終要面對小一入學申請，有感而發

erniec

我係一個好懶散既媽媽，一直都無為阿囝報讀小一而作任何預備，直至最近聽到身邊朋友開始有動作，所以呢排多左上黎BK睇下posts,我好佩服一d好勤力既mama,由小朋友一出生開始就plan，由住既地方，playgroup, 幼稚園，interest classes, 各類型既比賽，看看自己，我都有俾阿囝學一d interest classes,全部都係佢話ok我先俾佢去學，我從來都係由佢上堂enjoy就得，總之有exercise要做都係佢自願去做，做完我就俾佢玩，無期望佢要achieve d 咩，每次問老師佢上堂ok嗎，聽到老師話佢都投入開心，我就心滿意足。

我都係一個正常既媽媽，都好希望可以搵間環境好一點，老師有愛心既學校俾阿囝讀，咁我都會去嘗試一d好多人話有口碑既學校，但我會盡量因應阿囝既性格特質去選，唔會大包圍，因對我同對阿囝都會有好大壓力，最重要我會平常心，每間學校年年收幾千份申請，佢地閱人無數，我相信d老c同校長一定睇得出小朋友咩係發自內心，如阿囝真無被選中，咁都係因為佢就係佢，同校長老師既expectation有距離，fine,勉強無幸福，迫唔黎，試左唔得都要接受。可能阿囝自小性格比較強，唔係果種好聽教聽話既人，你要用道理講服佢，所以係迫都迫唔黎，試過in KG時未坐定過，真係好大挫敗感。

我好唔認同唔俾小朋友去學interest classes,唔去幫佢地攞好多比賽經驗獎牌就表示個父母無注重小朋友既學習，等同於無努力，最偉大既媽媽係一個懂得真正去愛同關心囝囡既人，唔係用獎牌去judge,試問邊個小朋友會明白咩叫入名校有前途，第日條路就會好行d呢d道理，呢d諗法全部都係出自大人，小朋友真正需要既係愛，正面思想，識得跌低爬番起身，呢d就係要靠係父母身上學到，遠比學到特異功能，攞幾多個獎更重要。我自己唔係名校出身，以前父母搵食最緊要，考學校一定近屋企排第一，父母讀書很少，自少要靠自己，明白讀到既係自己，所以會對自己有要求，呢一種態度對我日後既成長even到大個左出黎工作都好重要。現今父母為子女安排好多好多既野，d小朋友唔會有種ownership既感覺，佢地只會覺得係同父母交代，一脫離父母就好似唔識行無目標，呢樣係好可怕。我地呢一代既爸爸媽媽最難學識放手，因怕囝囡條路難行，我自己都做唔到完全freehand,我都在學習中，我只係有感而發，每個媽媽都對子女付出很多，要相信自己，唔好為小一選校而沒殺自己既努力，升讀小學只不過人生中其中一小環節，始終用心去愛小朋友先係最最重要!

Pekkle_bon

LOVELY-BABE

原帖由 erniec 於 13-04-15 發表
我係一個好懶散既媽媽，一直都無為阿囝報讀小一而作任何預備，直至最近聽到身邊朋友開始有動作，所以呢排多 ...

與你諗法接近，但大可惜大勢所趨，知易行難！

魅影

非常認同妳的想法，5歲小孩除了那些天才外，其餘的哪有甚麼特異功能？，有的証書大家都心知是由金錢與時間堆砌出來，但香港的畸形教育制度下，很多時父母是身不由己的!
我其實覺得小學學到的知識對日後人生並不重要，但學到的待人接物，處世態度則影響深遠，多人競爭的學校，學術甚麼的不說，但學生的共通點是有對非常關心他們的父，不持勞苦為他們撲學校！在這樣的父母眼皮下學壞也是不太容易！
在我眼中，選小學除看該校學生的行為，也留意他們的父母，見一些邨校多跨境學童
，他們多是一些經濟環境不俗，但是被竉壞的小惡霸，再不然是一些家景環境複雜，沒人理會的野孩子，這情形下妳的小朋友埋堆會跟著學壞，不埋堆被排斥！哪個關心父母的想見到這樣情景！
申報利益，我也是兒子4歲前未上任何興趣班、亦沒有任何獎項，但現在也為了他要找小學而頭痛的家長！

JL3

原帖由 LOVELY-BABE 於 13-04-15 發表
與你諗法接近，但大可惜大勢所趨，知易行難！

知易行難！

h2013

其實我個小朋友無學乜野，又冇獎，父母又唔係專業人士，但都有名校offer,面試表現ok就可以了。唔洗理其他人，同埋冇得比較。你永遠唔知學校想要乜！加油

四隻貓

LOVELY-BABE 發表於 13-4-15 16:27
與你諗法接近，但大可惜大勢所趨，知易行難！

我之前都同樓主一樣想法...但經考小學一役, 深感無奈.
我心儀既小學係一間主張活動教學, 愉快學習既學校, 但上年有3000人爭取168個學位.
我當時真係無信心只靠小朋友既純真內心可以係3000人中突圍, 所以都有同女女出去學野同比賽.
大勢所趨....形勢比人強.

大家努力.

hoihoima

回復 erniec 的帖子

It is not compulsory to get all the preparation for P.1 interview.  We do have other choice - central allocation.

Jane1983

目標是自行和抽獎，確係吾需要。

crazymum

原帖由 hoihoima 於 13-04-15 發表
回復 erniec 的帖子

It is not compulsory to get all the preparation for P.1 interview.  We do have o ...

But it is uncontrollable, too risky!

魚王

如你很想小朋友讀直資或私小，若不大包圍，你好大機會會後悔。

anlywan

原帖由 erniec 於 13-04-15 發表
我係一個好懶散既媽媽，一直都無為阿囝報讀小一而作任何預備，直至最近聽到身邊朋友開始有動作，所以呢排多 ...

我同你一樣！我都有心理準備我仔未必够百般舞藝小孩爭！但心儀也會去嘗試！唔得就派位！

魚王

原帖由 anlywan 於 13-04-15 發表
我同你一樣！我都有心理準備我仔未必够百般舞藝小孩爭！但心儀也會去嘗試！唔得就派位！



  ...

不想大包圍，他最好除了非常心儀的學校，也報一兩間次心儀的二線學校，除非你派位有25分，否則大抽獎會令你意想不到！肺苦之言。

PP媽媽

個人認為香港的教育制度.....其實不讀也罷,因本人都算是教育界.只因沒有條件移民,也沒有條件入國際學校,只能讀一般官津. 唯有叫自己盡量不要被這個教育制度弄得太瘋狂,因我深信學習的動機來自小朋友的好奇心,現在學到多少不重要,重要的是培養良好的學習動機. 只要一個人想學,不眠不休也會自動學,但現在的大勢所趨是剛好相反,強迫小朋友學,完全失去內在動機.

extra369

gisoleung

我覺得樓主不懶散，起碼你都會幫仔考小學！講真抽奬這遊戲真係估計不到！考多間啦！

teambuilder

生仔唔知仔心肝, 其實大家都係估估下.

LeeCC

gisoleung 發表於 13-4-16 01:24
我覺得樓主不懶散，起碼你都會幫仔考小學！講真抽奬這遊戲真係估計不到！考多間啦！



  ...

其實考晤考小學晤係懶晤懶的問題，好似我咁自問冇經濟能力供私小，直資，等大抽獎的家長都好無奈的等運到

我身邊啲朋友啲仔女同我個仔一樣K2嘅數埋有8個，各人準備不同:

有人買定債券俾小朋友入國際學校，
有人BB6個月大就開始谷3種語言，琴棋書畫，動靜18般武藝，k2已經識3位加減數，開始學緊第4種語言，第2種樂器！每月花費喺學嘢＄2萬
有人搬屋，入名幼，同千方百計入教會小朋友洗埋禮，每年向教會貢獻，但其實父母拜神拜到滿天神佛！
有人每日小朋友學校功課外，要再做埋公文，enopi，各式各樣的操練1個幾鐘
有人要個仔3歲開始每日練水
有人每逢長假期去外國交流或旅遊，4歲幾已經去晒亞，歐，美，澳，非洲，話俾個小朋友開下眼界

等等

她們知道我個仔只係讀學券幼稚園，英文交談只係識答單字，學校未教普通話，未識加減數，未離開過香港，未坐過飛機，晤知咩係默書考試，晤玩ipad，冇參加任何比賽，反應不離:
背後講，乜她好窮咩？
扼殺阿仔的機會，第日會後悔
背後講，乜她個仔好蠢嘅咩？教晤識？定她晤識教？
等等，幾難聽都有

但有老師朋友看到我小朋友的優點，話阿仔係咁多個小朋友當中唯一肯陪媽咪坐定，晤四圍走，晤玩ipad，靜靜地聽大人講嘢，大人問會答，同小朋友時晤爭玩具，玩完玩具自己執好，係街時拖媽媽，不會自己横衝直撞，她說俾係校長會揀阿仔，我希望她係真心，晤係安慰我啦