陸慶濤小學收了仔仔

itbaby

歡迎各位加入這個大家庭,我小朋友(今年小一)d普通話都係唔得,不過學校會慢慢地幫佢哋適應的,所以不用太擔心!

itbaby

中文科會用普通話教,而英文,科學及音樂會用英文,餘下的數學,通識,體育和視藝會係廣東話教授.至於一人一樂器可以在校學,或者校外學,若果經已學緊鋼琴或其他樂器的小朋友,就唔需要一定要學多一樣樂器.

希望答到大家的問題,其實以上資料在學校的網頁都搵到,若有錯漏請其它家長更正!

原帖由 mokchingyin0910 於 09-10-27 14:10 發表
其實我想知道普通話是否只會上中文課時, or 全部其他學科, 如通識科會用咩? 一人一樂器是比小朋友係學校, or 校外的. 我女女依家學緊琴可以算嗎?   ...

itbaby

問:咁你小朋友响呢間學校讀得開唔開心?鍾唔鍾意返學呀?
答:我小朋友返學應該係開心的,而且都鍾意返學,但係要佢早起床就另當別論.

問:仲有聽人講話呢間學校啲老師好有愛心同好關心小朋友,又係唔係真架?
答:以前我都有聽人講過d老師好有愛心同關心小朋友,由於只係返咗兩個月,所以好難答到你.不過,我小朋友的兩位班主任,都曾分別與我通過電話,問有關我小朋友能否適應小一生活及如何幫助小朋友.

問:最後想知呢間學校功課多唔多呢?
答:其實我自己唔覺得多功課,暫時每天大約做4-6樣,而每樣功課,可能只化10分鐘就完成,若果小朋友肯在學校的導修堂完成,咁返屋企就做少好多.可惜,我小朋友唔係這類好學生,所以每天對我嚟講就好辛苦地面對功課嘞!

其實除了平時功課外,有時都要交錄音功課或者閱讀報告等,不過會有足夠時間去做的!


後話:
作為過來人,我都好明白你們的擔心,坦白講,我小朋友返咗兩個月,我覺得現時返小一同我哋個年代經已完全唔同,功課真的多了很多及多了不同種類,所以作為這個年代的家長,真係要自我調節一吓!

希望以上資料幫到各位家長啦!