如何處理仔女被班中同學柸葛及言語欺凌 ?

Uncle5metal

班中有一帶頭人經常帶領其他同學柸葛、語言欺凌，甚至乎整蠱一位同學。大家如何處理 ?

Jane1983

幾年班？

Uncle5metal

Jane1983 發表於 17-11-24 14:26
幾年班？

三年班

brother4

試吓轉班,避。。有—次孩子幫欺凌同學出頭要見家長

Yanamami

你家孩子係“受害人”？通常独行俠会係被蝦目標，快d揾番三两个朋友一齐~有玩开課外活动都会識其他同学，小息可去搵佢地｡动物都会－群群一齐免落单被猛獸睇中……

https://www.edu-kingdom.com/forum.php?mod=viewthread&tid=3562495&extra=page%3D1&ordertype=2

Uncle5metal

Yanamami 發表於 17-11-24 15:42
你家孩子係“受害人”？通常独行俠会係被蝦目標，快d揾番三两个朋友一齐~有玩开課外活动都会識其他同学，小 ...

都係一個辦法，謝謝 !

Uncle5metal

brother4 發表於 17-11-24 15:05
試吓轉班,避。。有—次孩子幫欺凌同學出頭要見家長

打聽過學校冇得轉班，所以唔使諗

Jane1983

同小朋友傾吓，乜嘢原因、點樣開始被針對，這有助了解係一次唔好彩，定係小朋友有d嘢特别容易被picked on。

小三再頑劣都會驚班主任，同老師講係最好。Bully為蝦人搞到見家長的代價太大，細路哥去到咁既位一定縮的。不過正如樓上講，要强化你小朋友的社交，有自己一班朋友圈。你地一班人玩得開心，Bully想蝦你都無切入點。

Uncle5metal

Jane1983 發表於 17-11-24 18:09
同小朋友傾吓，乜嘢原因、點樣開始被針對，這有助了解係一次唔好彩，定係小朋友有d嘢特别容易被picked on。 ...

被柸葛言語欺凌的學生是老師眼中的麻煩學生，而帶頭柸葛言語欺凌的人在老師面前是乖乖學生。在老師背後卻陰陰濕濕欺凌別人。教我如何應對 ？

Jane1983

回覆 Uncle5metal 的帖子

小朋友為何被老師認為是麻煩學生？行為問題還是成績問題？有些情況係d人見到某同學被老師鬧或罰，覺得同學曳，衍生一種佢自己高人一等過對方，可以恰佢，或者以為老師會贊成咁既做法，覺得咁樣係懲罰曳的小朋友。蝦人個細路未必好壞，可能覺得自己好啱添。
改善小朋友的問題，被標籤為麻煩學生係不幸，但學習如何扭轉局面，改變其他人看法亦係重要的學習。佢乖番，老師讚佢，同輩對佢評價好番，這種bully就自然消失。

kwokbobo

Uncle5metal 發表於 17-11-24 22:48
被柸葛言語欺凌的學生是老師眼中的麻煩學生，而帶頭柸葛言語欺凌的人在老師面前是乖乖學生。在老師背後卻陰 ...

我一向認為大部分的小朋友都是我本善良的，但我都發現真的有不少小朋友，年紀輕輕，陰陰濕濕，在老師或長輩面前，人前人後兩個樣，你要小心處理這個位。

kwokbobo

我非常討厭bully的行為，聯合人一起杯葛人，會令被杯葛的身心受傷害，唔啱玩，大可以不一起玩，但有些小朋友就是以杯葛人，令自己好似勁d咁，老師其實係好重要的角色，如果老師處理得好，可以緩和氣氛，但唔知㸃解往往蝦人的，都無事⋯⋯，很難理解。

1998Ruby1998

回覆 kwokbobo 的帖子

十幾年前我讀小學已經有呢類見人講人話，見鬼講鬼話嘅同學。依家小朋友自然更加聰明，人前人後兩個模樣者就更多。

1998Ruby1998

回覆 Jane1983 的帖子

無奈經歷，先曳後乖。乖返，畀老師讚果陣，同學唔抵得，加強欺凌。只要我繼續同佢同一間學校，我係佢眼中仍然低一等，不論好壞。

Uncle5metal

kwokbobo 發表於 17-11-25 11:12
我非常討厭bully的行為，聯合人一起杯葛人，會令被杯葛的身心受傷害，唔啱玩，大可以不一起玩，但有些小朋 ...

班主任的角色真的非常重要，她可團結整班人，亦可令整班人四分五裂，更甚者會令人身心俱傷。

YolandaTam

IloveJJ 發表於 17-11-25 12:32
响老師面前扮乖的學生的確好多，你無可能改變。我教仔係，戈首先你要俾老師覺得你唔係麻煩學生，如果你自 ...

形象嘅嘢有時好難控制，因為既然有一見鍾情就有一見憎恨。但我哋可以控制嘅係
1）不平則鳴
2）自己有實力，令人哋有求於自己

小女自小學至中一都係被欺凌杯葛，但到今年，因為佢做project唔介意做埋人哋嗰份，science又係班一，好多人要問佢或抄佢功課，好多同學唔再欺凌佢，甚至project揾佢同一組。

YolandaTam

IloveJJ 發表於 17-11-25 13:57
我仔得喎!佢曾經係全班包括班主任唔鐘意既人物，但俾佢扭轉到。

令公子係讀男校嗎？也許男女大不同，女校，第一眼唔鍾意就永世唔改變，小一嘅事到中學都仲執怪。

akys

杯葛和語言欺凌好難處理，冇可能要監同學和某人玩，而間中一兩句取笑或屈人亦冇理由去大罰。就算一班好朋友都會拿一兩件瘀事長年取笑圍內朋友，老師好難决定是否介入定為欺凌。呢類非物理性欺凌不容易靠老師，父母解决，有時介入後反而情况更差。
阿仔做法係遠離呢班人，再和身邊同學建立關係，將多名中立同學拉入己方。當無理被屈時，會有人出聲幫拖。