對香港靈糧堂幼稚園好失望

lamyy

今日同阿女考香港靈糧堂，居然有三四個老師都讀錯阿女個名，仲話係名校，咁既師資，收都唔讀呀！！

summilie

咁你個囡叫咩名???

oneone11

係唔係名有生僻字啊

vicjo

我阿b個名第二個字係比較少人用，in咗好多間幼稚園都有老師讀錯。我都已經無乜所謂。真係最近決定入果間先糾正老師都未遲。

leeyubaby

係咩字呀?

lamyy

我個女叫旭延，但係就比D老師係咁叫旭廷，其實個“延”字同個“廷”字都唔係D咩深既字，講錯只有兩個原因，
1. 真係唔識
2. hea, 唔睇真亂讀
兩個原因都足以令我唔洗選lee間學校

[ 本帖最後由 lamyy 於 10-11-15 00:32 編輯 ]

tiroro

有幾間幼稚園老師都讀錯我女個姓呀！唔記得邊間添！而家d老師真係...

SK-2

我都好明白妳的心情, 不過我都要睇左一陣先分到兩個字, 我唸D老師都冇心, 你都講係名校啦, N咁多人INTERVIEW, 喺咁混亂及短時間裡面, 實在好難分, 我覺得唔好因為這事就話唔選lee間學校, 這可能呃殺左妳囡囡入讀一間好學校的機會呢.

luluok

我成日睇醫生都比唔同的醫生讀錯我個名,
同人計較自己難受,何必呢!
讀幼稚園最緊要是有專重小朋友,有愛心,出力的好老師,到時老師再讀錯你個女名就要丙啦!

原帖由 lamyy 於 10-11-15 00:31 發表
我個女叫旭延，但係就比D老師係咁叫旭廷，其實個“延”字同個“廷”字都唔係D咩深既字，講錯只有兩個原因，
1. 真係唔識
2. hea, 唔睇真亂讀
兩個原因都足以令我唔洗選lee間學校 ...

BKMami

我小朋友都係讀靈糧, 上年已經畢業! 如果您真係覺得老師讀錯你小朋友個名就等於師資差唔選擇依間學校, 損失可能係你個小朋友.

師資好未必一定唔等於有愛心! 靈糧老師個個都好有愛心, 小朋友返學頭一兩個月適應期, 老師真係一個抱一個再攬住兩個上堂.  最緊要係老師臉上一點煩躁嘅表情都無.

靈糧仲係一間有投訴必回應嘅學校, 家長要求, 學校一定盡量配合.  每一個家長都會緊張小朋友開學後的適應情況....靈糧每位老師都好願意將小朋友響學校的一切回報給家長知.

為小朋友選幼稚園都係希望佢可以響一個有愛心嘅環境學習之外, 都希望可以考到一間好嘅小學.  我小朋友今年已經小一, 上年考小學時, 我哋有家長遇上困難, 曾校長真係會親自出面為我哋班小朋友攞學位.  我估唔係咁多學校校長會咁做.

如果學校真的收你個小朋友, 你再三考慮吧!

原帖由 lamyy 於 10-11-15 00:31 發表
我個女叫旭延，但係就比D老師係咁叫旭廷，其實個“延”字同個“廷”字都唔係D咩深既字，講錯只有兩個原因，
1. 真係唔識
2. hea, 唔睇真亂讀
兩個原因都足以令我唔洗選lee間學校 ...

SingMom

原帖由 lamyy 於 10-11-15 00:31 發表
我個女叫旭延，但係就比D老師係咁叫旭廷，其實個“延”字同個“廷”字都唔係D咩深既字，講錯只有兩個原因，
1. 真係唔識
2. hea, 唔睇真亂讀
兩個原因都足以令我唔洗選lee間學校 ...

我女去年靈糧堂畢業, 我十分喜歡lee間學校. 你唔選係你損失. 不過年年都有人以不同著口去defame(唱衰)學校, 等小d人報名以增加自己子女入讀機會. 不過今年有成千三人報名, 學校原本10月31日截止報名都要提前23日截止, 比人投訴早左截止. 沒辦法, 太受歡迎.

lamyy

言下之意，你係咪想話我唱衰間學校，然後等小D人讀呢？

我冇必要咁做，因為我都未知收唔收，而且我認為收既機會都好微，因為我個女當日表現都唔好！

仲有，我個女個名都差唔多開晒，如果有靈糧堂既老師上BK睇倒我lee個post，心水清既都知我個女係邊個，仲點會收呀？

[ 本帖最後由 lamyy 於 10-11-16 02:31 編輯 ]

七點半

讀錯你小朋友的名字你當然會不開心...這一點大家都明白....不過, 你又可否想一想當日interview有幾多學生呢?? 老師一時睇錯都可以見諒...別要不開心...亦不要怪責老師...靈糧堂都不失為一間不錯的學校...如果小朋友被取錄都不妨考慮一下吧!!!

原帖由 lamyy 於 10-11-16 02:20 發表
言下之意，你係咪想話我唱衰間學校，然後等小D人讀呢？

我冇必要咁做，因為我都未知收唔收，而且我認為收既機會都好微，因為我個女當日表現都唔好！

仲有，我個女個名都差唔多開晒，如果有靈糧堂既老師上BK睇倒我lee個post，心水清既都 ...

ccling69

咁你個女名特別d, 少人用d, 老師都是無心之失, 唔好嬲啦, 同埋d老師都未必會上來看, 就算係睇, 都唔會因為咁決定收唔收, 你當初選呢間,梗係覺得好先報, 睇定d 先啦

GAT

Nowsdays when I look at the name tag of other babies many unusual names I don't know how to pronunce. Its' not the teacher's fault.

Better have psychological preparation of the coming time of the baby's life.

suklan48

其實我不太認同你，讀錯字，我會認同你話佢地d老師不小心，師資好不好不係只睇呢樣野！

PeonyComing

好坦白講, 而家d小朋友改名好多都去搵算命改, 有好多名真係跟音讀, 或者睇返英文譯音o黎讀. 樓主個囡個名其實真係唔深, 不過真係要用心睇一陣先發現. 樓主唔開心當然可以理解, 不過論師資, 我絕對相信呢間學校唔差. 樓主, 唔好因為呢樣影響自己.

slimmum

其實, 我第一次看你個post都好似其他老師, 看錯左, 我諗老師都係冇心讀錯, 只係太多人in. 唔好唔開心la. 可能佢地係看錯多過讀錯.
至於俾人話defame學校, 就真係寃枉左你. 我唔覺得有人會無聊成咁, 講出黎都覺得搞笑.

原帖由 lamyy 於 10-11-16 02:20 發表
言下之意，你係咪想話我唱衰間學校，然後等小D人讀呢？

我冇必要咁做，因為我都未知收唔收，而且我認為收既機會都好微，因為我個女當日表現都唔好！

仲有，我個女個名都差唔多開晒，如果有靈糧堂既老師上BK睇倒我lee個post，心水清既都 ...

moses's_mami

首先 我覺得讀錯名亦未至於要放棄一所學校 你報得唔多唔少因為你對間學校有好感 而且有好多時印出黎既名既字體/大小都唔太清楚 呢樣野既話 亦唔需要太執著 坦白D講你囡囡個名真係特別 因為"延"字比較少人用 老師個下以為印錯亦唔出奇 我仔仔個名有個"本"字 但好多時會被人讀個"木"字 我好明白有時都幾無奈架 會覺得"用腦都諗到會叫呀木既人有幾多丫..." 不過算啦 更正左佢一次 第2次再叫錯 我係唔會應佢架 因為我自己個名亦時有發生呢個問題

另外 見其他家長 不斷講到HKLL有幾好 老師幾有愛心... 所以亦忍唔住 講少少另類野比大家知
我仔仔現正在HKLL讀 我除左特別欣賞佢既內聯網做得好出色 同非常鍾意返學前既自由時間外 我無其他野係覺得好好 而且我亦完成體會唔到老師好有愛心 不只卵一個家長亦留意到有部分老師對小朋友講野時粗聲粗氣 十足軍訓一樣
另外係 我留意到一D問題 向老師提出 希望老師多加留意時 老師會擺出一副"我留意唔到/我唔覺得有問題"既態度同語氣 ......... 另外亦發現有唔少問題存在 所以而家都努力搵緊其他學校轉
老實講 我真係非常失望 我體會唔到大部分BK上講HKLL好既野 可能我係FULL TIME MAMI會留意到較多問題 曾經呢間係我既DREAM K. 當等到佢既後補位時 我放棄左ST PAUL CHURCH同蘇浙既位 但呢刻 我一定唔會向人推薦呢間學校
唔認同我對HKLL講法既人 請隨便發表意見 但請勿攻擊 畢竟你地唔係受害人 你地絕不明白 謝

Twinboys08

原帖由 moses's_mami 於 10-11-17 04:39 發表
首先 我覺得讀錯名亦未至於要放棄一所學校 你報得唔多唔少因為你對間學校有好感 而且有好多時印出黎既名既字體/大小都唔太清楚 呢樣野既話 亦唔需要太執著 坦白D講你囡囡個名真係特別 因為"延"字比較少人用 老師個下 ...

moses’s_mami, 可唔可以講多少少你對HKLL不滿嘅地方啊??? 我個仔依家讀緊嶺南, 上星期同距去IN HKLL, 我都想同距地轉呢間K, 好多BK媽都話好, 同埋老師有愛心, 其實我覺得嶺南D老師都好好, 好有心機同耐性, 只係我覺得距地升小一嘅透明度同結果唔多清晰, HKLL個結果令人滿意D咁, 唔知你有咩意見呢?