今日仔仔開始考試啦…

Bowiema

小傑媽媽,

唔好甘緊張啦, 你仔仔ok既. 努力, 加油!!

clpapa

我個女星期二剛剛考完，事前有同佢温吓，老婆跟返平時派啲工作紙加加減減比一兩份佢做吓，重未派成績，佢自己話OK，重覺得考試要重新排位好新鮮，可以早放學又幾好玩。

由於唔係名校，所以學校冇特別催谷，考試題目佢講返好似重淺過工作紙，希望佢平安過渡。

我覺得笫一次考試應教小朋友適應考試方式，例如要在指定時間完成，寫字要清楚，寫錯左要擦乾淨...。温習反而唔使太多，因為所考的平時有做家課有温習應該都識，反而驚佢臨場發瘟，錯埋啲careless mistakes。

家長唔好表現得太緊張，你緊張，小朋友更緊張，到時錯埋啲唔應錯既嘢重大件事。考試前比佢有足夠休息，食完早餐返學前鼓勵吓佢，比佢輕鬆啲面對人生的第一次考試。

lillymarie

小傑媽媽,
我寶寶都係啱啱考完試, 初初想同佢温習, 點知一睇就知為時已晚啦, 佢點可能一晚就記住幾個星期既野??? 所以最後我都係同佢睇番平時既錯處, 然後就俾佢玩下, 輕鬆下咁.
唯有當今次係個教訓, 平時要多D温習, 平時努力D啦.
始終係第一次考試啫, 當係攞個經驗啦. 睇下老師既要求係乜野, 重新調整温習既策略.
其實小朋友都會驚唔識做, 都會有壓力架.