沈祖堯談領袖特質：關心世界 聆聽意見

elbar

【明報專訊】人氣超高嘅中文大學校長沈祖堯，前幾日喺中大崇基學院一個講座做嘉賓，同美國、新加坡、內地及本港學生分享領袖之道。沈校長因為SARS而被譽為「亞洲英雄」，佢對抗SARS嗰陣仲學埋點樣做領袖，所以借對抗SARS嘅經歷，同學生講講做領袖嘅特質。


沈校長認為做領導要有國際視野，關心各地發生嘅大小事情，愛護大自然；又要團隊合作、有溝通技巧，包括耐心聽人意見，誠實表達自己睇法，另外仲要有人文精神、樂於奉獻等。


沈校長又提到近年全球公共衛生事故，包括禽流感同伊波拉病毒傳播等等，抗疫過程中，各個國家互相交流醫療經驗同技術好緊要，另外政府亦應該安撫市民，減低市民憂慮同時，提升佢哋嘅防範意識。