想問兩間聖安多尼的分別

新奇無花果

請問中西區聖安多尼與薄扶林聖安多尼有乜分別？

manlee28

中西區聖安多尼是由薄扶林聖安多尼轉全日制時分拆出來的, 中西區校舍較新較大, 而薄扶林道的為老校, 校舍自然會舊一點, 但論學業成績則為中西區較佳, 而校風則兩間也差不多.. 不錯的.

longlong2002

07-08升中派位結果	薄扶林道	中西區
英華女校	12人	8人
英皇書院	7人	5人
聖類斯	23人	9人
聖若瑟書院	2人	3人
聖嘉勒	3人	2人
高主教書院	2人	3人

資料來源﹕聖安多尼學校校網(薄扶林道) 及 中西區校網

其實想知道兩校學生的學業成績，最客觀莫過於比較升中的派位結果。

原帖由 新奇無花果 於 08-8-13 12:39 發表
請問中西區聖安多尼與薄扶林聖安多尼有乜分別？

愛心媽媽2

細心分析兩間學校, 其實兩間學校成績其實係不相伯仲喎,
都係有一半學生入英中, 都係好好嘅學校.

但薄扶林道(舊個間)最多人入的英中係聖類斯(23個),
英華(12個), 英皇(7個),聖堂門口張紙寫中中最多係
  聖伯多祿,真光,余振強.

中西區聖安多尼(新校)最多人入嘅英中係聖類斯(9個),
英華(8個),英皇(5個),網上寫中中最多係
  樂善堂, 李潤田,真光.

不過兩間都好似好難入!唉!

緊張媽媽18

舊聖安多尼升中成績較新校好, 但校舍比新校弱,



老師方面, 舊校有5,6個老師以前都是教育署的人, 現在一直幫教育署開拓緊全港小學課程, 新校就可以有多D後生和剛畢業的老師,



舊校英文科好似用緊一個英國牛津的方法教學, 課程好似好厲害,



要比較兩間, 最好自己去看看比較, 這幾個星期六上午, 兩間都有開放日, 可以WALK IN

grace0815

上星期六..我去了參觀那間中西區聖安多尼學校(新d那一間)
當天亞囡玩得很開心,就參觀所見,間學校d設備真的不錯,起碼有個大操場俾亞囡上體育課,參觀後亞囡對這間學校印象不錯!
很多家長都說新的一間,設備..環境比舊的聖安多尼好..但我上了它們的網頁..大家都說有50%入到英文中學!有沒有家長可以幫手分析一下!

^O^

請問兩間聖安多尼的上學時間是怎樣呢? thanks.

longlong2002

我知道薄扶林道聖安多尼學校(舊校)在小一進行「新的英文課程」。據它們介紹，這課程是融合英文拼音與閱讀及寫作。
我在報章也看過這課程，已有數間名校參與，如九龍塘宣小、沙田呂明才等。

2008mum2008

原帖由 grace0815 於 09-9-15 17:30 發表
上星期六..我去了參觀那間中西區聖安多尼學校(新d那一間)
當天亞囡玩得很開心,就參觀所見,間學校d設備真的不錯,起碼有個大操場俾亞囡上體育課,參觀後亞囡對這間學校印象不錯!
很多家長都說新的一間,設備..環境比舊的 ...

呢兩間雖然攞到50%~66%英中學位，其實係band 2生較多，而且派聖類斯男生居多，女生如果唔係頭20名以內，就好危！
中西區聖安多尼：band 1 = 22% (22人) / band 2 = 28% (27人)
聖安多尼：band 1 =21% (18人) / band 2 =45% (38人)

	2008/2009	2008/2009
	中西區
入到呢d一線英中，肯定係band 1生：	聖安多尼	聖安多尼
英華女校	9	7
聖士提反女子中學	4	1
聖保祿中學	2	---
庇理羅士女子中學	---	1
聖保羅男女中學(直資)	1	---
英皇書院 KING'S	2	7
聖若瑟書院	3	2
華仁書院	1
入讀一線英中 (人數)	22% (22)	21% (18)
入到二線英中，大多數都係band 2生 :
聖嘉勒女書院	1	2
嘉諾撒聖方濟各書院	4	4
香港真光中學（大坑）	1	---
高主教書院	---	2
聖公會鄧肇堅中學	1	2
聖公會呂明才中學	3	1
聖類斯中學	13	24
聖士提反書院 (直資)	---	1
聖保羅書院 (直資)	2	1
港大同學會書院(直資)	---	1
中華基金中學(直資)	2	---
入讀二線英中 (人數)	28% (27)	45% (38)

入到呢d一線英中，肯定係band 1生：
男生：聖若瑟、英皇、皇仁、華仁
女生：英華女校、聖士提反女子、庇理羅士、聖保祿、瑪利曼、瑪利諾
入到二線英中，大多數都係band 2生，只有少數唔好彩band 1生至會跌落二線英中：
男生：聖類斯、聖保羅(直資)、
女生：聖嘉勒、大坑真光、嘉諾撒聖方濟各
男女校：高主教、聖公會鄧肇堅、聖公會呂明才

另外可睇吓今年幾間冇直屬/聯繫位小學 的升中 統計：
http://forum.edu-kingdom.com/vie ... &extra=page%3D2

2008mum2008

原帖由 sysadmin 於 09-9-17 00:27 發表
南區得聖心/聖嘉勒女書院/聖公會呂明才中學呢三間資助英中...佢地都只係二線英中??
我有朋友係聖嘉勒女書院家教會幫手...佢地校長話...前年中一全校只係收左十幾個band2 生...全部中一生都係band1生...吾係top band1 ...

聖心係band 1頭英中，主要收聖心小學學生，收取外校生不多！

聖嘉勒女書院雖然自行階段主要收band 1生，不過唔會係最Top band 1生，而且佢哋必須收聖嘉勒小學band 1同band 2學生，所以係band 1尾英中！

聖公會呂明才中學只係band 1尾/band 2頭英中，我囡囡小學4X名都派倒！

2008mum2008

原帖由 sysadmin 於 09-9-17 09:07 發表
你個女4x名都派到吾代表佢成績係band2頭band1尾...要睇下佢係小六第一階段(自行選校)時被中學收左...定係第二階段攪珠派入去....如果係第一階段收...即係你個小朋友有足夠實力同成績...打低好多band1學生先入到....
...

我囡囡係考2X名, 應該係band2頭(1至21係band1), 可惜只係派去band2尾中中, 而佢有d同學考4X名都派到聖公會呂明才(英中), 我係話派到, 當然唔係自行階段考入去, 自行階段英中99%唔會取錄band2尾學生, 除非有特異功能！

如果係間間英中都好, 咁英華女校自行階段就唔會收成600份申請表啦, 超過10個人去爭一個學位！咁多人爭入好學校, 就係因為呢d學校既讀書氣氛濃厚, 小朋友之間會互相比較, 激發佢哋既鬥心！同意讀書係要靠自己, 幾好既學校都會有低分既學生, 只係佔整體人數多定少！

講番新校, 即係你囡囡間小學,我囡囡一至三年級都過着快樂既校園生活, 就係因為四年級一次調位, 就開始俾嗰
班主任針對, 最不幸就係連續三年(四至六年級)都係呢個班主任！

五年級繼續俾個班主任針對 - 其實班房內紀律一向好差，經常有同學在轉堂時嬉戲，有一次我囡囡在座位，但係俾同學撞到隻眼既微絲血管爆裂，我咪打電話同嗰班主任講吓，叫佢留意班房內紀律，可惜我囡囡(身為受害者)竟然仲要俾個班主任責罵，個班主任真係不知所謂！

天下烏鴉一樣黑 – 呢間學校只着眼頭幾名成績好既學生，六年級自行階段前曾經要求校長為我囡囡寫封推薦信，卻換來我囡囡俾嗰班主任當面奚落，嗰班主任對我囡囡講「你又唔係校隊、鋼琴又冇八級、又冇為學校出外考公開試//比賽，校長係唔會幫你寫推薦信，就算我寫都冇用啦」！當初嗰班主任打電話同我講「校長唔肯寫」時，我都只係有少少失望，但當我知道呢嗰老師竟然如此傷害我嗰小朋友，就令我極度氣憤。身為老師，從事教育工作的人，不但冇鼓勵學生，仲講呢d說話，實在冇資格做老師。如果我嗰小朋友一時睇唔開自殺，佢有冇咁大個女賠番俾我。試問如果學生條件如此優越，又何需校長的推薦信呢？放榜當日，校長親口講「只會為一位學生寫推薦信，條件係要家長完全按照學校選校策略，否則就免問。」


你話d老師好有愛心, 我就覺得真正有heart既老師不多，可能現今當老師都只係抱着打份工的心態。

以上只係本人親身感受，亦有聽聞其他家長抱怨，但不便在此公開其他家長的故事。

睇見你咁hard se11間學校, 你一定好熱愛呢間學校, 希望你囡囡每年都可以考到十名內,同埋得到校長同老師喜愛。

GOOD LUCK!

[ 本帖最後由 2008mum2008 於 10-11-5 22:35 編輯 ]

hiellen

咁既老師都有, 可否告知或PM我, 你個女讀邊間呀?

原帖由 2008mum2008 於 09-9-18 00:29 發表

我囡囡係考2X名, 應該係band2頭(1至21係band1), 可惜只係派去band2尾中中, 而佢有d同學考4X名都派到聖公會呂明才(英中), 我係話派到, 當然唔係自行階段考入去, 自行階段英中99%唔會取錄band2尾學生, 除非有特異功能 ...