剛入小一的小朋友,家長有沒有壓力?

ada29

各位好,我小朋友剛入小一,但就好大壓力,
每天平均有6份功課,佢係導修堂都做唔到一份,
仲要做中文同英文每日一篇,根本冇時間溫習,
又要閱讀圖書,自己要放工先可以教佢,
晚晚要睇住個鐘做人,9:30就要比佢瞓,
明早6:45要起床上學,現在每日都辛苦到死

YUNG媽

我都係呀. 我覺得星期一至日都無晒時間.  剛剛適應上小一的情況, 話咁快已經要應付測驗, 日日收工吃完晚飯立即要幫個囝對功課, 收拾書包, 溫默書.  我發覺我重忙個個工人, 重夜過工人先有得瞓.  囝囝瞓左先可以做番自己的事.  好倦, 好倦.

mic823

我覺得家長的壓力不比仔仔的小,又要叫佢哋快啲,又要記住幾時默書,記時評估,又要溫習,仲有要做家務!
個仔放學就係日日打仗的開始了!

Leolonglongma

唔知點解就o黎考試重要默書(英文生字又多, 中文仲要背默)攪到考試一D都未開始溫, 因為個仔9:00要瞓; 6:00起床, 都唔知點算.  好彩自己已經算捱得, 12:30瞓, 5:45起床, 不過就係因為咁, 朋友話我有了小朋友後, 衰老了10年有多!     

futoi

我都覺得很辛苦，無晒私人時間。要幫個仔對功課, 收拾書包, 溫書，仲有週記，每日一篇, 仲未計weekend D courses. 我D朋友見我這樣子，都話唔敢生ｂ。

請問你們的老公有無幫手，我覺得男人都似乎不太緊張。

mic823

自從,個媽媽攞刀仔傷個女後,佢會自然自覺掃地抺地.叫佢教仔就即係叫自己鬧多個仔.(因十條有起碼八條錯)所以個仔問佢,佢就話爸爸唔識,你問媽媽啦!

fling

唉, 呢個topic真係開得好, 我朝早才同同事"sun"完, 自己要返工, 返來就要立刻同阿仔做功課, 每日一篇都無時間做, 我都唔理啦, 放假就要同佢温默書, 阿仔中又唔得, 英又唔掂, 平時跟本無時間做自己野, 最慘係老工返夜, 無工人又養咗兩隻狗 (阿仔未出生時養的), 自己重要讀書, 有時返到屋企比阿仔激親, 真係想找人罵吓都無, 得四面牆!!　老婆，工人，阿媽，學生，飼主的角色都玩晒，咁好快玩性格分裂架啦

natnatma

我完全讚同你地所講嘅嘢，讀左小一之後，時間好唔夠用，唔好話親子溝通，其實教功課同温默書，唔傷感情都已經偷笑，又話唔好比咁大壓力Ｄ細路，學校唔比壓力我地，咁我地咪唔會有壓力比佢地囉。返公又唔可以準時放工，開完ot都攰到死，仲要教工課，c6唔幫都算啦，最惨仲成日問埋晒Ｄ無聊嘢, 唉！佢唔出聲其實都算幫左忙旣喇！    

toto200415c

我吾知係吾係太高要求，因為1st term D 野好多都在kindergarten 學過, so 我要求佢默書,測驗要攞到100分，亞仔暫時只有一次攞96分, 其他都有100分, 但當我見到96分時，嬲到震, 仲鬧得好勁, 仲有自己有好大挫敗感, 我知我咁樣對亞仔同自己都吾好, 耐何, 真係control 吾到自己   
自從亞仔升小一後, 我個人非常緊張, 想叫老公幫手教下亞仔D功或温下書, 等自己relax一陣, 但老公就懶懶閒, 仲話吾識咪吾識law, 大左就識架喇    結果，又係要自己出馬，唉!雖然我係家庭主婦，但仲忙過返工    又要做家務，揍返學放學, 教仔做功課，温習, 帶仔返課外活動............. 總之，由朝忙到晚, 我真係好想relax 下           

ContiYuen

可憐天下父母心!!!           

toto200415c, set 條線係一百分, 咪永無進步 (最多逹標), 只有退步?

Conti :wink:

Mrssslui

我老公都係咁講.
佢話要留D空間進步喎!
  

ContiYuen 寫道:
可憐天下父母心!!!           

toto200415c, set 條線係一百分, 咪永無進步 (最多逹標), 只有退步?

Conti :wink:

Chole

Totally agree!

放學後有時要學

loveman

有個case 媽媽好像toto200415的要求，最後媽媽失控用熱水盪傷兒子, 40% body hurt。

So always ask yourself, is it reasonable?

EDO

我的情况同你完全一樣, 哥哥 9:00 要瞓, 6:00 起床, 而我就１:30 瞓, 6:00 起床, 唯一的分別是哥哥讀 小三, 而妹妹今年讀小一, 雙重享受.

以前自問皮膚好好, 好多朋友羨慕, 但近年睇住由好變差, 好似老了很多, 但相信很難走出這個困局.      

Leolonglongma 寫道:
唔知點解就o黎考試重要默書(英文生字又多, 中文仲要背默)攪到考試一D都未開始溫, 因為個仔9:00要瞓; 6:00起床, 都唔知點算.  好彩自己已經算捱得, 12:30瞓, 5:45起床, 不過就係因為咁, 朋友話我有了小朋友後, 衰老了10年有多!     

mandy_lee

好有同感d時間好唔夠用,我日日都要OT 老公又唔理, 又唔幫手做家務,返屋企只是掛住打機 有時我覺得自己同做工人無分別, 工人還好每星期會有一日假放. 好慘. 幸好我不用煮飯,每日都去阿媽個度食飯.

Bellita媽咪

入小一係一家惡夢的開始, 測驗默書停不了, 在家忙也不了。囡囡有90分我已開心滿意, 有次assesement得79分, 見到即時piu煙, 見到一part20分全被扣, 更想死, 不是她不識, 而係不識解題目做錯晒, 真係抑壓唔到, 炳咗佢幾野, 其實她無錯的! 但是......  因為打後每次100分都拉唔返D分數.

真要重新學習EQ, 如果唔係d親子關係就凍過水.

ChiWaWa

放學後的時間簡直是不夠用, 所以亞囡做什麼我都催佢, 簡直是跟時間賽跑, 氣咳!!!!     

S.S.

咁我暫時都唔會因分數有唔開心喎...仔仔時時都講盡了力就可以了嗎,沒100分都可以O架,媽咪可?因我以前有對佢講過,佢就好似免死金牌咁...好似,對上有1個小測中文,總分20分,佢得13分,佢就話都叫合格喇...    但我地可以見到佢地係錯在d 好細微o既地方,我唔想迫佢呀,不過,有時教佢都會發哂老脾,試過推哂d 書落地呀     ,搞到佢喊得好利害,之後,覺得好後悔呀....同埋依家d 小朋友太辛苦囉, 返全日,日放學去補習做家課,佢地多數都會幫佢做埋dictations,所以返到屋企煮飯時段,就比佢玩一陣,食完就開始睇功課,寫得太差就要改過.根住就做中文,英文...每日一篇.講埋故事10:00-10:15....佢訓o左就起身搞埋d 碗,洗衣.第日6:00 起身囉...老公都算好好,因返工不定時,佢都好幫手做清潔的...真係大人細路都非人生活呀!