想問如果自行分配學位取錄，重有冇得统一派位?

OsansanO

爸爸係畢業生有20分，但學校唔近屋企，想自己分配選爸爸讀過小學，如取錄左，係咪要即時註冊?係咪已經冇得统一派位?如可以，统一派得唔鐘意，可否揀返自行分配取錄間學校?因為想試下統一報附近學校睇下入唔入到，thanks

小曳人

派咗自行而唔註冊，仲可以抽，但註冊咗的話，要放返個位出嚟至有得抽，制度上，係無得俾你咁揀法

retriever

OsansanO 發表於 17-9-6 01:20
爸爸係畢業生有20分，但學校唔近屋企，想自己分配選爸爸讀過小學，如取錄左，係咪要即時註冊?係咪已經冇得 ...

收唔計，你註冊咪放棄統一囉。

BTW， 網上問野唔好信哂，官方制度最好直接問官方！

OsansanO

thanks all

pocoyo123

報自行, 佢又收你, 你又註冊左, 咁你已經有學位, 係一定無得再玩統一派位。

之不過, 你可以等統一放榜後, 去叩門, 試叩晒屋企附近所有學校都得, 叩到幾多收你係你本事。

又或者, 去考一間私校,大部分私校是可以收左你而又比你玩自行和統一, 咁你有間私校做後備, 咁自行和統一都簡屋企附近博一博, 博唔到合心水學校, 咪去叩門或讀私校二年級再插班。

P.S. 20分如果熱門學校都可能係50%機會, 都不是一定得

OsansanO

pocoyo123 發表於 17-9-6 11:01
報自行, 佢又收你, 你又註冊左, 咁你已經有學位, 係一定無得再玩統一派位。

之不過, 你可以等統一放榜後,  ...

好清楚，謝謝你!想請問係咪15分通常都冇咩機會?因有20以上先有機會派到自行

pocoyo123

OsansanO 發表於 17-9-6 11:06
好清楚，謝謝你!想請問係咪15分通常都冇咩機會?因有20以上先有機會派到自行
...

自行, 好睇你簡邊間, 大熱同二線已經唔同, 多不多世襲生(必收生)? 有D老校, 世襲都可以佔左大半, 單性和男女校又不同, 總之, 收到所有申請書後, 學位先分比世襲生, 有剩, 再用分數分, 最高分35分先派, 一路派落去, 最多人有的分數是25,20分, 如派到25分有剩10個位, 但25分人士有15申請, 咁呢15個人會用抽籤形式抽出10個, 之後20分就一個都無啦, 所以, 20分人士簡大熱學校, 有D係連抽都無得抽呀, 因為25分已經比人簡晒

MonkeyGirl

回覆 pocoyo123 的帖子

你講得好好, 同好清楚

HK-MAN

小曳人 發表於 17-9-6 07:20
派咗自行而唔註冊，仲可以抽，但註冊咗的話，要放返個位出嚟至有得抽，制度上，係無得俾你咁揀法 ...

最怕佢自行報咗爸爸間學校而唔註冊等大抽獎...咁咪變相放棄咗自行選校機會,還冇咗111呢樣野添...

小曳人

HK-MAN 發表於 17-9-6 12:48
最怕佢自行報咗爸爸間學校而唔註冊等大抽獎...咁咪變目放棄咗自行選校機會,還冇咗111呢樣野添... ...

唔註冊就當然=放棄啦
你放棄得，就自然唔會係想111啦！

另，唔好睇到111咁大先... 最緊要唔係111喎！

HK-MAN

小曳人 發表於 17-9-6 14:32
唔註冊就當然=放棄啦
你放棄得，就自然唔會係想111啦！

這個當然啦! 以我所知南區3間熱門學校都唔需要111.