阿女被同學話白痴

karen2323

阿女同我講，有日聽到有2-3位傾計，提及什麼小情人，阿女她奇一問：你們所講的小情人是什麼來的？其中一位同學答是歌名，阿女就問是否韓國歌？(因我女很少聽其他國家歌星的歌，她以為同學近年都喜歡韓國組合，便以為是韓國歌。)另一位同學立刻答：你係唔係白痴嚟架？咁都問。台灣歌嚟架。說完便聯同那22-3位同學行開。

阿女回家後好唔開心，她叫我可否買一些韓國歌星或台灣歌星的CD給她，她不想再和同學沒有話題或被話白痴。

我自己細個時，同學問都會追捧唔同偶像，亦有部份同學沒有聽歌或追電視的習慣，但我們始終可找到共同話題，亦不會話同學白痴。我想問你們的仔女，有無遇上同樣情況？例如：被孤立或杯葛？

701003

原帖由 karen2323 於 12-11-12 發表
阿女同我講，有日聽到有2-3位傾計，提及什麼小情人，阿女她奇一問：你們所講的小情人是什麼來的？其中一位 ...

我女連電視都無得睇，聽中英文歌只聽老歌從小學開始已經同一般同學無乜流行話題！但佢同事可以傾其他嘢，唔會被孤立

karen2323

我就係唔明，乜除了歌星外，無話題的嗎？如果唔追潮流就要被話白痴？或者我心痛阿女，但我想知現時的細路，是否會覺得我女這類學生是唔正常的人？

Yanamami

小事一樁. 由孩子自己去處理吧. 不用為埋堆而投其所好. 一校之大總會有合得來的人. 這些不友善的同學, 不理也罷. 我女有同學只听古典音樂, 又如何? 一樣有很多朋友.

totheend

樓主, 你多慮啦!

所謂"物以類聚, 人以群分", 既然道不同, 又何苦勉強自己去遷就別人的喜好呢?

中學是培養孩子個性, 愛好的重要階段, 不是要特立獨行, 但一味追潮流, 埋堆, 千人一面, 並不是甚麼好事啊!

kilykilyk

karen2323 發表於 12-11-12 12:30
阿女同我講，有日聽到有2-3位傾計，提及什麼小情人，阿女她奇一問：你們所講的小情人是什麼來的？其中一位 ...

其實唔洗太擔心,唔好太在意"白痴"這個詞語,
有些年青人講說話係"串"啲,但未必係想傷害佢,
可能嗰刻衝口而出,年青人好善忘,可能天日又無事,
而且話題真的很多,熟咗就多話題,如果真係唔夾咪算囉!
咁多同學仔,一定識到啱傾的..

Meikin

回復 karen2323 的帖子

小事而已.

不過樓主可以藉此事同阿女傾吓, 話佢知:
- 同學仔好多時講慣"白痴"或其他唔係咁禮貌的字眼, 只是衝口而出, 未必真的是話佢, 只是說話未顧及他人感受;
- 又或者她們真的是話佢"白痴", 不過那只反映她們禮貌和修養不足, 若自我檢討沒做錯, 那又何必記在心上呢.  
==> 最緊要你阿女以她們為鑑, 唔好學她們咁架態度待人.
- 同學/朋友各有性格, 不必刻意埋堆, 合拍的好友是重質不重量;
- 缺口德的人多的時, 將來會遇上更多, 她們的話不必上心.

HY412

群體生活總會發生，包括是是非非…埋堆由小學已經開始有，孩子們自會有方法應付，今日你一言我一語互起衝突，明天又會攬頭攬頸玩埋一堆，勝在小孩子未感染成人的陰險…放心吧！通常我會順便提及成人世界真正的埋堆是什麼回事。

CrabPincers

wakaa我們早兩晚看大太監（錄左，每日看半個鐘）,其中雙喜同安德海兩個角色真人的名，我同個女都未識分，成日覺得佢兩個她似樣…最好笑係我工人話，呢個叫黃浩然呀....

我女不會覺得自己白痴，佢都是最近先識邊個叫林峰

wyl

我囡都係唔識啲明星、藝員、歌星，我又唔覺得有咩問題。通常追星嘅會玩埋一堆，唔追嘅又會另一堆，道不同不相為謀，學校都係社會縮影，冇可能同所有人都friend

hw1115

見到啲個帖令我想起阿仔中一係迎新日、問了一個男同學借一張紙寫筆記,
個位男同學隔離位同學話:你咁醜樣,我唔借比你。(好多人都話阿仔英俊架)

最近,同班同學發現阿仔樣貌似一位高官,經常係小巴或FB被人叫個高官的名。
我叫阿仔唔好應佢地。

karen2323

其實我唔係叫阿女要刻意學聽韓文歌或埋堆，我亦已同阿女講，既然唔啱傾便算了，不過見佢被人話白痴，仲好唔開心，做阿媽的肉赤吧了！因以前在小學不會有這類傷人的說話，想問下是否人大咗，是是非非亦會越來越多？

黃巴士

正面睇, 當是訓練小朋友EQ, 遇上不同人種的說話, 自己心態上如何調節.

orangebb

我覺得唔好將呢2-3 個同學行為代表全部同學。人以群分係真架, 如果呢幾個同學每每只得這一個話題, 真係太貧乏, 不做朋友也無損失。

叫阿女多發展其它同學, 平時多表現友善, helpful, 慢慢會識多d 朋友就唔當呢2-3 個同學講嘅野係一回事。

學校係小社會, 呢種問題只係時間程度，總會發生。

like_travel

回復 karen2323 的帖子

我 同女兒 也不知什 麼是 小情人, 唔通又係白痴 ? 那幾個同學好沒 深度, 人家未聽過就白痴 不是朋友也沒損失
你可以同女兒分享 ~ 別 人說什 麼..不要記在心上, 最重要是家人愛你, 以後也許有更多難聽的 說話, 你可以唔開心幾多次 ? 唔值得嘛 :loveliness:

杰杰媽媽

我仔好有性格     佢唔會因為俾人話去改變自己

因為我由細到大同佢講,講得呢D說話/語氣既都唔會係好人. 等佢自己識揀朋友....

longlokma

我個人覺得白癡也不算太 过分難聽，說的同學应只是顺囗而出，不是真的有心傷害別人。青春期有偶像很正常，她們會以為別的同學會和自己一樣，所以才驚訝你女兒竟然不知道。坦白說男校中一已粗囗橫飛了，青少年男女以為自己大個仔大个女，希望獲得朋輩認同，這是人生必经階段，不用太緊張吧。

師奶

樓主唔洗唔開心,有時同學講劇集個仔又想答咀，
比同學話佢低能,試過剪左個頭髮太短比同學笑佢係7仔
佢返屋企好唔開心架!我就會煮佢鍾意食嘅野等佢開心d
話比佢知呢個同學唔啱傾未同第二個傾攞,實會有啱傾嘅同學嘅
有d同學白痴/低能口頭嬋黎架!

Meikin

這也算是孩子成長過程的一部份, 人生的一種歷練.

阿仔小學時同學簡單純品一點, 然而升中開學, 回來傾訴所見所聞, 還以為自己入了B3學校, 因為發覺男校同學較頑皮倒蛋, 也有小圈子, 有欺凌, 有排擠, 有被人改花名........為此他也沮喪了好一陣子, 向來樂觀的他竟然還跟我說想找校內社工傾吓, 我也暗暗擔心, 甚至曾經懷疑自己是否選擇錯誤.  

當然, 我沒有在阿仔面前多說什麼, 只是多聆聽, 並為他某些同學的行為作合理解釋. 讓他知道那些行為是正確, 那些是不正確, 也告訢他這些事情將來在社會工場上也常見, 別人要做什麼說什麼, 你是無法控制, 但你卻能控制自己的心/行為, 因此他要面對這些困難, 想辦法解決.  後來他跟幾位升讀其他B1男校的小六同學談起, 發覺原來他們也遇上這類情況.  

最終他做到了, 在同學/朋友中找回自己的位置, 肯定了自己, 不會因某人的說話而動氣或感到委屈; 對於不同道的人不會好friend但也不會成仇人; 待人有禮, 多體諒別人, 自然交到合拍的好友.