有無人有屯門70區內之心水學校提供

cmsm

請問有無屯門區71or70區內之推薦小學
本人之小朋友張會在明年需填寫小一入學申請, 但本人是在職人士, 所以沒有同區內之師奶門混熟, 所以對屯門區內之小學一無所知, 而就我住之區域是填70區內學校, 其實我都有以下之心水, 但唔知道好唔好, 請各位俾d意見及推薦啦!

71區
1/ 青山天主教小學
2/ 興德學校 (因新校舍, 好大, 好靚)
3/ 聖公會蒙恩小學 (問:係唔係會張會搬? 會搬去邊?)
4/ 順德聯誼會胡少渠紀念小學
5/ 東華三院鄧肇堅小學
6/ 仁濟醫院何式南小學
7/ 鄭任安千禧小學(但我覺得好遠!)

70區
1/ 佛教劉天生學校
2/ 香港紅萬字會屯門萬慈小學
3/ 柏立基教育學院校友會何壽基學校
4/ 台山商會學校
5/ 屯門官立小學
6/ 仁濟醫院羅陳楚思小學
7/ 保良局方王錦全小學
8/ 中華基督教會何福堂小學

其實我個小朋友係比較識合一d開放式教育, 傳統個種就唔係好啱:tongue: , 佢成日就圍走無時停, 學野都好快上手, 但做功課就唔係太有耐性, 比較情緒化個種人!
而我就考慮個間小學多唔多新移民及其他國藉人士? 可唔可以直升上中學? 唔使再揾? 校風好唔好? d學生乖唔乖? 會唔會成日都留連係街?
同埋好似話遲d屯門會有一間類似國際學校既小學要交學費個種? 你地有無聽過呢?
私校我都有考慮過, 但基於要每個月又要再交學費, 好似好辛苦!

麻煩各位俾d意見啦! 心水學校或現有子女就讀緊既學校資料及校風.......等, 最好係俾d 70區, 因我要填70區呀!
我真係諗到頭都大啦!     

bestwish

cmsm,

我都係呀, 我都好想知70情況!!!

我都諗到頭都大!  

          

健朗媽咪

cmsm:

其實第一輸可以跨區選校, 所以唔一定要揀返70區

至於你的70區心水

1..佛教劉天生-有一條龍直升佛教沈香林中學, 不過06-07年度只係收到一班, 有殺校危機

2..萬慈--又係今年收得一班

3..何壽基--都係一班小學, 不過呢間我有去過參選, 整體都幾好,會好照顧d成績較差的學生(好似仲有免費補習同課外活動), 同埋佢係全港四間資源小學的其中一間, 去到覺得呢間學校d設備都幾充足同新淨

4..台山--呢間唔清楚, 不過覺得佢校舍好舊同好細,但係咁都收到兩班, 所以應該都唔會太差

5..屯官--都幾好, 有三間聯繫英中, 混合班(無分精英班), 活動幾多(上年仲有雲南遊學),校風幾好,我自己的心水其中之一,不過校舍都係殘舊咗d,同埋間學校好似唔休無學生咁, 無乜做推廣,略為高竇咗少少

6..仁濟--呢間係碼頭成績好好,小班教學,聯繫中學係仁濟二中

7..方王..呢間我唔係咁鍾意, 因為之前返過佢地攪的課外活動班, 覺得佢地安排好混亂, 良景又環境複雜, d人又無公德心, 我上次企埋一邊等仔放學, 差d比舊電芯掟中

8..何福堂--呢間我上星期去參觀過, 校舍真係無得頂, 又新又大又靚, 設備又齊全,小班教學,非常吸引, 又近我屋企, 不過校風唔多好,學生唔乖, 所以唔考慮


其實70區仲有青松, 梁周,五邑都好好, 你可以諗下, 不過要快d決定, 仲有一個星期要交表

bestwish

健朗媽咪,

hi 又係我呀.

我住新屯中.

1) 屯官我覺得遠
2) 何福堂係好近, 但校風唔好
3) 陳楚, 又有 mami 話英交程度比較差
4) 五邑我又唔知佢係咪小班活動教學, 多唔多測驗考試 ?
    你知道嗎 ??
5) 新校兆霖, 新教學模式幾好, 好似保圓, 但唔係外籍老師教, 又係教會學校. 唔鐘意.

健朗媽咪, 總括你覺得陳楚好定係五邑好d呢. 我想都係二選一low.

cmsm

健朗媽咪:
真係Thank you哂!
我出年先填表, 都仲可以慢慢諗!
我都知可以跨區選校, 但就好似只可以填3間!
1/ 咩叫做資源小學?
2/ 我以前都係屯官, 俾我感覺好差, 成績唔好d學生唔會有特別教學, d學生又壞, 我細個時都成日俾d同學仔蝦
3/ 你有無可以推薦既學校俾我?
4/ 蒙恩係唔係會搬? 何時? 係邊?
5/ 你覺得千禧小學點? 我都幾鍾意, 不過就遠d!

健朗媽咪

cmsm

首輪自行分配學位, 淨係可以揀一間,

1)..資源小學係比其他小學的老師去參觀探訪, 睇佢地做示範教學
2)..我以前都係屯官, 但係無你的情況, 可能界界唔同, 我小一至小三成績都好差, 要分開輔導(但未到加強輔導),到咗四年班就開始後來追上(一追十幾廿名,d老師成日都鼓勵我), d成績勁差的同學仲有放學後輔導(當時返半日),同埋我又唔覺得d同學好壞, 起碼唔會成日講粗口, 同駁老師咀, 會唔會你太林善, 所以成日比人蝦


3)我都無乜推薦比你, 因為你都要考慮返你小朋友的能力,性格.... 仲有成年時間, 你慢慢去參觀下d學校, 再決定. 我自己就諗住梁周下(已經有所行動tim),鍾意佢遲會搬新校舍同小班, 但係我c6就鍾意屯官,話讀得無咁辛苦(功課少d),無咁谷,佢唔想亞仔咁大壓力,同埋如果我62 99幫我接放學會方便d, 所以我而家都好煩,同c6爭持不下,我都自身難保, 超煩  

cmsm 寫道:
健朗媽咪:
真係Thank you哂!
我出年先填表, 都仲可以慢慢諗!
我都知可以跨區選校, 但就好似只可以填3間!
1/ 咩叫做資源小學?
2/ 我以前都係屯官, 俾我感覺好差, 成績唔好d學生唔會有特別教學, d學生又壞, 我細個時都成日俾d同學仔蝦
3/ 你有無可以推薦既學校俾我?
4/ 蒙恩係唔係會搬? 何時? 係邊?
5/ 你覺得千禧小學點? 我都幾鍾意, 不過就遠d!

健朗媽咪

bestwish 寫道:
健朗媽咪,

hi 又係我呀.

我住新屯中.

1) 屯官我覺得遠
2) 何福堂係好近, 但校風唔好
3) 陳楚, 又有 mami 話英交程度比較差
4) 五邑我又唔知佢係咪小班活動教學, 多唔多測驗考試 ?
    你知道嗎 ??
5) 新校兆霖, 新教學模式幾好, 好似保圓, 但唔係外籍老師教, 又係教會學校. 唔鐘意.

健朗媽咪, 總括你覺得陳楚好定係五邑好d呢. 我想都係二選一low.

bestwish

我都好煩, 我申請表就已經填咗梁下, 但c6唔like, 佢呢兩日都黑面, 但係如果返屯官又好早上校車, 同埋我亞仔都幾定同做功課都幾專心&快, 所以其實兩間是但一間都ok,兩間都各有各好,兩間我都有信心可以第一輪就入到, 唔知點算, 煩到爆,叫c6睇下d簡介佢又唔肯, 比佢激死

如果陳楚同五邑二選一的話, 我會選五邑, 呢兩間都各有各好, 好難話邊間好d, 其實你傾向揀邊間多d   

kenny^^

我也是最近搬入屯門, 70區有邊間小學比較好       

cmsm

健朗媽咪

1/ 咁資源小學係唔係會好d?
2/ 參觀下d學校? 有咩途經可以俾我去參觀呀? 我要返工喎!唔知可唔可以就度d時間去?

健朗媽咪

CMSM

資源小學係唔係會好d, 我都答你唔到,因為我都唔知, 不過教局會再有額外撥款比佢地做課程發展(因為仲要比其他教育人仕參觀)

至於參觀學校, 你小朋友就讀的幼稚園會安排, 或各小學的開放日,你自己去, 有時會係星期六/日, 其實幼稚園不時都會派d小學的簡章比你,你亦可到民政署或上網睇小學概覽, 你可以參考下入面d資料

今個星期六/日,梁周下會有簡介會, 你可以上佢地網頁報名

cmsm

健朗媽咪

Thank you very much!
我都有去小學概覽睇過啦!
幼稚園方面唔知會唔會要等到下半年度先有呢?
平時係唔係都要上各學校既網頁留意, 咁味好唔得閒囉!

健朗媽咪

cmsm 寫道:
健朗媽咪

Thank you very much!
我都有去小學概覽睇過啦!
幼稚園方面唔知會唔會要等到下半年度先有呢?
平時係唔係都要上各學校既網頁留意, 咁味好唔得閒囉!

我亞仔間幼稚園K2一開學都已經開始有派下D小學的簡章, 參觀小學的通告....., 不過你唔駛咁心急, 去到K2下學期會開始多參觀小學呢D活動,到時先慢慢諗

jojowu

今日參觀了蒙恩小學，感覺學習氣氛很好，注重英語，是有經驗和聽取家長意見的學校，我對於半日及全日制都無意見，而它原校擴建就更好，我很喜歡它的校址。 唯一令我担心的是升中派位事，它沒有联系中學在屯門，而且今年派Band 1中學百份比是4X%，Band 1 + Band 2是8X%.......頭都痛，請問大家有無蒙恩升中派位資料呢？例如多數学生派了哪間 Band 1中學等

cmsm

蒙恩小學轉全日制時唔係話要搬咩?
依家原校擴建算了?
聖公會蒙恩小學同聖公會呂明才中學有無聯繫?
我都幾喜歡聖公會呂明才中學覺得佢好多源化!

花花

健朗媽咪或其他媽咪 :

大家對plk志豪小學有何意見? 本想填仁濟羅陳, 但發現我區冇校車到, 同囡囡參觀志豪後好鐘意.  但怕功課太深, 所以好煩.

健朗媽咪

花花 寫道:
健朗媽咪或其他媽咪 :

大家對plk志豪小學有何意見? 本想填仁濟羅陳, 但發現我區冇校車到, 同囡囡參觀志豪後好鐘意.  但怕功課太深, 所以好煩.

花花:

你住邊架, 點解會無校車到, 或者你可以搵下有冇保母車

健朗媽咪

cmsm 寫道:
蒙恩小學轉全日制時唔係話要搬咩?
依家原校擴建算了?
聖公會蒙恩小學同聖公會呂明才中學有無聯繫?
我都幾喜歡聖公會呂明才中學覺得佢好多源化!

cmsm:
蒙恩同呂明才雖然都係聖公會學校, 不過無聯繋的關係

ywm1016

花花 寫道:
健朗媽咪或其他媽咪 :

大家對plk志豪小學有何意見? 本想填仁濟羅陳, 但發現我區冇校車到, 同囡囡參觀志豪後好鐘意.  但怕功課太深, 所以好煩.

我聽一些家長講，校舍大及傳統式教學,學校資源很多,都是一個好選擇

70區
1.莊啟程第二
2.山景村-xx佛教小學
3.五邑

ywm1016

健朗媽咪 寫道:
[quote]
cmsm 寫道:
蒙恩小學轉全日制時唔係話要搬咩?
依家原校擴建算了?
聖公會蒙恩小學同聖公會呂明才中學有無聯繫?
我都幾喜歡聖公會呂明才中學覺得佢好多源化!

蒙恩小學過兩年轉全日制,會在原校擴建,是活動式教學,1-3年級活動式,4-6年級傳統式


cmsm:
蒙恩同呂明才雖然都係聖公會學校, 不過無聯繋的關係[/quote]

yingyingbb

放心啦！我覺得ok。只要跟足做，應該冇問題。起碼至現在我個女都跟得到！

大家對plk志豪小學有何意見? 本想填仁濟羅陳, 但發現我區冇校車到, 同囡囡參觀志豪後好鐘意. 但怕功課太深, 所以好煩.