請問自閉寶寶是否一定眼神零接觸?

jloklok

如題  唔該晒  

kc61282

我個仔未必完全0, 佢想搵你分享時就會望住我眼, 反而你強迫望就一定避開

anan3388

唔係

ka-sandra

我仔未証實自閉之前, 眼神係零接觸. 依家做緊D TRAIN好左好多.

apple~y

唔一定完全唔望人,
所以係唔係自閉症都係評估先知
因為個個a仔病徵,能力都唔同
我記得以前我小朋友番私人s位時
留意到一位小朋友都係2age幾,講0野好叻
唔係copy人說話,有問有答表現好好
有一次我見到那位小朋友家長,忍不住問0下什麼問題要番私人s位
話係自閉症,雖然講0野好叻有問有答
不過同人講0野完全唔望人
呢個算係我見0甘多a仔中,0甘細個講0野巳經好叻小朋友

jloklok

甘講可以好正常既狀況下都有可能係自閉症呀 ?  有無咩野徵召係一定中呀 ?

因為我排緊期好心急想知多d  求下各位媽媽了

pinkdoll

jloklok 發表於 12-9-18 15:35
甘講可以好正常既狀況下都有可能係自閉症呀 ?  有無咩野徵召係一定中呀 ?

因為我排緊期好心急想知多d  求 ...

我個仔係會望人既, 做咗一樣嘢, 佢想人讚佢, 佢就會望住人, 等人讚佢或者拍手掌讚佢, 即是話我個仔某程度上係有少少社交既a仔, 但你叫佢講嘢個陣, 有壓力下佢就唔會望住人講嘢, 就算望住都得一至二秒時間.

有啲a仔會望人, 但對眼好似空洞洞咁架, 或者有望住你但無乜情感交流...... 其實, 望人都係社交既一種, 眼神係可以有情感交流的作用(非語言), 如果冇乜同人有眼神接觸, 即是社交都比較弱.


其實你上網search "自閉特徵"就會有好多資料俾你參考.

唔好太擔心, take care.

pyalisa

𣎴是。不過，零一定係。

xixi1218

我仔不是零接觸，他對家人的眼神好好多，我自己後來才發現，他對陌生人或不熟的人眼神就會逃避。另外在有時我指明要他同我玩望眼遊戲，他就像很害怕望我對眼睛，一下子就望向旁邊。

autunmbb

我個仔都有眼神喎，唔係0接觸，不過就係佢想同你接觸才會有眼神囉。如果你問佢幾時會想同我接觸，多數就係有求於我，或者我同佢玩得好開心，佢想再玩一次等等。

我同其他a仔接觸都會有眼神架，不過就唔會耐囉，有d就望你一眼就飄走，有的都會望你一陣，好個別架，個個仔都唔同。

babycat9001

唔一定,我個仔真係唔望人,但我朋友個仔就望到人實...同樣是A仔

chowqv

我個仔係用眼尾望下你，總之交到功課，俾人知道佢望到你就算。係要好熟同佢信任既人，佢先會面對面。