遲到等等。他説不能即叫即起床，就好似熱水爐，開了2秒先慢慢有熱水，唔會一開即熱，所以佢亦需要時間慢慢起身。其實大部分問題佢講的是有道理，我可以處理，但爸爸未能好好處理，經常覺得他唔聽佢講，引致好多爭執。特別是我不在家時只得他們兩人，就大件事，唔係呀仔就係爸爸打電話比我求救，要我立即回家，真係好煩。
所以我想了解是否資優會引致這類問題。因此我想做評估，進而了解改善方法。

爬了文知道中大，協康及資優學苑有評估做。想book 中大，但剛剛才知只做韋氏IQ 評估，如想進一步評估其他情緒問題，要book 另外session 及另外收費。咁我想問下協康及資優是否可同時評估IQ 及情緒？還是與中大一樣，是分開評估？分開收費？

以我們的情況，應該適合去邊間做評估？

他的資優表現-其實我覺得他有d聰明而已，沒有顯示很優異的地方。不過想問題深入，問問題好仔細，觀察力亦好detail, 説話老稹，喜歡睇聽戰爭，歷史，地圖，新聞等等。例如他K2時，我敎佢東南西北方向，有一次坐車他看見前面路牌寫著(北) 表示我們向北行，他當時同我講對面行車缐的車向南行緊。

KarenKang

回覆 HinBB0624 的帖子

父母要輕鬆點才能減低孩子的焦慮. 孩子上小一面對新環境變化頗大. 父母要多體諒及鼓勵.

懶床是否因為睡眠不足? 早一點睡可以改善早上懶床.

至於成積, 父母也要有耐心, 平常心去面對孩子的成長過程.

資優未必從學校的考核成積反映出來. 由其是初小. 資優一般對抽象事物理解較深, 高年班會有優勢, 父母要有耐性.

與父母吵架會令孩子更焦慮. 要用輕鬆的遊戲方式教導孩子溫習, 讓他們從樂趣中學習. 幫助他們建立自信最緊要.

每個孩子都有不同的Learning style, 父母要用心引導.

小曳人

我唔清楚HKAGE 嘅評估係點，但你可以打去或email俾佢地，會有人覆你

HinBB0624

他已8時半上床，不能再早了！其實這問題已算解決，叫他一次，然後等他自己慢慢起來，他可以做到。
他返學沒問題，成績中上，每日在學校做哂功課，然後返屋企喪玩，玩到瞓覺。我覺得ok, 但爸爸不滿意，經常問他為什麼不溫習？只顧玩？爭執又起。
其實我想知若然他是資優，咁父母講座課程，我好想爸爸去學習！

HinBB0624

原帖由 小曳人 於 16-03-18 發表
我唔清楚HKAGE 嘅評估係點，但你可以打去或email俾佢地，會有人覆你

謝謝，我會問下他們

Ryan_baba

點解咁多家長總係將資優同情緒問題拉埋一齊講?

如果個小朋友唔係資優, 唔通情緒問題就唔駛理?

HinBB0624

原帖由 Ryan_baba 於 16-03-18 發表
點解咁多家長總係將資優同情緒問題拉埋一齊講?

如果個小朋友唔係資優, 唔通情緒問題就唔駛理? ...

因為情緒問題理極唔好，所以從另外方面入手解決問題。

KarenKang

回覆 HinBB0624 的帖子

建議爸爸放鬆點. 他在學校完成功課已好叻.

喜歡玩好正常. 小孩子的腦部處於多元發育,而玩是很好的創意過程. 幫助腦部多元神經元連接. 至於學校初小要求的操練學習如背書或重覆抄寫的功課, 適量就OK了, 不必強求太多.

男孩子會較喜歡科學, 可以多與他討論科學的題目,把他的學習興趣轉移.

或者捉棋, 多運動也可, 小孩子的腦部要尋找刺激. 父母或教育者要給予適當的支持.

可以上網買些有關資優教育的書. 不過英文書比較多. 中國人對於資優教育不太理解.

mphilwan

話唔埋爸爸都係資優生，情緒需要好好處理
一般媽媽都係夾係父子之間
小朋友如果上課認真聽，功課已做好,再溫做重覆野只會悶
玩都可以激發創意及學習書本課堂以外的野
至少累積多D快樂，將來抗逆能力更強

例如我教仔上下左右英文配合動作，講左兩次之後，佢會調轉講
因為佢覺得咁好玩D，同好搞笑
我知佢明白，會同佢癲埋一份
玩完會提佢只可以同媽咪爸爸咁玩
返學就正經返

HinBB0624

原帖由 mphilwan 於 16-03-18 發表
話唔埋爸爸都係資優生，情緒需要好好處理
一般媽媽都係夾係父子之間
小朋友如果上課認真聽，功課已做好,再 ...

哈哈，爸爸肯定唔係資優生，我係的機會大好多。

ABC-DAD

媽媽EQ高，可助Daddy有關育兒嘅焦慮，天氣好啲，多啲家庭活動，去戶外玩多啲，會開心好多

HinBB0624

原帖由 ABC-DAD 於 16-03-21 發表
媽媽EQ高，可助Daddy有關育兒嘅焦慮，天氣好啲，多啲家庭活動，去戶外玩多啲，會開心好多 ...

我EQ點高，對住兩個焦慮的人, 都感到相當吃力。我亦經常教爸爸應該點樣處理與兒子的事，但是他就是做不到，一激氣，就鬧閙鬧....
所以想從各方面入手，改善問題

cl_kaka

我仔就黎7歲，我仔情況同你仔有小小似，佢有好多自己既道理，例如叫佢寫英文字寫好D，佢會答我又唔係美國人又唔係英國人，係寫得唔好嫁LA.......做完數學功課叫佢自己睇多次有無做錯，佢又會答我又唔係會計師.....！佢亦都焦慮，總之係新聞或聽到有D咩意外發生佢就會好擔心好驚！前2日先同我講，如果第日我死左，你記住放我張相係屋企拜我，我同佢講，你咁細個無啦啦點會死呀！佢答我，我可能會病死，我細個姐但我都會病，有人會病死架！

不過由於我仔約4歲時係政府到曾評估過係有輕微亞氏，但就話我仔記性好，數感強，認知亦超前左同年齡既小朋友，有機會係資優，所以叫我等我仔6歲時再帶佢去私家做智力評估！但根據我呢幾年觀察，我仔有小聰明，記性好好，對有興趣既事情可以學得好仔細，愛問問題，但成績只算中上！

我曾經好想帶佢再去做評估，但眼見佢社交有進步，情緒方面係最困擾我地，但老師同我講，佢係學校控制到，最多只會眼紅紅，但忍得到！

其實面對小朋友情緒問題真係好難搞，除左帶佢去上社交同情緒班外，我地亦要不停同佢傾同講，要付出好大既忍耐力！你有無同爸爸傾下，叫爸爸用另一種方法處理同小朋友之間既問題？好似溫書咁，我次次叫親我仔溫默書，佢都話自己識，唔溫！咁爸爸就會同佢講，咁我同你默3個字啦，如果呢3個字你識我就唔使你溫書.....!

如果你最後去做評估的話，評估後可否分享一下？因為其實我都好想知，評估報告會否知道小朋友的情緒問題及有何方法解決？！Thanks!

ABC-DAD

放低"各方面”問題，放低所謂"目標”，特別係“資優”呢個標籤，咪激氣，好好經營家庭關係，開開心心，日子過得好快。學習明白“完美”，只係森林中其中一條草…生活基本需要空氣、水、食物、加上時間，生活技能經時間歴練，自然會提升。

HinBB0624

原帖由 ABC-DAD 於 16-03-21 發表
放低"各方面”問題，放低所謂"目標”，特別係“資優”呢個標籤，咪激氣，好好經營家庭關係，開開心心，日子 ...

講得好好的經營家庭關係，這也是我這幾年的目標。具體做法有什麼建議嗎？其實我們對兒子的學習並没有很大expectation, 他考小一時全軍覆沒，因為唔答，覺得其他小朋友唔識，所以佢唔同人玩，唔同人溝通。

ABC-DAD

探訪一下親戚朋友，組織一下書本上學唔到，而父母好享受又有信心嘅活動，都唔錯，小朋友有新鮮感，父母又有滿足感

ABC-DAD

如果朋友有年齡相近或大三四歲嘅小朋友，情緒穩定嘅大哥哥大姊姊會有唔錯嘅互動。

另方面，小朋友要時間互相熟稔，咪太在意佢地表現，如分分秒秒在被大人評估中，任何活動都難提起興趣

HinBB0624

原帖由 cl_kaka 於 16-03-21 發表
我仔就黎7歲，我仔情況同你仔有小小似，佢有好多自己既道理，例如叫佢寫英文字寫好D，佢會答我又唔係美國人 ...

真係有知音人。當時馬航失聯及後有另外航空失事，我仔就好焦慮，問飛機為何會掉下來？因為當時我們計劃去美國旅行。在飛機上，稍為有一點氣流，他都能感覺得到並覺得好驚。
他在K1時，因為在學校有些情緒焦慮問題引致行為問題，排政府要18個月，所以去了私人執業，治療了半年好番。是當時的治療師提及他有機會是資優，因他思考及表達比同齡超前，提醒我們可於6歲check. 至於亞氏，治療師説他是marginal case. 既然係marginal, 治療師說就不需太在意，就當他性格如此，比較固執，父母用其他方法引領他回正軌。

HinBB0624

原帖由 ABC-DAD 於 16-03-21 發表
探訪一下親戚朋友，組織一下書本上學唔到，而父母好享受又有信心嘅活動，都唔錯，小朋友有新鮮感，父母又有 ...

謝謝你的提議，等我試多d