四歲小朋友好鍾意識字及寫字,請問有無呢類或者可以train up佢既記憶既課程?

babyjerry

仔仔四歲.......就讀k1.......9月升k2.......最大既興趣係認字兼寫字.

識寫好多超出4歲懂寫的字,身邊朋友總係叫我比d野train up佢.......唔好浪費左佢既天份........但佢地同自己都唔知可以比d咩仔仔........去加強佢呢方面既天份.

請大家指教   

睡覺

babyjerry,,,
        我仔仔2歲半前開始，也很愛寫字，已會默寫全部大小楷英文字及阿拉伯數字和部分中國數字........但我也不知道寫字認字是屬於何種天分...是寫作嗎？

但認字呢，有人話只要有訓練..個個都可以...並不是甚麼天分咁話.....他現在四歲大半了，對寫字已無哂興趣...開始唔鍾意重覆又多筆畫的中文字.......

現在，....我只和他玩認字咭....特別注重中文字，多少全看他心情而定，有時兩天可認到40個，跟住佢無心情...咁又會停幾天至一個月都不等....等佢學得七七八八，可以自己看書..咁就會同佢玩英文認字....他現在可以自己讀出有不少文字的普通兒童圖書...能讀出的字幾近是五分之四.........等他讀埋k3..明年上小一時...我想已足夠應付自己去看全文字書了....

我想...我的"訓練"就係....和他閱讀看多一點圖文並茂的書已經足夠吧？？？？？從中，他會更易吸收語文技巧和學會更多文字...又會從故事中學到更多額外知識、常識或做人處世之道...對寫作有更大幫助添...可是...一樣要看他心情而定...hee...



你認為如何呢？     

babyjerry

睡覺,

多謝你既分享........我仔仔未到你仔仔咁勁既地步........其實我都唔係好覺得佢有咩天份........只係覺得佢記性好同求知慾強.......老師話佢好主動學習.......朋友就話佢有天份.......但唔知咩天份囉.

我惰d.......無你咁好.......陪佢認字........佢所有字都係佢自己從周圍學返黎既.......如經過路牌,鋪頭名,同學名,電視字幕等.......佢都會問一餐.......只需要講一至兩次........佢就記得.

我一路都唔係幾想比d特別既training佢.......怕佢學得太快........返學便會變得無趣.......擔心佢唔肯返學........我所以一直都任由佢自己發展.........只係身邊既朋友成日話唔好晒左佢.........所以先上黎問下.

聽完你既分享.......我都覺得無需要比咩特別既training佢喇.