天主教聖保祿小學vs瑪利曼小學

湯媽媽

請問跑馬地天主教聖保祿小學同瑪利曼小學，邊間好？

ox

其實2間都好好喎, 瑪利曼英文幾好的, 但天主教聖保祿亦不弱, 各方面都平均, 不過你讀得佢地既小學, 將來都諗住直升中學啦, 如果中學就"天主教聖保祿"校風比較純樸少少.

湯媽媽

多謝你的意見!

天主教聖保祿因為重建校舍，小一、三、五返下午，小二、四、六返上午班，你又點睇？

canon123

唔係呀, 佢地不嬲都係小一、三、五返下午，小二、四、六返上午班, 亦好似冇聽聞佢地重建校舍喎.

麟媽媽

跑馬地聖保祿小學應該唔會重建的，因那小學的校舍好耐歷史，仲被列入為香港受保護的建築物。

naughtyboy

ox

Agree with OX. My cousin study in Marymount before, English is very good even she is lazy.
梗係Marymount 威

湯媽媽

咁MaryMount 小學新校舍幾時起好？

ox

天主教聖保祿唔係重建, 佢係擴建, 而且佢間學校係被政府列入古蹟, 有成百幾年歷史, 而佢一向係P1, P3, P5係下午校, P2, P4, P6係上午, 都幾舒服, 唔駛讀全日咁辛苦.
舊修女校長退休, 今年係新校長, 好關心學生, 如果有學生係操場唔開心, 成日自己一個, 佢會去搵同學關心佢, 自己亦去了解佢. 不過, 唔知係咪轉左校長, 今年d書 & 功課都多左少少, 好進取, 不過都唔會好深, 會以小朋友的能力出發.

湯媽媽

瑪利曼係津小，只有15分，有乜辨法？

Tzeyanmui

沒辦法，只有聽天由命。

麟媽媽

真的無咩辦法，20分都要抽籤，15分抽都無得抽。唔想淋你冷水，但自行分配階段手持15分報Marymount機會可以說是零...
你住12網嗎？是的話二輪中央派位都仲有D機會，好彩的話可能抽中，如果是跨區的，機會好微。

湯媽媽 寫道:
瑪利曼係津小，只有15分，有乜辨法？

Charlotte_mom

你都好Y, 有15分, 我個女得5分, 真係俾教署玩死, 佢而家讀真光k2, 我要開始唸, 無計啦, 真光又唔可以攬住個offer去攪珠, 我又無理由turn down個offer去盡地一舖架???
唯有自己唸辦法考多幾間私校啦

湯媽媽

瑪利曼係咪無得面試？

Wing(婷婷媽咪)

唔好意思路過想問下咁St.Paul's Con.好

麟媽媽

其實St. Paul’s Convent School (銅鑼灣)同 St. Paul’s Catholic Primary School (跑馬地) 都係由同一個法國修女會-Sisters of St. Paul de Chartres創辦的，當然修女們都是兩邊走的，我地都稱為Paulinians，亦叫對方為Sister School。 St. Paul’s Convent School (Primary section) 是英文小學，學生英文底子好，SPCPS雖是中文小學，但見佢地升中之後是英中，英文一點都不比Convent差喎。
我自己畢左業好鬼耐了，以前我地兩間學校時有join school functions, Convent的女孩多活潑外向，個個滿有自信，而跑馬地St. Paul’s女仔多溫文儒雅，比較純樸。我而家都有幾個朋友的女兒分別就讀於呢兩間小學，感覺上Convent的女孩比較嬌縱、醒目，但不至於無禮貌，而SPCPS的女孩比較乖巧、樸素。
我覺得兩間都是好學校，大家亦不要只看學術上的成績來衡量，我絕對相信，學生除了在書本得到知識外，呢兩間學校一定可以培養出學生良好德行及修養，長遠來說更為重要。

湯媽媽

朋友同我講，前日

湯媽媽

我也只是聽朋友講喳，你唔好咁勞氣。

因為我自己都唔多信D傳聞，因為我認識的St.Paul Conv女仔大方又有禮，唔係點會咁多8A9A呢！ 仲咁多家長去排隊爭崩頭去報咩。

正所謂真金不怕紅爐火，我支持你！

有乜得罪，請見諒見諒！