如何發掘小朋友強項，加強自信？

mlau216

我有對孖女5歳，今年9月升小一，極度冇自信，例子：
1. 做數學功課時明明知道答案，但冇勇氣寫出黎，一定要問左我先，確定係啱先寫。
2. 教佢讀英文生字，有時超細聲讀出（細聲到我要用隻耳仔貼住佢個咀先聽到），有時直頭唔肯讀
3. 去學畫畫，有時導師叫小朋友做啲嘢，佢地一定唔肯做第一個，好似好驚錯咁
4. 有次去玩小朋友電動車，成班細路都興奮到衝入去玩，我果兩個就企喺出面唔肯入去，細妹好想玩，但家姐唔去，所以佢唔去
5. 有時做到某啲野，我讚佢，佢會有啲唔自在，仲會用手'暗'住我個咀唔比我讚

不過平時喺屋企都好大脾氣，成日打交鬧交⋯⋯

我知佢地學術比較弱，比較無自信, ,所以希望佢係其他方面建立返啲自信,佢學過兩年芭蕾舞,之後無啦啦唔肯學,咁我冇再逼佢學,之後學畫畫同話劇,學左幾個月之後又話唔學，咁我問佢想學乜嘢，佢就話乜都唔想學，所以K3乜都無學，嚟緊九月升小一我已經同佢報咗陶瓷班同英語拼音班，當然係我自己一廂情願迫佢去上。其實係咪真係要學暈晒所有野先知道佢有咩叻？咁幾試落去都唔係辦法。。。錢係一個問題，同埋好似周身刀冇張利，大家有冇建議比我參考一下？我只係想發掘到佢嘅長處再慢慢加強佢嘅自信。。。

Felix223

你孖女兩個性格都是咁相似？有時候小朋友好同唔好的習慣/會互相影響或模仿，如果兩個都缺乏自信，兩個放埋一齊真的比較傷腦筋。

MrBeast

細B？是full term ma? (因孖通常會早）

mlau216

MrBeast 發表於 17-7-13 12:49
細B？是full term ma? (因孖通常會早）

係11月細B，37週出世，都係足月，不過語言發展係有啲慢，老師成日話佢地咬字差，畫班導師就話佢地未戎BB話，但9月要上小一了，真係好擔心

MrBeast

回覆 mlau216 的帖子

缺乏自信是細B possible後遺症（當然不是全部細都會），最簡單做法就是轉做大，我都明at this late stage會難，不過都不會是mission impossible，只是option會少。
若果將升的小學不是太谷，這暑假找職業治療師評估下有冇什麼地方要跟，每天重複練習好快便會追到，自己多些留意小朋友有什麼長處，衣照長處找一樣興趣發展

little_yolky

mlau216 發表於 17-7-13 12:57
係11月細B，37週出世，都係足月，不過語言發展係有啲慢，老師成日話佢地咬字差，畫班導師就話佢地未戎BB話 ...

11月細B無自信係普遍現象, 點解唔做大B? 我大女都係11月細B, 佢係好聰明好勤力既, 但小朋友差幾個月差好遠, 佢間幼稚園仲要係專收大B, 佢同學仔有D大佢11個月, 咁點會無分別, 佢成日係咁追呀追, 想有自信都好難。so far我見佢其實學乜嘢都學得好好, 學業、自理都無特別輸蝕, 但係, 就係無自信, 成日覺得自己唔叻。不過佢有比較明顯既興趣, 努力學咗四年終於叫收成正果, 比賽有奬先有返少少自信。做細B係咁架啦, 咪唯有成日讚吓佢囉。

阿妹係2月大B, 真係好唔同架, 佢學業好唔掂, 但仍然自信爆棚架。

mlau216

MrBeast 發表於 17-7-13 13:50
回覆 mlau216 的帖子

缺乏自信是細B possible後遺症（當然不是全部細都會），最簡單做法就是轉做大，我都 ...

其實都有諗過轉做大，但我地plan緊過多兩年返澳洲settle down , 所以又想留個repeat機會比澳洲返學時用。。之前有做過一啲發展評估(因當時懷疑佢有讀寫障礙），但評估結果係正常不過偏慢，個姑娘話6歲後如果冇改善可以再評估過。
今個暑假除咗學英文學畫畫之外，我仲搵咗私人補習老師同佢溫下一啲Basic嘅嘢，上左第一堂，靜到烏蠅飛過都聽到。。。。
細孖好奇心比較強，有時比部iPad佢哋兩個，家姐一定睇卡通片，細妹從來都唔睇卡通，淨係睇一啲有關於DIY或者做實驗呀，生活小百科之類嘅嘢，細妹一聽到音樂個身體就會郁，仲成日鍾意哼歌，呢啲係我留意到細孖嘅嘢，但唔知應該㸃幫佢去發展。大孖真係一個大食懶，食零食、睇卡通、發脾氣、唔鍾意出街。。。老實講真係唔知佢有咩叻！　
兩個嘅共通點就係乜嘢都唔肯去嘗試！問佢地想唔想去學跳舞、唱歌、游水。。。乜都話唔想，我真係無佢辦法

emma_kapo

mlau216 發表於 17-7-13 14:40
其實都有諗過轉做大，但我地plan緊過多兩年返澳洲settle down , 所以又想留個repeat機會比澳洲返學時用。 ...

我大女都係乜都唔肯試唔肯學....不過我最近發現左其實佢唔係真心無興趣唔想試，其實係因為無信心做到亦唔相信教佢個個人所以先乜都唔想學，多鼓勵要勁讚佢比d時間佢，同埋真係比佢學一樣就夠啦當kill time 同多d唔同小朋友相處唔好當真係有野學番黎咁大人細路都好過d

mlau216

little_yolky 發表於 17-7-13 14:34
11月細B無自信係普遍現象, 點解唔做大B? 我大女都係11月細B, 佢係好聰明好勤力既, 但小朋友差幾個月差好遠, ...

其實我K1時都有同學校request過留班，但老師好反對，佢不停話我兩個女有能力升班，仲話如果留班會浪費左佢哋一年時間，所以我當時都俾佢勸服左。其實我覺得去到K3就真係見到個difference, 兩個位加減數同閱讀理解真係pick up 唔到，不過我哋計劃兩三年後返澳洲定居，所以想留返個留班機會第時用

mlau216

emma_kapo 發表於 17-7-13 14:51
我大女都係乜都唔肯試唔肯學....不過我最近發現左其實佢唔係真心無興趣唔想試，其實係因為無信心做到亦唔 ...

我問佢佢一定話唔想學，其實第一次係咪要逼佢去呢？

emma_kapo

mlau216 發表於 17-7-13 14:59
我問佢佢一定話唔想學，其實第一次係咪要逼佢去呢？

話說最近私心想個女學溜冰，咁問佢佢都一定一定答唔學....以前我係迫佢要佢去上堂既....今次我係上堂前同佢去溜過兩次佢終於同我講意思大約係話由一樣完全唔識由零開始再要一個唔識既人去教佢仲有一齊上堂個班唔識既小朋友，佢點會有安全感。所以要比大量心理準備佢同佢預習定到時係點，最緊要要讚佢要比時間佢

little_yolky

mlau216 發表於 17-7-13 14:59
我問佢佢一定話唔想學，其實第一次係咪要逼佢去呢？

除咗游水, 我無迫過阿女學任何嘢的。

emmyfok

mlau216 發表於 17-7-13 14:53
本帖最後由 mlau216 於 17-7-13 14:58 編輯

其實我K1時都有同學校request過留班，但老師好反對，佢不停 ...

K3要計兩位加減數？仲要閱讀理解？難怪小朋友被打沉。

mlau216

emmyfok 發表於 17-7-13 15:37
K3要計兩位加減數？仲要閱讀理解？難怪小朋友被打沉。

係！我向學校投訴過，學校話咁樣係為小朋友好，因為上到小學佢哋會容易適應好多，佢間學校都真係幾din

emmyfok

有沒有考慮找外籍英文老師單對單練oral？如果九月升讀普通津校，小一英文很淺，只要暑假努力閱讀、練oral，應該足以令小朋友在英文堂上充滿信心。此外，操好英文，對女兒到澳洲讀書也有幫助。

mlau216

emmyfok 發表於 17-7-13 16:33
有沒有考慮找外籍英文老師單對單練oral？如果九月升讀普通津校，小一英文很淺，只要暑假努力閱讀、練oral， ...

而家有跟外藉老師學phonics,如果私補要起碼五、六百蚊一個鐘，有啲難負擔

brother4

最簡單方法轉校，由目標性轉活動性的Ｋ３，自己的良藥可能是别人毒藥，講真自己孩子真係轉咗ｋ１，起碼開心咗。。。

MrBeast

mlau216 發表於 17-7-13 16:46
而家有跟外藉老師學phonics,如果私補要起碼五、六百蚊一個鐘，有啲難負擔
...

若自己英文底子ok，phonics 其實自己教都得，oral 對話就要比人賺了。

MrBeast

mlau216 發表於 17-7-13 15:48
係！我向學校投訴過，學校話咁樣係為小朋友好，因為上到小學佢哋會容易適應好多，佢間學校都真係幾din
...

it depends，8+7、11+4 都還可以，兩個兩位個d只是拔苗助長，跟本就算計到未必代表小朋友明，況且小學又會教，咁早學做乜。

mlau216

MrBeast 發表於 17-7-13 17:31
若自己英文底子ok，phonics 其實自己教都得，oral 對話就要比人賺了。

我係教到但佢地完全唔聽，我啱啱先問佢：She 係男仔定女仔呀，媽媽唔記得左，不如你提吓我啦！，跟住佢即刻擰轉面話：我唔想講呀！
我教乜佢都唔聽，要外人同佢講嘢佢先會聽