自閉童家長倡設傾訴熱線

天恩媽媽

【明報專訊】自閉症兒童家長面對「湊仔」壓力
時，往往躲家中獨自痛哭，社會支援家長情緒的服務不足。有自閉症兒童家長希望政府設立專門「傾訴熱線」，當他們遇情緒問題時有途徑抒發。


情緒支援不足 壓力大

黃進翊患有自閉症兼中度智障，黃太20多年來承受外界不少微言。住屯門的進翊要到九龍接受言語治療，一小時車程，進翊每隔幾秒就叫一聲，曾有乘客向黃太大罵︰「黐線你！」黃太表示，旁人的目光總令她感到很尷尬，試過有次太「谷氣」，一落車就捉住進翊來打，「外間壓力弄到我受不了，令我很煩躁」。

面對壓力，黃太只會躲在家中痛哭或透過寫下感想來抒發情緒，「坊間沒有服務支援家長的情緒，都是自己把壓力吞下肚」。黃太說，一群同病相憐的家長定期聚會，亦是紓壓的方法之一。她與10多名家長每月均會舉行親子活動，帶同子女一齊參加生日會、去旅行，「這時候乘旅遊巴是最無壓力的，過程最開心，因為大家互相明白。遇有子女發脾氣，大家會合力幫忙」。

香港中文大學心理系三年級生郭芷盈的研究論文指出，社會上約有30間非政府機構提供服務予自閉症患者，只有約10間的服務對象是家長，但服務性質集中解決實際需要，如教他們如何照顧自閉症子女，家長所面對的壓力卻被忽略。她建議政府多推廣自閉症，讓公眾明白自閉人士的特徵，減低歧視，非政府機構亦應加強服務，支援家長情緒。

明報記者 羅素貞

ahjoechan

同意,, 尤其是working mom...每天得半個鐘做功課, 佢仲要四圍郁, 駡又哭.....training training...我哋日日, 秒秒都是在想點追上train 佢做Normal kid...

壓力大得要死! 我連眼淚都無啦...通常都係寫下發洩..食嘢...買嘢 ....唉!!!!!!!

singren

我相信番工比全職揍這類小朋友已經好好架嘞…
你試諗下全日對住佢地…
你見到佢失控只不過幾個鐘，全職揍就有可能見住佢早﹑午﹑晚都有失控既時候，小d iq同eq都唔得，精神壓力真不少架…
你試下用第二種角度同佢做training，嘗試進入佢既世界，enjoy同佢一齊，最好唔好鬧(對你兩個都唔好架)，多d獎勵同贊賞等…
我覺得揍佢地好似一種高深既學問，自己係佢既心理e生，你要好了解佢，睇得好通透先得。
我有時都覺得佢令我"化"左，所有問題都唔係大問題，你心急冇用﹑緊張冇用﹑鬧更加冇用。

加油！唔好成日諗咁多野，呢個係事實，諗多d佢既優點會舒服d架，哈！