G6PD

wongbaba05

在填學校報名表時,是否需要申報小朋友是否有G6PD呢?
學校在挑選學生時,會否在潛意識上不太願意收G6PD的小朋友呢?學校緊係話唔會啦,但有沒有家長可以提供切身經驗,或者老師靜雞雞話比我聽呢?

請問有照顧開G6PD小朋友的家長,小朋友要多大年紀先會意識到自己有G6PD,並且識避忌有邊d食得邊d唔食得呢?

jk67jk

wongbaba05,

我自己都有G6PD, 我記得小學時, 亞媽只係叫我緊記, 在學校有不適, 切忌"白花油"之類的藥油, 叫我暈之前要同人講喎！ 其他都冇特別要注意。 甚至, 我記得自己都有係小食部買"蠶豆"食。所以, 我認為G6PD 並不是一個大問題, 會導致唔收小朋友入學。

如果學校冇問, 當然唔駛講；到真係入左, 先填報備案都未遲。 但如果學校問, 你顧意講大話, 俾你入到, 都可能給老師/校長一個壞印象。

我唔知G6PD 有冇分級數, 但我自己就一早不用避忌任何食物三十年以上了, 而且也有用白花油、萬金油這類藥油。

我個人經驗, 飲食上要戒口的不多, 我從網上看見, 連金銀花都話唔得, 但係我真係喺小學就已經飲金銀花菊花茶嘞！婆婆煲的呢！我會覺得用藥方面反而要緊慎一些, 最要緊是假若不幸在校受傷入院, 小朋友要懂得告訴有關人員, 自己有G6PD。 但我真的覺得, 自己長大後, 小學、中學到現在, 其實除了入院做手術有提過G6PD, 一般同醫生講, 佢地都唔理會, 即是, 到了一定年齡, G6PD的缺乏已不會如初生嬰兒般構成影響啩！

你下次見兒科醫生問清楚啦！(我都有D好奇, 等我下星期都問下先。)