東區杏花邨嶺南中學係咪有老師離職潮？求救

kelly310

女兒 band 2 中，大抽獎派了杏花邨嶺南中學。叩左劉永生，寶血。
尋日聽到話嶺南呢幾年都好多老師離職，今年連兩個副校都會走。有無用家係度呀？係咪真架？

而家自己好亂，訓都訓唔著，擔心緊唔知學校有咩問題，怕做錯決定害左自己個女。

有人話去到8月尾，都仲有機會有人放棄而後補，咁註冊左先但唔買書唔做校服得唔得架？

今朝應該會繼續叩門，港島其他區都會諗，大家有咩提議？

UTB

如果港島區女仔B2，我覺得南區鴨脷洲真光的校風較佳。不過對於你囡囡來講可能太遠。另外，中西區，灣仔區均沒有合適的B2校可推薦。最後東區你可能比我更清楚。我估除咗寶血，衞理、培僑、漢華，小西灣福建太約係B2，校風應該比嶺南好。

Poyau

kelly310 發表於 25-7-10 03:57
女兒 band 2 中，大抽獎派了杏花邨嶺南中學。叩左劉永生，寶血。
尋日聽到話嶺南呢幾年都好多老師離職，今 ...

請問乙幾中嶺南 嶺南前面填什麼

Poyau

kelly310 發表於 25-7-10 03:57
女兒 band 2 中，大抽獎派了杏花邨嶺南中學。叩左劉永生，寶血。
尋日聽到話嶺南呢幾年都好多老師離職，今 ...

除2樓提及的 東區還有金文泰/顯理

kelly310

UTB 發表於 25-7-10 06:27
如果港島區女仔B2，我覺得南區鴨脷洲真光的校風較佳。不過對於你囡囡來講可能太遠。另外，中西區，灣仔區均 ...

謝謝大家，尋日都有繼續搵，同個女都搵到好攰，今日一陣都會出去繼續試。唔知停課d學校有無開。
我唔知係咪好貪心，就係想校風好d，校長老師唔係做show俾人睇，而係會真係關心學生，有錯會管。學校無咁多曳既學生，等我個女無咁易學壞ja。

我明每間學校既學生總會有好有壞，但都唔係去到成班食煙又無問題，甚至做到學生會既學生，明明應該係學校好既一批學生都食煙，仲要成校都知d，老師都可以唔理。年年老師走下一批，走下又一批。我真係唔想個女係咁既環境讀書，成績唔好可以慢慢追，學壞左就咩都無啦。我無諗過band 2尾band3頭既學校已經係咁既樣。

個女群咩人就似咩，細個我都有得管，去到中學我真係擔心佢識埋d 曳既同學，到時講咩都無用。本身屋企收入唔高，而家都諗住直資都試下報。

kelly310

Poyau 發表於 25-7-10 16:33
請問乙幾中嶺南 嶺南前面填什麼

乙六
前面 劉永生 顯理 寶血 小西灣福建 𧗾怡

本身覺得派到嶺南都唔差，可以試下考入精英班，自己俾心機讀書就得。但同親戚個女傾完，知道學校情況，我就變到好擔心，好怕會害左個女。

kelly310

Poyau 發表於 25-7-10 16:35
除2樓提及的 東區還有金文泰/顯理

謝謝，呢兩間都叩左。

kelly310

尋日區內 band2 津貼都叩埋，都係要等消息。今日轉頭會打電話睇下漢華同培僑開唔開，之後再去埋南區真光試試。

如果派位證俾嶺南收左，其他學校通知有位，可唔可以問學校拎番派位證架？

roseangel

kelly310 發表於 25-7-11 07:19
謝謝大家，尋日都有繼續搵，同個女都搵到好攰，今日一陣都會出去繼續試。唔知停課d學校有無開。
我唔知係 ...

樓主你唔使太擔心，我大仔在嶺南讀中五，而家細仔都係派呢間昨日都去咗註冊，其實嶺南真係唔係太差，新校長呢幾年都好積極搞好多活動，而且而家校長係我先生一個同事以前嘅老師，佢都讚佢係好有heart幫學生，而且嶺南2024 dse 成績都大有進步

真係冇你所講嘅上堂成班食煙呢啲野

roseangel

kelly310 發表於 25-7-11 07:41
乙六
前面 劉永生 顯理 寶血 小西灣福建 𧗾怡

請問你親戚個女點形容嶺南？

bobo101^*^

kelly310 發表於 25-7-11 07:19
謝謝大家，尋日都有繼續搵，同個女都搵到好攰，今日一陣都會出去繼續試。唔知停課d學校有無開。
我唔知係 ...

我係附近街坊, 未見過有學生返/放學在區內食煙，學生係街上行為正常, 唔會話好嘈。至於老師離職, 相信好多中小學呢幾年係常見現象。
你睇下仲有冇其他嶺南用家比到意見你。

kelly310

roseangel 發表於 25-7-11 10:30
本帖最後由 roseangel 於 25-7-11 10:31 編輯

樓主你唔使太擔心，我大仔在嶺南讀中五，而家細仔都係派 ...

可能你誤會了，我意思係話學校有為數𣎴少既人食煙，仲要部份係應該比較乖既同學。

我明白嶺南都有吸引人既地方，至少俾外界個形象係唔錯，當初我都因為咁放佢係乙6。

你仔仔享受嶺南校園生活，咁係好事。我唔係想去講嶺南有幾唔好，我只係知道自己個女唔定性，好易受人影響。每人重視既野唔同，我對學生品行比較著緊，所以想搵間我唔會日日擔心既學校。

今日其他學校無開，我都有冷靜問自己，係咪一定要轉？係咪差到好離譜？我只會話，我唔想搏，唔想日日擔心，所以會盡力試試搵其他機會。

kelly310

roseangel 發表於 25-7-11 10:32
請問你親戚個女點形容嶺南？

親戚個女講左好多。佢最重視係食，杏花新城好多野食但佢地無得出去食lunch。

校長同食煙係佢最覺得唔鍾意既。校長見到有家長有嘉賓有相機就會衝埋去扮親民，平時就黑面，逼走舊老師。老師好多人走，年中已經有d科目老師長期無番，代課轉完又轉。

早幾日學生會禮堂有活動。有學生直接問會長食煙既事，會長都認。當時全校師生連校長都係度，大家都聽到，但就當無事發生咁。佢話4 5樓廁所會有電子煙果d 生果味。三信三望都有，佢仲俾我睇學生會食煙既ig post。有中五食太空油食到入醫院長住。

嶺南都有好多好處。好老師都多，老師都好錫學生，活動都真係多。另學校有好多外藉老師，都重視英文。STEM好勁，創科成日有獎。佢話校風高中都仲好，低form就真係差。

UTB

bobo101^*^ 發表於 25-7-11 11:43
我係附近街坊, 未見過有學生返/放學在區內食煙，學生係街上行為正常, 唔會話好嘈。至於老師離職, 相信好多 ...

東區B2C／B3A來講，嶺南、衡怡、文理的校風相對叫做比較好。

至於教師離職潮，如果有留意招聘教師的幾個網站，個別低banding嘅學校一年走十個八個老師已成常態。印象中今年最誇張有中學要聘請接近二十名教師。

kelly310

我想問如果叩門成功，係咪星期一下午會有消息？咁係咪即日註冊？
另點樣可以問本身學校拎番派位証？

bonnycai

我的兒子去年入讀中一,老師都是非常關顧學生. 小朋友成績很明顯進步緊.

chanti

Poyau 發表於 25-7-10 16:33
請問乙幾中嶺南 嶺南前面填什麼

https://www.edu-kingdom.com/forum.php?mod=viewthread&tid=3885031&extra=page%3D2樓主乙四入不到寶血？但係呢個post話乙八入寶血既？

yingkiki

chanti 發表於 25-7-13 16:04
https://www.edu-kingdom.com/forum.php?mod=viewthread&tid=3885031&extra=page%3D2樓主乙四入不到寶血？ ...

我想講我乙12入左寶血，
乙5福建，乙6嶺南小西灣，乙7嶺南杏花邨都飛走晒⋯⋯
呢個係咩玩法？