陪跑/預左入唔到?

linseymom

我都係今年參加小一面試的家長之一，發覺有唔少家長話"預左仔女係陪跑，或者預左入唔到架啦，in 左先算啦"，於是有感而發。
我自己同小朋友去面試，一定會做好準備，唔會抱住陪跑/預左入唔到的心態，如果我對自己小朋友都無信心，佢點會做得好? 起碼我對佢有精神上支持，佢會挺起胸膛，放心自己一個人踏入一個完全陌生的課室，面對陌生的人，做父母的，就只有做到呢一步。覺得唔適合佢的學校，我直頭唔會幫佢報。報得既學校，我都好想好想入，都希望佢可以盡力而為，入到固然開心，入唔到咪技不如人囉，心安理得。
如果未考先認輸，報左名又對小朋友無信心，只係抱住一個"當去見識下" 的心態，掉佢去一個陌生的地方比俾人嚇，飽受無必要受的壓力，才是真的對小朋友唔住。
希望大家都對孩子有信心，好好支持佢地!

h0393179

有時家長抱有陪跑心態都係唔好俾自己咁大壓力啫,唔代表佢地冇盡力

linseymom

陪跑心態就可以冇咁大壓力？我只是希望父母比D信心小朋友，用正面D嘅態度去面對，大家加油啦！

kennyklt

我諗樓主未試過小一面試，當你interview多幾次，收多幾封信你就會明白點解其他家長會咁講。

dollyyuki

樓主可否分享報了什麼學校，除了信心還有什麼準備？Thanks!

linseymom

報了4間，面試前話定比佢聽會做D乜，可能會見到乜嘢人，面試日要夠瞓，入學校前比佢食糖，仲有同佢講下間學校係奌。

hecabb

原帖由 linseymom 於 12-10-04 發表
我都係今年參加小一面試的家長之一，發覺有唔少家長話"預左仔女係陪跑，或者預左入唔到架啦，in 左先算啦" ...

全是我嘅心聲~

eyschoi

Top schools will have less than 1 out of 10 applicants being selected.  Extreme case may be even 1 out of 20 or less.  Excluding those related applicants (with elder brother or sister studying in the schools, father/mother is odd boy/girl or working in the school, etc..), the chance is even lower to ~ 1 out of 100.  How many parents are sure that their children are the top 1% and perform as the top 1 % during the interview?

ajfamily

我相信樓主所講的九成家長會做足，甚至有過之而冇不及。若果遊戲真是這麼易玩，就皆大歡喜啦！當然永遠都有些人非常幸運，亦不會明白其他人為何要這麼努力耕耘。

cmir

壓力 is from parents but not from the school. My son has attended few interview in the past two months and he is totally happy with the whole process without any pressure. He doesn't think the school, teachers have given him any unpleasant experience.

Iamfive

我相信抱住陪跑心態並不一定是对小朋友無信心，而是好嘅直資/私校都係二、三千人中揀最適合嘅五十至一百個小朋友。
天外有天，人上有人，对手係咩程度毫無掌握之下，相信大部份家長都難以保證自己小朋友嘅ranking係屬於top5%。
係估估下嘅情況下，報多一至兩間高、低於估計程度嘅學校無可口非。尤其係所屬校網嘅好學校係極到求過於供。
对於高於估計程度嘅學校抱住陪跑心態，無論对家長或小朋友都会輕鬆d!
樓主只報四間，相信对所屬校網十分滿意，否則，樓主小朋友定必非常出色和擁有所謂特異功能！恭喜、恭喜！唔駛陪陪跑一族一齊苦惱！

Iamfive

原帖由 cmir 於 12-10-04 發表
壓力 is from parents but not from the school. My son has attended few interview in the past two mont ...

exactly!

silvia_ng

可以做咩：之前同小朋友上網睇下該學校既校舍環境，同佢講盡力而為，唔到最後都唔知去邊度讀，因為個天會為你安排最適合的。不要透露你自己最鐘意邊間。
大家加油呀！
過來人字

carriebaby111

樓主的TOPIC "陪跑/預左入唔到?"  和你的內容"家長對小朋友有沒有信心"是兩回事, 不能畫上等號!  始終現實歸現實,數據顯示出來的, 就不是信心與否的問題, 幾千人去爭1XX 個位, 預了陪跑也是好正常!!但我對兒子是充滿信心, 這個"信心" 不是學校必收的信心, 是我相信"會表現他最好的一面"的信心, 都是個句" 唔收是正常, 收了是BONUS"

Parisienne

linseymom 發表於 12-10-4 18:08
陪跑心態就可以冇咁大壓力？我只是希望父母比D信心小朋友，用正面D嘅態度去面對，大家加油啦！ ...

點解陪跑心態就唔正面呢？抱參與態度唔代表事前不作準備功夫呀！
唔將成敗放第一，無論得失都給孩子最大信心，不是更正面嗎？
我無諗過唔得就代表小朋友差，因為話晒都成幾千人！
不過，得就梗係頂瓜瓜啦，因為話晒都成幾千人。
當然，面試仲要講眼緣同運氣啦。

carolmum

回復 Parisienne 的帖子

Agreed!!!!其實吾係間間學校面試時, 只係睇表現咁簡單架!有太多因素考慮了~

魚兒小寶貝

大人有咁既諗法, 唔代表會在小朋友面前表現出黎...我地咁大個人, 做事好多時都係"心中有數", "心中有數"唔可以代表認輸吧! 而且有陣時, 唔係對佢有冇信心, 只係太清楚佢既性格及能力去到邊...但我唔會用"陪跑"呢個詞, 因為好似完全冇希望咁, 帶得小朋友去參加小學面試, 總會抱著一絲希望吧!

我覺得, 小朋友本身未咁快知或feel到咩叫"壓力", 點解你會覺得去面試係去比人嚇及比壓力佢呢? 除非大人比佢架啫, 我會比佢覺得面試係好似玩攤位咁囉! 小朋友玩既時候都好投入及認真架.

其實我反而覺得若果響佢面前表現得對佢充滿信心, 可能唔係咁好..."入到固然開心，入唔到咪技不如人囉，心安理得" 只係大人啫, 一個五歲既小朋友又點會識咁諗!
  
我都明白你既好意既, 大家good luck!

Ah4

有信心未必會贏, 冇信心就一定會輸!!! Think Positive!!! 各位加油!!!