越來越氣餒……

FMN

其實最慘係d小朋友，有時諗起都幾心酸，咁細個應該係開開心心嘅年紀，我都係暫時一間offer都無，本來對仔仔充滿信心的我，經過幾間失敗的經歷，有d連2nd Int 都無，心情跌至谷底，仔仔性格乘巧，外形討好,係九龍塘一間唔錯嘅幼稚園次次考第一，我都唔明失敗原因，但事實如此，我開始探討係唔係佢係入面有d我唔知嘅行為或者表現呢，從我多角度發問後，終於聽到d我無諗過會發生係佢身上的事，佢話有時面試時會心痛(我諗係壓力，唔係真係心痛),我即刻問佢點解，佢話驚學校唔收佢，我聽到即刻呆左，好彩忍得住無喊，佢平時活潑開朗，我地自問(係自問，受者可能唔係咁認為）無比壓力佢，但事實上原來佢係咁大壓力，我即刻同佢講你唔會無書讀架，其實已經有一間學校收左你，面試係一種經驗，我想你感受吓面試係點樣嘅，佢即刻好開心咁問我邊間收左佢，我唯有話佢知係灣仔架，而家唔講得住 因為間學校仲收緊人所以唔可以周圍同人講。各位家長要知道就算最後無offer，都唔關小朋友事，係現今社會及教育制度問題。我已決定搬屋抽獎，餘下的佢想Int 就Int, 唔去就算，大家都沒有壓力，或者到時揀一兩間扣門，請大家關心小朋友多些，不要只求追逐名校，在香港你的小朋友一定會有書讀，

FMN

多謝各位鼓勵，大家一齊努力，其實我問仔仔仲去唔去Int, 佢都話去，作為家長的我唯有作最壞的打算，最好的安排. 唔好以為小朋友咩都唔識唔會有壓力，其實佢地咩都知，平時嘻嘻哈哈一d都睇唔出。