資優+adhd 再疑似亞氏保家，好複雜

giftedpig

一年級確診adhd，現五年級， 冇食藥，上social class, 專注班，neuro feedback training, 食魚油, 在家冇限耐性同包容， 正面管教……到去年4年級有兩個term conduct 有b+, 我開心到不得了，我滿以為我們的努力冇白費，但今年情況差了，我都要好好了解下變差的原因，對症下藥，糾纏了咁多年，或可能都要考慮食藥了。於是再搵第二個心理專家攞意見，我俾佢睇晒d之前做的assessment, 包括gift 同adhd, 再update 下佢近來的情況，佢同我講話仔可能仲有亞氏保加，我真係晴天霹靂，好傷心…
現在有時如不滿或憤怒時會動手和動腳，這最令我擔心，最近就是因為這樣收warning 了，我最近都試過俾佢用頭撞我的背， 我只是語氣平淡地拒絕佢飯後飲支 mr juicy.

點解咁複雜，我都唔想知是什麼名稱，只想搵方法協助呀仔，唔想浪費了一個小朋友，又好怕誤診，我果人填問卷時都好小心填，怕填錯影響結果

亞氏保家要食藥嗎？同adhd 一樣醫法?

如有同路人可分享嗎? 這是我最唔開心的CNY, 一想起就哭了

a_for_apple

以我所知，阿氏係自閉譜係，唔同 ADHD, 如果情緖唔好，有暴力傾向，好似都有藥食

lillymarie

如果有睇開醫生，醫生又建議食藥的話，值得先試藥。因為ADHD不單只影响學習，社交和情緒管理亦會影响到

尤其你仔現在5年班開始進入青少年期，情緒波動會更大，更容易闖禍

當然，現在他有自己的想法，食藥必需和他商量他自己願意才好，如果他不認同或者你自己猶疑，好難開始食藥的

我仔三年班開始食藥，青少年期一樣會情緒大上大落，只是波幅細些

giftedpig

多謝你lillymarie，明天開學了，又是四點鐘電話恐懼的日子，近期仔行為沖動，有trigger 令他不滿就打人/踢人，好傷心頭痛，影響到人就是我最擔心的，CP 說佢個case 幾複雜，要等埋老師問卷先再俾意見