睇到你地既POST,我已感受到壓力

klm402

我有對仔女,家住大圍,大女4歲半K1,細仔歲半細仔,女女今年9月K2既下學期就著手要考私小直資,睇見你地講大抽獎既情況,我已感受到壓力.
點解香港教育制度搞到我地咁辛苦
希望有好OFFER既小朋友好好努力,未有好OFFER既小朋友都繼續努力,GOOD LUCK TO U ALL

PandaElmo

我都係咁話! 我個女今年9月先讀k1,但我已经经常入黎小學呢边睇

點算好

話分兩頭，如果大兜亂，冇私校／直資，齋抽，到時梗有乜太／乜生講點解佢小朋友才高八斗，隔壁屋阿鼻涕虫派得好過佢小朋友．

griffinma

我仔仔都係K1但真係愈睇愈驚，出年九月要玩呢個遊戲，真係好擔心

klm402

我都努力說服自己要小心處理呢種壓力, 希望唔好轉介到去女女身上. 但要做到處之泰然又真係好難.
有私小直資做backup, 抽獎當bonus, 但如果咩backup都冇, 抽獎後玩扣門就真係

Whitepine

今時今日，在香港做父母真係為子女升學的問題好勞心勞力!!

klm402

Whitepine 發表於 13-6-3 14:10
今時今日，在香港做父母真係為子女升學的問題好勞心勞力!!

係呀..真係....考幼稚園已玩一大輪了...跟住又到小學....哎.....真好可怕.

klm402

Charlotte_mom 發表於 13-6-3 14:19
你呢個時候入黎睇, 當然大壓力啦
平時陪多d小朋友睇書, 做下社會服務, 砌圖玩迷宮講故仔, 一般考小 ...

多謝你既提醒....你好在行咁wor...小朋友都係今年小一嗎.

Whitepine

klm402 發表於 13-6-3 14:28
多謝你既提醒....你好在行咁wor...小朋友都係今年小一嗎.

Charlotte_mom 是版主...當然是"expert" 啦!!!

klm402

Whitepine 發表於 13-6-3 14:30
Charlotte_mom 是版主...當然是"expert" 啦!!!

哈哈...真係唔好意思...失覺哂....
其實我依家對考私小直資中央派位等都仲係一頭霧水. 真係多多指教.

klm402

Charlotte_mom 發表於 13-6-3 15:04
一就係一, 我個女中一喇

嘩.....真開心呀....原來已中一啦.....相信你都為左女女升學流左不少既汗馬功勞呢.

cowboy2007

原帖由 Whitepine 於 13-06-03 發表
Charlotte_mom 是版主...當然是"expert" 啦!!!

做呢版嘅版主梗喺堅啦！
還有佢真喺好好人㗎

cowkingb

睇定都啱, 攞多 D 資料, 做好準備.  

講真我到而家都重覺得好似發緊夢咁...

今次經驗話我知, 好多嘢急都急唔來.  真的自己能力有限, 點做都係要睇小朋友臨場表現同學校當年既收生方向...

kerkermui

只要做多d功夫，唔好自殺式填表，基本上唔會太多意外！
i.e. 唔好張d大熱順住排

Whitepine

在EK，我見到好多家長因為填寫不正確而出事，所以真係唔好信其他人的"壞"指示，填D唔填D，或第一，二，三都填同一間以為大機會D!!! 害死人!!!

kerkermui

應該唔會有人頭3志願填同一間掛
我只填甲一乙一，收表位工作人員都提醒我喇！