ADHD食葯問題...請賜教...(急!)

~仔仔媽咪~

原帖由 77777 於 09-7-17 22:29 發表
嘩, 您阿仔本英文書超深啊, 比佢考起....

我個時打去出版社話佢地唔岩, 點知係我唔夠UPDATE, 而家佢地係咁講枉, 所以有時阿仔蒙查查, 講倒唔清唔楚, 我又驚C佢測驗錯, 惟有打返學校叫老師教番我, 再教阿仔.....

...

我可能記錯,應該嗰隻字係响我仔小三上學期英文書出現至啱,不過我都覺得好深,,,但我仔間學校已經係程度低既學校,仲要我仔嗰班已經係特殊班黎喇噃...唔明點解依家D小學英文可以咁深...==

上年小三亞仔個英文老師已經好好架喇!所以我都唔敢打搞佢,自己唯有查字典睇多D grammer書黎增值咗自己先,暫時我仔D小學英文我都仲應付到,但佢堆小學數學我已經出現學障問題,唔識教仔數學...==

~仔仔媽咪~

原帖由 77777 於 09-7-17 22:34 發表
仔仔媽咪,

您就好啦, 可以問您細佬, 佢地講個D係最常用架, 有時我地講, D鬼佬會覺得怪怪地, 始終響香港, 有時我地係廣東話譯過去....唔係佢地常用的講法....

...

我都唔知問唔問到架...我細佬好忙架!一放假番HK就周圍影巴士(我細佬都係autism黎)...佢番咗黎兩個幾星期都仲未約我呢個家姐出黎逛街...

佢地近美國口音始終講嗰堆英文都係口語化同潮D...有好多時我都跟唔切佢地個tempo聽佢地講野,上年我細佬番黎仲帶埋佢個烏克蘭籍鬼仔老友黎遊HK,個鬼仔係咁講英文問我意見(佢去女人街買tie番工)...我當堂啞咗,淨係識得手指指咋...好瘀!!!

~仔仔媽咪~

原帖由 77777 於 09-7-18 15:14 發表
就算三年級都深呀, 係好深呀.....我真係唔識枉.....

阿仔d數都係c6攪, 我三年級d數開始好曳, 公因, 公倍我都未攪惦, 識過中三時追住個阿sir問, 佢嚇倒走人....ops:" /> ops:" /> ops:" />

...

我細個直頭數學次次考試測驗都唔合格啦!嗰時好慘架!我老豆同大佬輪流捱夜幫我惡補數學,咁我真係聽唔明嘛,就算似係聽得明,我都唔知點解我計極都係錯,結果我細個成日俾佢地打同埋扯耳仔架!佢地教到發哂火,但我計唔到我都唔想嘛!到大個咗生咗個範範都踩既亞仔,同治療師傾開至知原來我係有數學障礙囉!點解早廿幾年前唔興做評估,如果一早估到我係數障,我隻耳仔都唔駛係咁俾人係咁大力扯啦~~~


我依家對耳係有D聽唔到,但又唔係咁嚴重,只係你太細聲講野,我係完全聽唔到...我以前有個醫生老細,佢都頂唔順我對耳,專登走黎check我對耳,佢都話我對耳聽聲弱...都唔知係關我細個成日俾人打巴响耳仔/扯耳仔既原因,定係我以前後生夾band玩打鼓既問題...但我已經無打鼓成五六年LU...

~仔仔媽咪~

原帖由 77777 於 09-7-18 15:23 發表
您細佬返來又多數係週圍玩, 咁又真係好難叫佢坐定定您可以問佢, 遲下先law...我星期六日都好鍾意行下街, 不過, 我好鬼論盡, 交通費好貴, 有樓梯又唔鬼去倒....今日行行下去花墟, 好鬼開心, 撞倒個二十幾年無見的小學 ...

有時我遇到D好耐無見既舊同學舊同事,都會零舍開心架~!

我同我細佬唯一既話題係相機囉!早幾年我買咗部單鏡黎玩,真係好鐘意影相(基本上係影景影仔同影貓...哈哈),咁我細佬至好鬼興奮咁同我傾相機囉!不過幾年後既今日,我細佬已經有幾部大機同好多鏡頭玩,反之家姐都係得部單反,乜都無進步,我就黎俾我細佬叮我出局架喇~~~ 鬼咩!家姐仲有個細既(我仔)要我去搞,得閒死都唔得閒掂部相機啦...

~仔仔媽咪~

原帖由 77777 於 09-7-18 23:19 發表
HA HA, 我真係同您差唔多, 以前中學d數係0-2x分, 不過個時test唔洗比阿媽簽名, 所以無比人打.....話時話, 我個時一開始升上中學最高興的事係測驗唔使阿媽簽名, 而成績表先要, 不過可能大左, 中學媽咪唔打啦.....

我 ...

查實我升到中學都開始無再俾人打,不過大佬真係俾咗好大壓力我囉,查實依家諗番都知應該點對付我仔,實情我地班仔唔可以立亂迫既,好似想當年我都會成日諗,查實D大人同我好好講,我真係會聽囉!反而一句垃圾兩句話你成PAT屎咁,我就算好知佢地係關心我好心痛我讀書唔叻,但嗰D說話都會好影响到我,唔係影响到我會勤力讀書喎,而係令我自己認同咗我真係一PAT爛泥黎,同埋真係壓力好大,大到怕咗讀書...所以我媽依家都覺得當年咁講係好對我唔住(我媽同我大佬係同一類人),當然我會同我媽講話唔好擺响心度啦,但講真佢地當年喪踩又迫,的確好嚴重影响到我對自己既睇法,我無自信又同時覺得自己無用好廢,都係皆因咁多年日積月累收到咁多惡評而成,問心我真係一直好努力做好自己,但永遠做唔到excellent,我會覺得自己個質地唔好囉.所以有時我教仔都係會留意用詞,幾惡幾嚴都好,千祈唔好講埋D好負好涼薄既說話黎打沉佢.

~仔仔媽咪~

原帖由 77777 於 09-7-18 23:22 發表
唔緊要啦, 您細老係影相叻, 不過湊仔一定係我地叻....佢唔洗花時間教小朋友係多d空閒時間, 而且多數係女人教架ma....不過, 我地多d親子樂law....

我細佬依家就係咁LUR我買鏡頭玩囉!不過真係未有工番又無收入,我都唔諗住買咁貴既野黎玩,況且我又唔識,費時買埋買埋D唔等駛既野番屋企啦.

依家我教緊我仔做英文暑假功課,就黎嘔血....我仔有好多都唔識,連do does don't doesn't都唔識分又唔識用,依家我都係咁額外俾D習作佢做,教佢點用呢四隻字...

~仔仔媽咪~

原帖由 77777 於 09-7-20 12:19 發表
阿媽個時係無mud比壓力我, 我之前係有補習老師law....可能我阿媽生左幾個, 又唔會emphasize去晒我度, 細個須然阿爸好早c, 不過我個童年係好快樂.....唔係特別有d mud野物質上面, 不過, 就係我地成日有得出去單位外面 ...

查實我本身唔係着重俾人讚囉!根本我好怕俾人讚,一有人讚我就會好不知所惜,唔知應該俾咩反應人,,,但就係唔鐘意俾人狂踩囉,咁講真我對自己都好高要求,你仲要加把口埋黎話我唔掂成PAT野咁,我覺得你唔講野已經當幫忙囉!講真我唔鐘意人干涉我做事,總之我唔係學壞嗰D人黎囉.大致上我就係覺得我係呢類人黎.你唔駛讚我,但亦唔好踩我.

~仔仔媽咪~

原帖由 77777 於 09-7-20 12:25 發表
相機我唔多識, 不過好似可以玩倒好貴架, 我只係識玩d傻瓜機咋.....

慢慢來啦, 有時grammar初時我都教倒嘔血架, 佢係未掌握kick住左law.....不過如果佢係明左就會快好多....

...

唯有係咁諗啦...今日都係咁要佢做暑期作業架喇.我噚日都又買咗兩本英文grammer習作,我老公當堂又O咀...不過無計啦,依家暑假買呢D習作平D嘛,有得八五折,還掂我教我仔小三同小四英文都係要用到,所以係咪都買咗番黎看門口先.

~仔仔媽咪~

原帖由 77777 於 09-7-20 18:42 發表
我都係咁話, 有時d人真係唔出聲就當幫忙啦.....我都唔駛人地刻意去讚, 不過, 您如果踩我, 我真係會好反感, 我嫁之前唔會有人踩我架....嫁左之后就....不過, 有時再睇清楚d, 世界上面一定會有呢類人LAW.....自己采少D ...

都係架,,,嗰D無啦啦踩你嗰D人實情佢地係好自卑!不過我知我媽例外既,佢只係恨鐵不成鋼又緊張我地成績,所以下下都用激漲法囉,但實情佢就係唔知咁樣我會更加衰更加無用...

~仔仔媽咪~

原帖由 77777 於 09-7-20 18:44 發表
我D作業係阿妹比唔洗買, 不過, 真係PRACTISE MAKES PERFECT.....每日練習D, 日子有功....

無計啦,我全家人係得我結咗婚生咗仔,我哥都仲未嫁~~~
不過都係要練,就算唔係求進步都至少唔好俾佢一個暑假就PEA哂又退哂步咁啦...所以我至唔懶得...一定要堅持.

~仔仔媽咪~

原帖由 zater 於 09-7-21 15:04 發表


我發現佢執筆手勢有問題, 所以寫字寫得唔好, 依加執緊佢手勢...
心機...開頭 3 幾分鐘就有, 之後見佢已經遊黎遊去

你囡囡係咪寫字無力同埋執筆有問題?你試下响呢個暑假每日叫佢响牆度貼張紙抄字啦!唔駛多,D字格可以俾佢寫大隻D都唔怕,中間又可以叫佢畫線條,等佢手眼協調到,而且可以糾正到佢執筆既問題,你試下呢個方法啦,呢招都係嗰時我仔做物理治療時做過,我仔都係去到小學二年班下學期至寫到字咋,依家完全無問題,只係差在筆順問題囉.同埋呢招我都教埋我嗰位開中心既朋友,佢嗰度有個女仔又係寫唔到字架!連線都畫唔到,又無力又打哂冷震,結果用咗呢個方法兩個星期後,係好樣咗好多囉!至少個小朋友終於可以好有力咁寫個"2"字.

~仔仔媽咪~

原帖由 77777 於 09-7-21 17:17 發表
您講開執筆手勢, 阿仔都有呢個問題, k3已發現, 唉, 不過改唔倒, 我試過買粒寫字膠比佢用, 但唔得....

除咗叫佢响牆度寫字外,又可以整番本BOX FILE(即係平時OFFICE用嗰D硬皮FILE呢...),個file有個斜度,矮嗰邊向住自己,咁樣打斜咁寫字做功課,都可以改善到佢寫字手勢問題架.

~仔仔媽咪~

原帖由 77777 於 09-7-22 21:37 發表
唔該晒呀, 呢個我可以試下, 好容易咋.....

唔駛客氣~~~有好野梗係共諸同好架啦!同埋呢期我教小朋友教上癮~~~~哈哈!

~仔仔媽咪~

原帖由 zater 於 09-7-23 01:06 發表


早 2 個星期, 我買左 2 塊 white board 仔後面有磁石架, 依加貼左o係雪櫃度, 原意係比佢地畫公仔, 阿女默生字用, 依加又多一個用途喇

都係架!你唔駛話俾囡囡知點解,你總之當若無其事好似同佢玩一個好有趣既遊戲咁叫佢多D咁樣寫字同畫野,日子有功,實會有番多少改善既~~~

~仔仔媽咪~

原帖由 zater 於 09-7-23 01:08 發表


呢個方法都好喎, 我都無諗過 tim

呢個都係嗰D物理治療師教我架咋!!!完全根治到"7字形手'既問題(D小朋友無力寫字實會咁)...!閒時叫佢做功課都照擺個BOX FILE墊一墊底,等佢慣咗就唔駛架喇!

同埋如果要練番手既張力(呢樣同有無力寫字好大關係),你試下多D帶佢去公園玩多D攀爬既活動啦,同埋仲有好幾個小訓練可以做既...不過暫時做住呢D先,做到咁上下再加多幾項等佢手會有力D.

~仔仔媽咪~

原帖由 77777 於 09-7-26 22:40 發表
我叫阿仔試, 不過佢重未肯, 都係要慢慢tum.....

今日同佢去食野, 佢行開左去玩電腦.... 咁幫佢叫甜品係cheese cake, 佢返來后, 我地講比佢聽, 佢好忟咁話唔食, 咁個甜品來之后, 我地覺得唔想浪費, 叫個waiter收返,  ...

咁講真HYPER既小朋友都會講大話既...我仔都會講大話,不過睇您囝囝係咪之前玩電腦玩到心情唔好所以至講反話?如果我遇到我仔有咁既情形,我係唔會理佢,同佢好FIRM咁講到明頭先我地係聽到佢自己話唔食,依家佢無啦啦又話要食,係無得食囉,由得佢自己發脾氣甚至喊,等佢知道下次自己講野要小心D,唔可以一時一樣.

我會覺得我地呢班小朋友個人本身好混亂,所以我地班父母同大人一定要好FIRM,唔可以同佢一齊亂,俾番條式佢係整整齊齊清清楚楚既,佢地反而情況會好番D,無咁亂籠囉.

~仔仔媽咪~

原帖由 77777 於 09-7-27 14:20 發表
唉, 我c6佢覺得好好笑重la la lum叫個仔同waiter哥哥講再比過佢, 有佢一日, 我一閙個仔就會比人閙, 不過, 我又好清楚到某一日, say 阿仔到17歲, 佢又會突然話阿仔點解咁樣.....

根本唔係無la la.....

...

咁又係...你隻佬鍚仔鍚成咁...D佬係咁遲鈍架喇...永遠都係後知後覺,叫佢唔好咁做時,永遠都唔聽,LAI哂野時至無聲出...

我隻佬咪又係咁..嗰時已經叫住佢唔好'介紹'個仔睇漫畫書,佢係咁猛話俾D公仔書個仔睇,個仔會容易D認中文字,結果個仔衰到學哂漫畫書D衰野,我隻佬都頂唔順,依家我教仔佢至無聲出,唔敢干涉咋. =.=

~仔仔媽咪~

原帖由 77777 於 09-7-28 21:15 發表
我隻c6重未覺唔妥, 先最唔妥.....

又到七月尾, 重有一個月放暑假, 阿仔重係日日都響度hea....不過我自己都無mud心機去dick起心肝同佢溫習.......都有d驚驚地佢收唔返....

...

咁你都好弊吓,隻佬一日未開竅,你隻佬都會成日阻住你教仔...不過盡量啦,至少你隻佬都係鍚個仔,都有好處既.

淨番一個月真係要幫個仔收拾心情架喇,我年年暑假都係一去到八月我就開始執個仔D衰野,事關如果去到臨開學嗰幾日至執,個仔又辛苦,做亞媽既仲辛苦!

至少都先執下佢瞓覺同起床時間,等佢慣番早睡早起,到開學時都無咁眼訓同攰啦.我仔仲未做完暑期作業,,,遇啱我下星期二自己又要考試,呢個星期我都唔敢教佢做暑期作業住,教得佢黎自己又無時間溫自己D日文,所以呢幾日我都係日日叫個仔抄小四英文上學期本書D英文咋...至少依家佢識拼音標,唔駛我下下教住睇住,佢讀住字咁抄,我都唔駛睇都知佢識定唔識...下星期我考完試又要跟番佢暑期作業同英文grammer,又係忙到爆!

各位靚媽,我地真係要努力加油喇!!!ADD OIL!

~仔仔媽咪~

原帖由 achow 於 09-8-17 17:55 發表
Dear All,

My son ate CONCEPTUAL 28mg for 4 months. Not too much side effect, but he is getting thinner and thinner. Last saturday I bring him to see the Dr and Dr said he lost weight compare to last  ...

查實我都仲掙扎緊好無八月尾覆診時要求醫生改開concerta俾我囝囝食,實情我擔心既唔係side effect,而係怕隻葯會越食越大劑量,怕過多幾年無葯可以控制到佢既失控.

至於您既問題,查實我想問,你係咪連暑假同放假囝囝唔駛番學時都照俾囝囝食葯?如果係,不如試下逢放假或者响屋企唔駛佢食,等佢可以有番個drug holidays,因為我朋友囝囝都係食concerta仲要係最大劑量嗰隻,我朋友都係趁住放暑假或者假期就唔駛囝囝食葯,乘機俾佢食多D吸收多D營養,同埋同時都俾身體休息下,等身體無咁快適應D葯效囉,咁樣我覺得會好D.

當然都希望有其他有經驗既媽咪可以教路啦,至少都知好無轉葯定應該點做.希望幫到您啦.

~仔仔媽咪~

原帖由 achow 於 09-8-19 13:41 發表
I talked to the Dr before I start to take the pill (Can I stop it when is summer holiday or Christmas holiday?). The answer is: If you take the pill in this way, the medicine will never work on kid. S ...

查實每個醫生講既都唔同,有時真係好難去知放假應唔應該俾囝囝食葯囉!不過以往我囝其他醫生所言,如果長期食同一隻葯,身體係會適應咗,結果D劑量會越食越重囉!所以我一直都只係我仔番學時至會食葯,放假就唔俾佢食,等佢有得休息下,同埋俾多D時間佢學下試下靠自己力量黎控制自己言行,始終我都會怕佢會不知不覺間倚賴咗隻葯囉,所以我都係只限佢番學時至食,其餘時間就唔俾佢食葯.