求救！！小一小朋友成日喊話好驚考試

star_123

我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已解釋了好多俾佢聽，只要俾心機溫習，盡力去考，就算成績唔好，媽咪都一樣開心，唔會鬧佢，但佢都仲係喊話好驚，好不安。。。有無家長有經驗，如何可以舒緩到佢面對考試壓力呀？

今次已是第二學期考試，上學期都無呢個問題。。。

Sask999

同學校老師了解一下在學校的情況。是否一線神校？壓力可以來自好多方面的。

star_123

Sask999 發表於 17-3-1 09:45
同學校老師了解一下在學校的情況。是否一線神校？壓力可以來自好多方面的。
...

唔係咩勁學校，只是普通小學，其實已經同佢溫過，明明已識，但成日都覺得自己會考時唔記得晒！好驚

昨天已揾過班主任傾過下，老師話佢好乖，功課成績都好，無乜特別。。。
唔明點解突然俾自己好大壓力

skkeung

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

小一小朋友驚是正常！

miujoey

好正常的, 我小朋友都有問我幾次如果拎零分會點樣 ? 我同佢講你有溫書唔會得零分,放心, 只要你用心做份卷, 唔係求其做,你得幾多分媽咪都會接受, 唔洗怕,放鬆d. 跟住佢就無野啦

Jane1983

有可能係聽同學講。如果你無逼佢，學校無逼佢，你同佢傾多d、安慰吓佢，慢慢佢就會明白係正常routine，就唔會panic。

star_123

miujoey 發表於 17-3-1 10:23
好正常的, 我小朋友都有問我幾次如果拎零分會點樣 ? 我同佢講你有溫書唔會得零分,放心, 只要你用心做份卷,  ...

我都有試過講你講過的說話，但我囝仲係不斷喊話仲係好驚，今星期只係考d oral....同電腦，普通話。。。。下星期先係考主菜，中英數常希望佢正常返la

star_123

Jane1983 發表於 17-3-1 10:26
有可能係聽同學講。如果你無逼佢，學校無逼佢，你同佢傾多d、安慰吓佢，慢慢佢就會明白係正常routine，就唔 ...

我會努力架la...
可能今個星期一次過考哂d散嘢: 中，英，普oral...電腦實習，筆試，每科老師提一次要溫習，對佢黎講可能好似一堆野，好多咁。。。。乜都要考

PY-Sing

1. 平時要温習, 唔好迫埋温. 一個星期內, 密集式温習, 真係會記唔晒.
2. 考試前要做吓MOCK PAPER, 試吓有時限内完成份卷， 学吓考試技巧.
3. 同小朋友講, 你明白佢的感受, 因為不論大人定小朋友, 面對考試都會有同樣的心情. 有咁GE 感覺, 要深呼吸, 放鬆心情. 重要同小朋友一齊重覆做深呼吸好幾次.
4. 慢慢培養閱讀課外書的習慣, 一, 可得到閱讀的樂趣, 而減壓; 二, 中文卷其實有60%以上係課外嘢(作文40%, 課寫卷一半約佔20% 係嗰D 閱讀理解等, 重有ORAL , 視聽), 所以淨係識晒課文係唔夠.

wan_sosin

家長說話要有技巧，你話，"如果成績唔好"什麼為之"唔好"?你即是講緊低分係唔好，其實可以讓小朋友感覺到成績唔代表什麼，並非好與唔好。
之後又話，成績唔好唔會鬧，咁樣即是成績差係有機會比人鬧。
其實可以咁樣講，考試只係幫助學生溫習學到嘅知識，你只要溫習就好了，媽媽會欣賞你努力讀書。不如計畫下考完試想去那裡玩。。。

Sask999

star_123 發表於 17-3-1 09:58
唔係咩勁學校，只是普通小學，其實已經同佢溫過，明明已識，但成日都覺得自己會考時唔記得晒！好驚

昨天 ...

壓力可能來自同學仔，同佢計劃下考完試的活動，可以令佢放鬆一下！

marie12345

你同佢講考試就當平時做練習咁做，唔好令佢睇考試睇得咁重要，唔合格唔識唔記得無所謂，比佢知道考試失手好平常，唔係次次都要好成績。小一就咁大壓力，平時唔好咁focus on成績，多d稱讚佢，唔好比壓力，因為佢自我要求高，要減壓。

star_123

wan_sosin 發表於 17-3-1 11:08
家長說話要有技巧，你話，"如果成績唔好"什麼為之"唔好"?你即是講緊低分係唔好，其實可以讓小朋友感覺到成 ...

好的，我再試試換種方法同佢傾

karen55407

star_123 發表於 17-3-1 09:24
我囝小一，呢排陸續開始考試，佢突然呢日，日日喊話好驚考試，溫咗都會唔記得晒，好驚唔識，唔想考試，我已 ...

我曾經收過老師電話，告訴我小朋友考試很緊張，狀似想暈。於是我即日接佢放學後立即同佢去公園玩咗個幾鐘，心情輕鬆下，我向佢旁敲側擊，知道佢緊張到手汗大出，連試卷也弄濕，寫不上字。我同樓主一樣，向佢解釋考試精神在於有無努力溫習，我對佢好有信心，因為佢有努力，亦向佢指出緊張只會導致影響表現，咁就唔抵！我提意我哋一齊回家再努力温習，增加自己明天嘅信心，同埋考試記得帶定手帕抹手汗。

star_123

marie12345 發表於 17-3-1 11:26
你同佢講考試就當平時做練習咁做，唔好令佢睇考試睇得咁重要，唔合格唔識唔記得無所謂，比佢知道考試失手好 ...

我都覺得佢自我要求高，俾咗壓力自己，今日我已試過同佢講 ，只當做練習，晤好咁緊張，不過仲未冷靜到。可能要長期灌輸呢個概念。。。。

最奇係唔明點解上學期又無野，好正常。。。呢幾日突然咁緊張

star_123

karen55407 發表於 17-3-1 11:30
我曾經收過老師電話，告訴我小朋友考試很緊張，狀似想暈。於是我即日接佢放學後立即同佢去公園玩咗個幾鐘 ...

多謝你既分享。我想問下你同佢解釋完，佢係咪已經明白，有無話佢,好驚考試呀？第二日仲有無咁緊張呀？

wan_sosin

star_123 發表於 17-3-1 11:29
好的，我再試試換種方法同佢傾

加油！

對小朋友說話用正面言詞就好了，要有正能量。
事實小朋友開始明白什麼是考試，是有可能開始識得什麼是壓力，學去克服壓力都係成長嘅路，相信只有家長可以幫到佢哋渡過

star_123

wan_sosin 發表於 17-3-1 11:44
加油！

對小朋友說話用正面言詞就好了，要有正能量。

絕對贊同，學識面對壓力，克服困難，舒缓情緒，比學業成績重要得多。。。。

marie12345

上學期可能未體會到考試係咩一回事，所以上次無事。咁佢平日默書測驗呢？會好緊張嗎？如果持續落去很易有情緒問題，有需要要尋找專業幫助。

karen55407

star_123 發表於 17-3-1 11:43
多謝你既分享。我想問下你同佢解釋完，佢係咪已經明白，有無話佢,好驚考試呀？第二日仲有無咁緊張呀？
...

改善了！仲要唔好在孩子面前緊張成績，他們是知道的，派卷我都忍住唔問佢分數，等佢自己先提起，成績好就打蛇隨棍上話：「係咪呢？你咁努力温書，點會差呢？」如果成績差就關心佢話：「係咪出得太深啊？你夠唔夠時間做呀？會唔會睇題目唔夠小心呀？咁老師有無話返個答案比你知呀？仲明唔明白呀？我哋一齊睇下有無辦法改善啦！」
要解決並非一時三刻做到，要慢慢增強自信心，明白父母是永遠支持自己、陪伴自己