有關電產品

stockmike

前幾日小兒(小三)偷拍妹妹(小一)在被竇內打手機片即時 whatapps 我打小報告，當時我在工作中，我只是打電話返家問妹妹做晒功課未? 做完先玩得，此仍第一次佢打機前無問準我，相信會再有。跟手返到屋企，哥哥話已 delete 咗妹妹隻game,仲係playstore lock咗密碼，妹妹係崩潰的喊咗兩日(諗起想玩就喊)。我先驚覺我有機會追唔上佢哋用手機及電腦速度，哥哥所有手電操作我係無教過佢, 總有一天我被甩在車尾，仲以為佢哋乜都唔識。高興係佢主動管呀妹，即係佢知長打手機是有害處，我似乎現在不用太擔心哥哥會沉迷打機。但妹的問題浮現，瞞著我打機，開始不誠實，講大話，細的總是難教。今日哥哥俾妹妹煩幾日後妥協, 幫妹裝另一隻 GAME  War Robot 介紹佢玩, 真係神又係佢, 鬼又係佢, 但仍 LOCK 死 PLAYSTORE.

stockmike

Del

brother4

粗擴方法去禁game好似不太好朋友用咗，朋友要換房門。。如果成績不差，可小小地玩吓又冇妨

birdbird

原帖由 stockmike 於 16-12-16 發表
本帖最後由 stockmike 於 16-12-16 16:54 編輯

前幾日小兒(小三)偷拍妹妹(小一)在被竇內打手機片即時 wh ...

小朋友得小一及小三, 你就比部手機佢地自由玩, 已經係一大錯。大人都会對手机沉迷 你認為初小的小朋友有能耐唔沉迷嗎? (你大仔都一定花咗唔少時間在手机上, 才哓delete game, set password, etc!)

另外, 你比太大權個仔去管個妹, 佢向你報告個妹的曳野可以, 但私自delete 個game, 不應該, 呢d應該係家長做。你再係默許個仔咁做, 個女或会對阿哥産生討厭。

stockmike

我現而移走妹玩的 pad (係本來俾佢兩個查字典， search google)(上文講錯話玩手機)，部pad 我同妹講要攞番公司用。至於打小報告是哥自發，不是我鼓勵，也算是第一次。事後我巳告知哥 delete 妹game 而無通知妹係唔啱。之於點解佢有手機，係一部我唔用的半壞機，大約五至六年前的，佢K3 已俾佢用，主要是當年佢同賓賓共用。點解唔用純通話手機，係因為我接受唔到騷擾電話，好怕無端端嘈醒當年仍細的細路。無 update 手機又識用？這是我最驚訝的地方!大約半年前我幫我媽媽買 紅米 note 3，而兩兄妹就是趁每星期一天在爺嫲屋訓事學會使用，講到口臭仲有得玩，爺爺又會幫手湊接，又有機會玩爺爺部機。你講的妹憎哥的確浮現，但不是此單一事件，千絲萬縷。

birdbird

stockmike 發表於 16-12-17 14:09
我現而移走妹玩的 pad (係本來俾佢兩個查字典， search google)(上文講錯話玩手機)，部pad 我同妹講要攞番 ...

好多時小朋友沉迷電玩, 就係由家長比部舊智能手機小朋友用開始

查字異, 用實體字典, 或電字機

不過, 種種都已成過去, 只能想想現在如何調節.

stockmike

birdbird 發表於 16-12-17 18:35
好多時小朋友沉迷電玩, 就係由家長比部舊智能手機小朋友用開始

查字異, 用實體字典, 或電字機

點解唔用實體字典，主要是貪方便。方便之處在仔女唔識寫某字問我時，我會利用 pad 寫出，原因是連我用手寫出來都有機會錯。好似個貪字，我寫出來是多一點的。第二，仔女做功課時我們大人多數不在身邊。小兒會打英文 translate 番中文揾個中文字點寫。總結是我也明白我俾什麼誘因便有機會出什麼果，我俾得 pad 佢用他們便有機會打機，我也在學習中，老實說我是從以前不能讓他們接觸  game 變成盡量少接觸。變的原因是週圍也有電子產品出現(學校老師鼓勵，爺嫲智能電話出現)，同學間也有相關話題，仔也開始用電腦做 PowerPoint ,  word 等。佢哋做功課之餘會好奇用 browser週圍睇。我亦有鼓勵佢哋去 google 找答案，例如學校今期整 craft toy car,佢哋整咗架個轆咗識郁的車。我叫佢哋响 utube 參考吓，即刻明點樣整到個轆郁。當然，我而家都有擔心佢哋會有沉迷打機傾向，我仲係一個認為打機無益的人，我也不會用打機作親子手段，否則我便變成爺爺嫲嫲一樣, 一見面就問手機。。

scyauchris

我都比部手機個女用, 主要是查字典或者上網找資料。最近我發現佢用來看故事書, 我當然同佢解釋一輪, 用手機看書好傷眼睛, 另外網上小説未必內容適合小朋友。當然我女之後繼續用手機偷看書, 我就決定收返佢手機。

明天我女join左程式班的day camp, 我同她講要帶手機, 因為之後要用的。佢話把手機掉了入床下底, 因為手機曳曳引誘佢看書, 我今晚是回到家推床拾手機。

我同佢講控制不到, 應該把手機比我保管, 不是掉左去床下底。我同佢講長遠係要佢自己控制到如何運用手機, 唔好比手機控制返自己。