最難 interview. . .

daisylhn

我無刻意教阿女學術上嘅嘢，佢快兩歲半，因學校教了A-G 佢先識啲。數數因成日用，佢可以數到100，但認數字仲未開始。

但雙重、三重指令、開膠盒、XX有咩用、搭咩車去邊呢啲因日常經常會用接觸到，所以無乜問題。對陌生人唱歌、傾偈又係因平日經常做，所以對我女無難度。

我諗難唔難好視乎平日家長點教。
有啲鐘意教育學術多啲、有啲會教日常事情多啲，偏向也不同。

所以，民生對我小朋友來講係好難 反而其他嗰啲考法相對容易啲。

xoshan1025

原帖由 藍藍媽 於 13-11-10 發表
呢間咪st cat loh, 要張黃色旗仔放入藍色筒仔；要用積木砌棵樹再放兩粒積木上去... 要有數目概念！我自己覺 ...

真係顛左！對小朋友真係勁難

princesssnowy

原帖由 daisylhn 於 13-11-10 發表
我無刻意教阿女學術上嘅嘢，佢快兩歲半，因學校教了A-G 佢先識啲。數數因成日用，佢可以數到100，但認數字 ...

數到100，好勁噃

ronlui

原帖由 daisylhn 於 13-11-10 發表
我無刻意教阿女學術上嘅嘢，佢快兩歲半，因學校教了A-G 佢先識啲。數數因成日用，佢可以數到100，但認數字 ...

Agree !我個女情況都係咁樣，因為我冇特別教，學校PN英文字母只教到A-E，數數字1-10順序，隨機問應該唔識！所以覺得考學術好難！
但平日有關日常生活D野，因為佢好奇八卦，成日問，成日講！呢D係乜野？嗰D係乜野？點樣用的？我反而覺得考呢D比較容易！
所以真係好睇乜野學校想要乜野學生！佢咁考法，就好確定佢唔係我杯茶！大家理念唔同，唯有

misshoiyi

我前兩日又係見LH, 癩架，問個鐘做來做乜，我個仔答做來睇，再追問睇咩，再追追問個鐘通常擺邊度，都算喇，當我仔唔識咩叫擺係牆上面，再問下一題，門，門用來做咩，我坐係隔離都諗左好耐，門用來做咩，佢會expect答門用來開嗎？係咪傻架，我真係寧願佢考下學術好過問埋無里頭野！

jonlyone

我都覺得唔算最難了。如果屋企有相關教材的話，小朋友的求知慾會 drive 佢地學晒呢 d 而無須催谷 (當然興趣也有關)。我個女講野唔算叻，歲半先開始講到清晰少少的單字，但 18 個月後順序背晒 a-z, 20-22 個月之間識英文，廣東話，國語，法文 1-10. 差唔多兩歲時問佢 a for 乜，b for 乜，佢識答 apple, butterfly 等超過 20 個英文字母所代表的單字。不過我個女本身係超鐘意睇書，1 歲前已日日叫我讀書佢聽，高峰期一日要講 20-30 次故事。中文冇英文咁易學，而家佢對住圖書或字咭，會自己讀左個英文然後要求我講埋國語讀音佢聽 。(係，佢已經認得數百個中英文單字。)

我有同佢上過英普 playgroup, 幾堂法文 playgroup, 在家 2 文 3 語 (因工作關係，我國語還可以，我有同個女英普 story time).  所以佢 in 民生對住國語老師，自己答得晒 d 英文字母，仲以普通話答數目字。係顏色用國語答唔到，呢個時候老師就同我講小朋友英文作答都得喎，咁我即刻問佢 what color? 佢就答啱晒。

但雖然係咁，我都覺得唔會收啦，因咁多人 in, 總有人識答晒。同埋即使佢係問學術性問題，都唔代表佢收生準則一定係偏重學術多 d, 如果唔係都唔會有人話識晒都冇 offer 啦。如果要計埋有互動，禮貌，態度等，我個女冇機啦，老師同我講緊野時佢起左兩次身自己行出班房話要走，我提佢先好細聲講謝謝，又唔推凳一支箭衝出課室！

我覺得問 open end questions, 即搭的士，搭船去邊等等，就真係堅難！都係平常心面對結果啦！

藍藍媽

原帖由 misshoiyi 於 13-11-10 發表
我前兩日又係見LH, 癩架，問個鐘做來做乜，我個仔答做來睇，再追問睇咩，再追追問個鐘通常擺邊度，都算喇， ...

忍唔住笑左 唔知我個女會唔會答“夾手指“, 因為我成日叫佢唔好放手指响門鏠

daisylhn

原帖由 princesssnowy 於 13-11-10 發表
數到100，好勁噃

因為佢比我罰企要自已數數嘛

BabyQQ~

Aprilbaby 發表於 13-11-10 07:06
我覺得LH深呀！問日常用品，老師竟拎張風扇既card(大頭果隻喎), 問我个仔系咩。試問幾多人屋企有用大頭風扇 ...

我都係, 攞張舊電話咭問係乜, 叫亞囡攞黎打電話.我話屋企個電話唔係咁, 你俾張Iphone圖佢就識..不過都係一種經驗啫.

vivi2001vivi

In KM, 未開始時老師問亞仔一d open end 問題當熱身 ( 因為佢個樣似啱啱瞓醒 ). 我坐在隔離由個仔發揮, 因為預咗來玩, 放手俾佢自己發揮...

XX = 亞仔

老師 :  你叫咩名呀?

XX : XX.

老師 : 今日邊個同你來?

XX : 媽咪

老師 :咁媽咪同平時有無同你行街街?

XX : 無       我 :
老師：吓, 無呀, 咁媽咪平時同邊個行街街?

XX : 自己   我 :

老師: 吓, 咁媽咪錫唔 錫 XX ?

XX : 唔錫 !  我 :

老師: 吓, 唔媽媽唔錫 XX ,咁佢平時錫邊個?  ( 我係度諗 : 衰仔玩嘢......)

XX : (諗咗一陣 )......唔 ....錫爸爸!!!!! .. (之後 笑..... )

老師 : (忍唔住笑咗)  .....啊......咁媽媽都錫XX 嘅, 如果唔係都唔會帶你來玩啦........

我 心諗 : 衰仔搞爛gag........ ( 全程唔笑, 講到錫爸爸先笑:;pppp:)

其實open end question 反而可以俾小朋友發揮, 係難gei , 但係小朋友d 答案真係估你唔到...........

好有問題

原帖由 vivi2001vivi 於 13-11-10 發表
In KM, 未開始時老師問亞仔一d open end 問題當熱身 ( 因為佢個樣似啱啱瞓醒 ). 我坐在隔離由個仔發揮, 因 ...

笑左!!!!
我in KM問隻杯用黎做咩，亞女答:飲咖啡
佢地d答案係好出乎意料

Chirley

好有問題 發表於 13-11-10 16:09
笑左!!!!
我in KM問隻杯用黎做咩，亞女答:飲咖啡
佢地d答案係好出乎意料

我囝嘅答案無咁出乎意料,佢話飲水

vivi2001vivi

其實答哂A-Z , 1-10  大有B 在, 反而係一個機會睇下自己小朋友gei 水平去到邊, 對住陌生人會變成另一個點樣ge 人, 我反而enjoy 過程多過結果, 係過程中你會睇到個小朋友真係成長咗, 大個咗咁就夠了.........你日日對住佢 會覺得佢係BB, 但係出到大場面, 你就會知自己個仔有幾'神'........

經過o個日先知呀仔可以黃子華上身, 搞爛gag ,

novelle

Crystalspman 發表於 13-11-10 07:57
我都覺！我阿女嗰題係一張摺埋嘅被，四四方方摺埋一舊，鬼知係咩！而且我地從來都唔會到咁四正阿女 ...

阿仔LH面試, 都係問張被，佢答係「蛋卷」...爸爸同佢去，佢都話唔知個張係被...不過老師都有引導佢答。

confidence

原帖由 vivi2001vivi 於 13-11-10 發表
In KM, 未開始時老師問亞仔一d open end 問題當熱身 ( 因為佢個樣似啱啱瞓醒 ). 我坐在隔離由個仔發揮, 因 ...

Hahaaa…睇完你d对話，我覺得会收你仔仔，因為佢好cute 同有自信！！

confidence

原帖由 novelle 於 13-11-10 發表
阿仔LH面試, 都係問張被，佢答係「蛋卷」...爸爸同佢去，佢都話唔知個張係被...不過老師都有引導佢答。

...

我覺得你仔仔会因為答卷蛋而impress到老師！等你好消息

xoshan1025

原帖由 Chirley 於 13-11-10 發表
我囝嘅答案無咁出乎意料,佢話飲水

我小朋友話用嚟嗽口

xoshan1025

原帖由 vivi2001vivi 於 13-11-10 發表
In KM, 未開始時老師問亞仔一d open end 問題當熱身 ( 因為佢個樣似啱啱瞓醒 ). 我坐在隔離由個仔發揮, 因 ...

老師問我小朋友：爸爸媽媽常常帶你去邊度玩?我小朋友回答：參觀學校!（我想公園?圖書館?波波池?）連老師都笑

xoshan1025

原帖由 confidence 於 13-11-10 發表
我覺得你仔仔会因為答卷蛋而impress到老師！等你好消息

confidence

原帖由 xoshan1025 於 13-11-10 發表
我小朋友話用嚟嗽口

漱口呢個答案真系好新，如果我係老師會like!! 亦証明小朋友有自信，有思考！
其實我覺得有d學校未必一定按答案計分為重，答唔到張被定電話都係差少少分，反而係对答过程中看小朋友反應（晤一定要make sense),果d位先比重分，老師最like 随和家長同創造力高的小朋友！