懷疑呀仔情緒出現問題，精神科醫生介紹

liontiger

我個仔升左中一後，好似變到另一個人咁，當左我好似仇人咁，激到我有口難言。佢性情上亦有很大的變化，我近日仲發覺我個仔神情越黎越古怪, 驚佢情緒出現問題，想帶佢睇醫生, 係咪要睇精神科，定係心理醫生傾左先? 我心情好矛盾，請指教!  

Meikin

咁嚴重?!!  既然你話佢當你好仇人, 你茂茂然帶佢去看醫生, 佢未必肯, 即使肯也未必合作.

有沒有同佢傾下, 了解是否學校/朋輩/其他發生了甚麼事?  有可能是壓力大引致抑鬱喎!  留意下佢的行為/身邊的東西, 會否受人影響試咗毒品呀?

如果同佢傾完+你觀察完都找不出蛛絲馬跡, 都要想辦法盡快tum佢去看醫生.

安格斯媽媽

學校方面怎樣？有無其他朋友長輩幫忙了解發生甚麼事或向社工求助

Yanamami

請問他小學時跟你的關係好嗎？家裏沒有一個跟他談得來的人？在校跟同學相處如何？老師有甚麼評語？

黃巴士

如經濟許可, 去睇私家精神科, 依果年代, 好似睇感冒咁, 去睇精神科都好平常.
早些睇吓咩事, 有時是情緒波動而至.  及早看看, 有些青少年看一兩次食左藥便OK的.

vincher

我觉得吾係！冇理由小学冇问题，中学失常！升上中学的小朋友正值反叛期，我家大少也如此，经常黑脸！听聞等到17歲，有轉机！
不过，你話神情古怪，就要小心D！有否识左損友？有否。。。。。。

lingli

其實升中對於小朋友來說, 是一個大轉變, 他要適應一個新環境, 新老師新同學, 要應付更多更深的科目, 真係吾容易, 而且, 青春期的變化, 加上壓力的話, 可能會令情緒出現問題, 處理不好的話, 後果可以好嚴重, 真的不容忽視.

建議可向學校/同學了解小朋友在校時的情況, 學校或有社工/輔導幫忙.  情緒/精神方面的問題, 最好請教專家.

liontiger

多謝各位的意見，回所有的家長。呀仔唔肯同我講學校d 野，就連同學的事都唔肯同我講，佢叫我唔好問。佢好容易發脾氣，所以我唔識佢d 同學的。佢唔肯將心事講出黎，想同佢傾下，佢一句就拒絕，無晒辦法。佢同daddy都有兩句，但都唔係好肯講學校野。最近佢好無記性，我都層經懷疑過佢係唔係試過毒品，所以有神情古怪，所以諗住帶佢去看醫生。
我唔敢問學校班主任，驚呀仔知道左我同學校班主任講關於佢d 野，佢會對我有更大的誤會，發更大的脾氣。我知我咁諗可能係錯，不過我真係好驚最後的後果。
我都知佢要適應f1生活，而對於佢黎講係有壓力，因為見佢都讀得好辛苦，我先覺得佢情緒出現問題。佢的能度咪越黎越差囉，六年級的時候無咁差的。佢又對

liontiger

續! 佢又對游水反感，話我迫佢操水。唉! 我都要去看精神科了。

liontiger

請問有無精神科醫生或心理醫生介紹?

AC117

liontiger 發表於 13-7-5 16:50
多謝各位的意見，回所有的家長。呀仔唔肯同我講學校d 野，就連同學的事都唔肯同我講，佢叫我唔好問。佢好容 ...

之前有無家長會，老師有無反應他在校情況，有部份情況跟我仔相似但現在都解決了,都是向老師求助再轉介學校社工，連教處心理學家也有安排，事件發生在升中初期，其實老師都有發現他情緒問題，剛開學已打電話給我，他每天投訴同學打佢，攪他，其實他學校是一間校風不錯的B1校我都唔相信會這樣，家校合作不到三個月已正常，社工老師都幫了很多，已經融入學校生活成績因沒有受情緒影響而有進步，仲話曳的同學全部變乖。
但單看你仔不願操水你的反應也很大，你們關係都有問題，要大家心平氣和解決，有事發生要盡快想辦法解決，不要比情況再惡化

Ceci333

http://programme.rthk.hk/rthk/tv ... 21093&m=episode

Meikin

佢唔肯講學校d野都沒有辦法, 你越問佢, 佢越覺得你spying on him, 我阿仔都係越問越唔講; 所以有時佢想講就講, 我只做聽眾, 盡量不發問.

建議你同班主任談談, (可以請班主任保密, 唔好話俾你囝知) 嘗試從班主任或其他同學口中了解你囝在學的情況是否也有異, 是否在學校或朋輩間發生了不愉快的事等.

Meikin

剛才觀看Ceci333 post上來那條壓力不倒翁的link, 其中最近期(7月3日)的一輯提到, 我們應該發展多元化人生價值, 那即使其中一方面失敗了, 也有其他方面支撐住.  所以若孩子一直把其人生的價值與讀書成績畫上等號, 那升中後, 其成績與小學的落差對佢來說是很大的打擊.

VKwan

未必精神問題，可能只是學業有壓力，同人相處又唔如意,又或是甚至誤交損友~如果佢學校都OK,不如先見下老師評估下先啦,綜合老師意見至少你會感覺到情況是否已到達危急關頭,再跟老公商量對策。

黃巴士

個人覺得由專業人士斷定較好，好過自己胡亂猜測'

elhihihi

大家放遠眼光評論這件事，小朋友有此種態度上的轉變是人生過程中必然會經歷，分別只是在初中時期對父/母、抑或將來對朋友、配偶發生？

小朋友已經進入另一個成長階段，要放手、放心、對他/她要有信心，否則雙方只會越來越不信任對方。
除非肯定小朋友學壞了(是真的學壞，例如跟了社團！)，否則不應該盲目猜想他有行為偏差，更不應該唔同你講學校生活就捉佢睇精神科。點可以同囝囝減少溝通就懷疑佢精神/心理/情緒有問題？
同埋點解妳認定囝囝情緒/精神有問題？是否有病徵例如重覆的動作、自言自語或嚴重至有幻聽嗎？

舉個例，如果警察查妳身份証，問到些妳唔想答的問題(心諗關阿sir鬼事)，妳唔答唔通阿sir要捉妳睇精神科？
妳唔信任個政府，妳有能力的話，妳可以搞革命，拖垮佢，但係妳個囝，妳真係要咁做，要摧毀同阿囝的關係？

明白妳緊張小朋友，但必須要尊重佢，佢並非妳的寵物，寵物都有情緒，何況係人，如果妳再施加壓力，妳同阿囝距離只會越來越遠。其實中學生已經開始有佢地的朋友、有佢地的溝通模式，只要從旁觀察，唔跌死就任他自己行，始終人生路應該係佢自己修築出來，唔好因為自己(家長)的祈望、強迫子/女去接受自己的安排。

抱歉講句，如果妳咁緊張，又唔識處理，妳應該尋求社工/心理醫生協助，解開妳心中結，否則胡思亂想下，可能會發展出抑鬱/情緒病、甚或會傷害妳囝囝(無論心理或肉體上的傷害)，到時個結果係永遠都唔能夠返轉頭！