幼童日讀兩校，猶如「虐待」!!

國家

私立獨立幼稚園協會主席胡肖霞透露，近兩年發現有下午校的學童，上課時疲態盡現、反應遲緩兼呆滯，查詢下始得悉他們每日需同時到兩間幼稚園上學。

中大教育心理學系講座教授侯傑泰指，學童的學習能力不一，家長為子女安排學習的同時，應多加留意子女有否出現不愉快的徵兆如哭泣、反抗等，若有，應減少子女的學習量，否則容易削弱子女日後對學習的興趣。

幼兒學界及教育心理學者形容過分催谷猶如「虐待」!!

Cutemom0808

Problem parents / Problem kids

"孩子自幼被父母溺愛、無憂柴米，不但會變得刁蠻和脆弱，長大後更會不思進取；近年繁衍的「寄居族」，可謂「港童」長大後的寫照。

　　有驕生慣養的大學生，畢業後因獲父母「包食宿」，竟安於到便利店當月入2,000餘元的兼職；亦有留學歸來的，只管靠父母拉關係搵工，卻敷衍交差、輕率辭職。更糟的是，部分家長仍不醒覺，甚至因不滿兒子被上司責罵而代為「劈炮」，或準備買樓讓子女將來收租過活。

　　「港童」現象愈見明顯，其實80後、90後出生的一群，部分亦出現被過度照顧的情況，至現在長大後、準備踏入社會之際，卻欠缺目標和理想；隨着社會愈趨富裕，「廿四孝」父母催生的「港童」勢必愈來愈多。

　　有大專界管理層慨歎，現時每年均有在溫室長大的大學生和大專生，畢業後仍然渾渾噩噩，不肯積極找工作：「有大學畢業生獲父母包食包住，不用支付家用，於是每日只顧打機，只會抽點時間到便利店工作，但求一個月賺2,000元，夠買煙仔食就算！」

靠父母介紹 留學生屢辭工

　　他直言這批學生雖有能力考好公開試，卻怕面對工作世界：「不想受老闆氣！」

　　有教育界人士亦稱，獲家長過分照顧、不思進取的青年比比皆是，當中有一位父母均有學識、獲安排入讀海外名牌大學的青年，畢業回港兩、三年後竟仍經常失業：「父母不斷找朋友介紹工作，但他不是嫌人工不夠高，就是嫌工作不夠尊貴，每次做一、兩個月就辭職。」還有一些大學畢業生，總要父母催迫，才願意找工作。

擬代買樓 讓子女收租過活

　　即使學歷較低，難得才找到工作的，亦同樣「唔捱得」、「唔鬧得」，曾有青少年被上司責罰後，母親代為致電辭職，並質問上司為何責罵兒子。

　　香港健康情緒中心臨床心理學家鄒凱詩更指，有父母甚至擔心子女將來無法養活自己，已計劃為他們買樓，即使發展不到事業，將來父母不在他們仍能「收租過活」。

認知治療兩月 青年有改善

　　不過，亦有些父母感到不對勁而求助。全人發展中心高級臨床心理學家劉繼璋憶述，一名父親任職律師、獲安排赴外國讀大學的青年，至27、28歲仍毫不上進，父親急起來不得不求助。

　　劉發現，該名青年自小衣食豐足之餘，也從不用做家務、執拾房間，結果養成「少爺仔」性格：「他在外國讀書初年，都要靠當地親戚照顧；畢業回香港，就靠父親拉關係，到世叔伯的創作公司工作，但敷衍交貨就算，常被投訴。若不是靠關係，根本沒人會聘請他。」

　　劉遂向該青年進行認知行為治療，並講道理：「不能長期依賴父蔭。」再為他制定刺激創作和思考能力的心理訓練；經過兩個月治療之後，青年大為改進；劉憶述：「他以前沒有動力工作，夠鐘便收工，但後來感到投入，還有幾次為了加班，要推遲跟我見面的時間。」"

milk323

係GA, D細路仔唔駛諗自己想要乜&點逹到目的, 因為父母已經為你安排好. 好多野你未開口係父母己幫你諗定, 所以而家好多細路仔都唔知自己想點GA, 因為從來都冇機會諗. 到讀完書大學畢業, 連搵工都要亞媽幫, 你話死唔死? 俾你讀到MASTER, 你走去同D中五爭幾千蚊一個月的工(真係見過GA), 為乜?

我唔望我的仔女一定要大學畢業, 因為大家都知道好多工作都唔駛讀好多書, 但唔代表冇前途. 我只希望佢地知道自己想做乜THEN努力去做/學相關的知識, 同埋學做人.

原帖由 tsobaba 於 11-2-8 00:56 發表
做咗幾十年人，回想自己讀咗十幾二十年書，覺得讀書好似參加比賽，點樣獲勝，因為父母學識唔高，全靠自己，例如，揀 Final Year Project, 有同學會依從興趣或深淺度揀，我就揀個 project 個 project leader 係 department head，唔係唔 ...

tsobaba

做咗幾十年人，回想自己讀咗十幾二十年書，覺得讀書好似參加比賽，點樣獲勝，因為父母學識唔高，全靠自己，例如，揀 Final Year Project, 有同學會依從興趣或深淺度揀，我就揀個 project 個 project leader 係 department head，唔係唔洗做，係A嘅成數高，我相信這種思維在社會係生存到，但現在的父母學識高，甚麼都為子女安排曬，係A到，但跟本沒有在社會生存嘅思維，變相幫子女出貓，畢業後甚麼都唔識，生存唔到，這樣係唔係高分低能？

Chris852

現在的小朋友比以前辛苦好多好多好多了...

tsobaba

雖然好似離咗題，不過都想發表下，你所講果兩個questions只是冰山一角，＂身教＂，係父母都知重要，但事實有幾多＂完美＂嘅父母？自問自己都有好多缺點，咁係唔係自己都做唔到就唔糾正小朋友？不會吧！

tsobaba

You're right. Life is a matter of choices. However, resources and time are limited. In general, they must be mutually exclusive.

milk323

唉, 連呢D都要俾錢去上堂, 又真係會有人覺得上左呢D班=俾張CERT你=識做人. 上堂俾你做下ROLE PLAY講下THEORY, 但出到現實環境點應變? 都係要自己體驗.

老老實實比小朋友自己體驗下仲實際, 不過講真, 你發唔發覺去到公園大部份細路都有個大人O向佢1呎範圍內保護, 想自己搵朋友仔玩咩, 比人地個小朋友碰到即刻拉佢走, 同邊個玩點玩大人都要插手....... 所以有D家長咪俾小朋友返COURSE"識朋友"LAW.......  

原帖由 easybring 於 11-2-7 17:17 發表
因此, 又有人開d 咩eq班/建立人際關係的課程....其實, 呢d東西真係要"人生閱歷"先可以儲到番黎, 上堂唔知吸到幾多....幾歲人仔識得係公園搵朋友仔一齊玩都好ok啦.

...

miffyjoyz

香港小朋友，二文三語，琴棋書晝，何來失敗？想問下香港有幾多成功例子？
個個阿媽都谷仔女學呢樣果樣，但可知道，成功係要花時間心機去努力的，D人要仔女學但又唔洗佢地練習，到頭來樣樣學到一鑊粥咁，跟住放棄又學第二樣！
根本父母都無教好小朋友嘅毅力！點成大事呢？

原帖由 bb0322 於 11-2-2 15:14 發表
點計到排第四呢？我都唔係好明，講多過四個國家都好易！我都有興趣知！

btw我唔覺得教育制度失敗，係見到前幾頁有人講咋！

香港的小朋友，三文兩語，琴棋書畫，可來失敗之有？！:;pppp: ...

easybring

因此, 又有人開d 咩eq班/建立人際關係的課程....其實, 呢d東西真係要"人生閱歷"先可以儲到番黎, 上堂唔知吸到幾多....幾歲人仔識得係公園搵朋友仔一齊玩都好ok啦.

原帖由 milk323 於 11-2-7 15:29 發表
最近睇左本書, 本書有個標題, 大意是 - 香港的學生細細個就一大堆證書, 學兩文三語體藝十項全能--- 但就沒有一張是學做人的

試過去做招聘會, 真係有好多牛高馬大的後生仔女要亞媽陪搵工. 最離譜的, 試過有政府CONTR ...

sheffield

sorry, i miss your point....

原帖由 InitialD 於 11-2-7 15:05 發表
I agreed. This is more complicate than just 4 choices. I suggested asked yourselves 2 questions before we make hard comment on children:
1. Have you tidy up the bed before you go to work?
2. Do you kn ...

milk323

原帖由 ccling69 於 11-2-1 13:56 發表
家長要是堅定, 因材施教,知道自己在做什麼,
無理由將責任推到其他方面.

同意! 其實我地做家長真係要堅定, 唔好講埋D "我都唔想迫佢GA, 但人做你唔做你好蝕底/ 好似好刻薄佢咁", 你明知迫佢學10樣野係唔好, 就唔好做! 你明知係好的, 唔好人地講兩句就唔做, 家陣個仔/女係你的, 身邊D塘邊鶴講乜你駛乜理?
唔好講到個社會迫你, 成個受害者咁. 你如果只係因為人言而去學人谷小朋友, 你最多荷包受損, 但對小朋友的影響卻係一生的.

milk323

最近睇左本書, 本書有個標題, 大意是 - 香港的學生細細個就一大堆證書, 學兩文三語體藝十項全能--- 但就沒有一張是學做人的

試過去做招聘會, 真係有好多牛高馬大的後生仔女要亞媽陪搵工. 最離譜的, 試過有政府CONTRACT工寫明要中五五科合格, OR讀完毅進, 有個亞媽走埋O黎問佢個仔(企O向後面!)冇香港會考五科合格但外國大學畢業得唔得(即係會考死左送去外國讀O個D啦), 我地話唔得, 佢即刻發難! 話有乜理由唔得?? 話我地STUBBON又無理, 我地解釋話我地都係幫政府請人, 個REQUIREMENT係政府訂的, 佢居然話我地應該向政府反映下喎! 成個過程佢個仔企O向後面冇出過聲, 都唔知佢想問唔敢問先要亞媽幫, 定係佢冇諗住問但個亞媽爭住幫佢問. 喂個世界唔係圍住你轉GA亞姐, 你個仔唔O岩REQUIREMENT做乜係要個僱主遷就佢? 點解大學畢業都仲要亞媽陪住搵工?

我可以好肯定咁話俾大家聽, 所有僱主都唔鐘意請裙腳仔的, 俾人見到你見工都要人陪(朋友已經令僱主反感, 何況係亞媽!), 你幾高學歷都冇人覺得你可以獨立處事. 同埋而家好多僱主都好驚請到高分低能的人, 所以就算學歷冇咁高但工作經驗多的反而有優勢. 講真, 市場上有幾多工作真係需要到大學畢業?

InitialD

I agreed. This is more complicate than just 4 choices. I suggested asked yourselves 2 questions before we make hard comment on children:
1. Have you tidy up the bed before you go to work?
2. Do you know how to fold the banket properly?
I found a lot of parents do not have habit to tidy up the bed before they go to work. Even worse, a lot of them cannot fold the banket properly.

If you cannot or with an excuse " I am busy", how can you comment others....?

原帖由 iantsang 於 11-2-7 13:25 發表
I believe there are more choices in life than just the four combinations as stated.  There are always something in between which someone can be moderate in both ways, they are not mutually exclusive.
...

[ 本帖最後由 InitialD 於 11-2-7 15:11 編輯 ]

iantsang

I believe there are more choices in life than just the four combinations as stated.  There are always something in between which someone can be moderate in both ways, they are not mutually exclusive.

Life is a matter of choice, it all depends on how someone choose to invest in different areas.  Not necessary to put all eggs in one basket.

原帖由 InitialD 於 11-2-6 02:45 發表
1. 高分高能
2. 高分低能
3. 低分高能
4. 低分低能

Everybody like to be #1. However, if #1 cannot achieved, what is the best choice out of #2, #3, #4???

My choice will be #2. 高分低能 rather than #3.  ...

kitmantsoi

我都遇過D高分低能既同事, 9優生master畢業,專業人士亦被勸辭工, 原因係無leadership,no EQ 只懂直行不懂轉彎亦不懂待人處事....相信佢IQ好高 but佢EQ極底比老世話兩句面黑兼駁咀,成日好似懷才不遇樣咁. 唉...
佢個CV好長架, cos 無份工做得長....

原帖由 sheffield 於 11-2-7 11:55 發表
咁就祝高分低能的小朋友好運了！讀完書出黎做野，基本上有高分的見工機會都多d，但見完工，又比你好彩有人請，一試便知龍與鳳…我諗要一世夠運至可以一世有工返啦…
我朋友做PCCW HR，講起遇過有d大學生叫佢填份表都唔敢填，要偷望 ...

sheffield

咁就祝高分低能的小朋友好運了！讀完書出黎做野，基本上有高分的見工機會都多d，但見完工，又比你好彩有人請，一試便知龍與鳳，人地唔介意你唔識做野，我怕高分低能嘅人都唔受得氣又唔挨得…我諗要一世夠運至可以一世有工返啦…
我朋友做PCCW HR，講起遇過有d大學生叫佢填份表都唔敢填，要偷望隔離人點填…又有d返左兩日唔返，跟住係亞媽幫佢打黎話唔做…
冇高分，但有EQ，有AQ，…我唔覺得會搵唔到飯食囉…

[ 本帖最後由 sheffield 於 11-2-7 12:14 編輯 ]

InitialD

1. 高分高能
2. 高分低能
3. 低分高能
4. 低分低能

Everybody like to be #1. However, if #1 cannot achieved, what is the best choice out of #2, #3, #4???

My choice will be #2. 高分低能 rather than #3. 低分高能 particular in local school.

原帖由 nataliepsc 於 11-2-5 02:56 發表
香港教育制度, 絕對有問題, 俾小朋友讀兩間幼稚園而唔介意佢地o係公園食飯換衫既家長真更加嚴重有問題!

最近大家有無成日聽到"高分低能"呢個term? 有d小朋友俾父母狂谷佢地學野, 但10歲有多既人識法文而唔識自己換 ...

[ 本帖最後由 InitialD 於 11-2-7 09:47 編輯 ]

nataliepsc

香港教育制度, 絕對有問題, 俾小朋友讀兩間幼稚園而唔介意佢地o係公園食飯換衫既家長真更加嚴重有問題!

最近大家有無成日聽到"高分低能"呢個term? 有d小朋友俾父母狂谷佢地學野, 但10歲有多既人識法文而唔識自己換衫, 識游蝶式但唔識自己沖涼, 我朋友最近見到個成5,6年級既女仔游泳比賽後o係更衣室好似vampire舉高雙手, 任工人幫佢洗刷全身, 係咪好可悲?

而家香港教育競爭好大, 好多小朋友兩文三語一體一藝已是最basic要識既, 但係因為要趕兩間幼稚園, 或趕學呢樣o個樣, 連最基本既生活技能偏偏無晒, 因為要趕上course, 工人姐姐幫佢地以最快速度換衫, 好大個都將食物剪到好碎又餵佢地食飯不停話快d食啦快d食啦, 放學返到屋企要趕做功課快快幫佢地沖涼, 根本就exploit左我地細細個已經要學識做既事, 無時間睇課外書, 無時間hea吓, 等個腦休息吓, 我覺得嚴重阻礙發育! 而且, 完全唔識problem solving, 想有creativity都好難!

我都唔懷疑research所講而家香港教育制度調教出黎中學生學業成績會俾好多其他國家既好, 但入到大學呢? 畢業出黎做野呢? 呢d由細被家長"照顧大"/逼大既小朋友就好似倒模出黎既人一樣, 想佢地變成leader, 好難! 唔係佢地唔得, 係家長剝削佢地既機會...恐防贏在起跑線, 但未到終點已經頂唔順, 要中途退出!

兩至五歲既人仔, 要佢地一天到晚趕趕趕, 想唔提早有精神緊張都幾難!

各位家長, 請三思! 唔係對自己小朋友以為幫佢但變成害佢! 而家愈來愈多直資小一, 已經係考common sense, 唔係睇你有幾張cert讀幾間幼稚園!

Chris852

睇完篇文章...應該去上海升學...