交學費vs免費..

Mummy

Dear 各位 07年要為仔女煩小一既家長,

其實我唔算太煩... 我個仔而家讀緊蘇淅K3, 小學問題其實一早解決左, 因為留位費已經交左, 姐係我個仔大不了就留番o係蘇淅小學咁簡單。 事關呢間亦係全港唯一一間用普通話/英文教學既一間學校, 即係任何科都係普通話, 英文就英文果隻。而我老公係極之重視普通話的人, 佢覺得冇一間學校可以比到呢個環境, 所以想留低咁解。

但係, 我諗諗下, 我有兩個小朋友, 大仔細女, 兩個既學費讀全日班都幾金下, 學費連埋校車都要大約$3400/月, 兩個的話就要大約 $6700/月。 雖然佢有半日 (約$1800/月), 但半日就會時間超緊逼, 好似滾水6腳就要放學, 學外活動都要短周返埋, 姐係周周長。

有人建議就係讀津校的話, 呢$6700學乜都得啦!
又有人建議話讀私校始終質素好d, 包括學校請d老師都多d等等。

雖然呢6700唔係話比唔起 (並非大口氣), 但而家遞紙唔係, 唔遷紙又唔係... 遷紙真係收左你, 去又唔係唔去又玩野。 唔遞紙又好似放棄左一個全世界人會做既野而你竟然唔做既一個機會。  好煩ar!  :-x

誇區既鬼唔知華仁小學咩, 又係津校, 但只得男生, 咁個女點?  況且得果5分, 除非中六合彩啦!

唔誇區既東區, 真係睇黎睇去唔知去邊, 唔知有冇家長好似我而家咁15/16, 唔抽唔舒服, 抽左唔知去好唔去好?

Sindy

我大女都無抽架,但無人話我知有多五分喎.....

Charlotte_mom 寫道:
負擔得起, 可以有多d選擇, 既然你都"除卻巫山不是雲", 咪唔好抽lor (好似如果大仔唔抽, 第二時細女可以"立"埋大仔果5分!!!)   

lam322

梗係無啦,已經講明首名子女,第二名仲點可以"立"埋大仔果5分呢???你放棄咗就無架喇~~

Charlotte_mom 寫道:
負擔得起, 可以有多d選擇, 既然你都"除卻巫山不是雲", 咪唔好抽lor (好似如果大仔唔抽, 第二時細女可以"立"埋大仔果5分!!!)  

sudoku

How much per family earned = 負擔得起    

SK1

光是學費都已經HK6700.咁妳有沒冇想過佢地重要學乜學物.條數重難計.如果可以梗係入好既津校.慳返既學費比佢學乜都得啦.

010

既然負担得起，何必在意$6700及其他開支呢！
人係咁：當有得選擇時，點選都會後悔，
不如改為咁諗：選一間自己認為對小朋友好的學校，因為起碼已經覺得值得先嘛！  

longfung

其實現在很多名牌官津都以普通話教中文, 英文又強, 若果單為普通話而要兩個小朋友都讀私校支付學費, 其實自己請個普通話老師再教都還要化算.
我囝囝都有在私校留位, 但亦不放棄統一派位, 因為很多官津學校亦都是一流, 既然有back up當然跨網出去博一博, 給自己一個慳錢的機會. 慳到錢其實很好用.
我囝囝一個月學費連校車$3600+興趣班級$3000, 雖然是負擔得起, 但有時想起每個月可以慳到$3000, 等於個個月都可以買個名牌手袋, 都會很開心!!!
    

Mummy

琴晚同老公又係傾呢個問題, 我老公既結論都係比佢地留低, 佢話到時升中都係大可能去番津校, 同埋佢話可能睇化左, 雖然兩個化骨龍每個月要使$6700學費, 每年十個月交, 當佢學費唔加, x番6年小學咁計, Total 要40萬有多。

佢話一黎唔想去一間自己唔係最喜歡既小學, 二黎而家學校既普通話只有中文科, 以佢要求基本上係唔足夠。  三黎, 以往d投資都蝕左唔止呢個數目, 蝕都可以蝕左去, 佢寧願將呢幾十萬比兩條化骨龍讀書喎, 最攪野係.. 買架靚d既車都要咁既價錢喎! <---    所以佢話值得, 我老闆都話OK, 我做 "細" 既, 都冇理由反對吧!

cheungbb

我仔仔上年都只是交留位費, 沒有入表比政府, 因我老公話無謂咁多心...