陳家洛二女獲卓越學生獎學金

elbar

【明報專訊】今年有78個學生攞到政府卓越獎學金，由政府資助讀外國名校，立法會議員陳家洛（右）都出現喺頒獎禮現場，原來佢嘅二女兒陳綽寧Natalie（中）都係得獎者。


Natalie係今年IB（國際文憑試）狀元，考到滿分45分，佢嚟緊會去英國布里斯托大學讀戲劇同英文文學士。陳家洛話個女揀呢科純粹因為鍾意，希望畢業之後回港教書。


Natalie前日先攞到英基主席卓越大獎，噚日又攞到政府卓越獎學金，難怪一講起囡囡，家洛就滿臉自豪。卓越獎學金得主有政府資助學費，每年上限25萬，得主畢業之後要返香港至少做兩年嘢。