ADHD食葯問題...請賜教...(急!)

~仔仔媽咪~

原帖由 hamburghkg 於 09-7-7 22:54 發表
你哋好, 想請教一下, 小兒今年8歳, 今天到亞皆老街做了評估,屬于智商是:優異智能但有專注力失調及過度活躍症。
要轉介到精神科, 想問 小兒全校考25/96 成績並不太差但上堂不留心, 常唱歌, 發出怪聲, 排隊搖動不定... ...

食葯會好D囉...至少佢個人定D,一黎少咁D投訴少D騷擾到人,二黎會易教好多.同埋佢做咁多怪異動作同發怪聲,查實學校裡面D小朋友把口又唔收,好大機會會笑你仔,咁樣又係好影响佢自信同佢個人形象...

咁葯都分兩種,同埋醫生都係依小朋友响學校既情況同表現而開啱既劑量,我諗你囝囝無打人同情緒失控既問題,讀書又OK,我諗醫生都只會開最細份量俾你囝囝食.

葯嗰方面唔需要太擔心副作用既,嗰D列出黎既副作用只係個別有可能發生而唔係一定會發生.好似我仔食咗年幾葯,佢不但無副作用出現,而且照樣食得玩得瞓得,仲要呢一年佢係明顯又肥咗又高咗好多.除非你係俾囝囝食concerta而非ritalin,否則我聽番黎既結果係有好多小朋友食ritalin係無咩副作用跟身既...但ritalin葯力一過時,嗰下反彈會好大,會仲衰過未食之前,而concerta係長效葯,唔駛一日分幾次食,朝早食一次就足夠,同埋就算葯力過咗,都無咁反彈囉.依家我就係考慮要求醫生轉concerta俾我仔番學食.

~仔仔媽咪~

原帖由 77777 於 09-7-7 22:21 發表
您咪好law, 您阿仔care您, 我阿仔而家都成鬼日fing luc我架, 所以我成日叫佢帶電話響身可以比我急call佢呀...

頭先又同佢同c6一齊出街, 本來落車, c6叫佢拖住媽咪, 點知佢一見倒地下有隻小強, 佢啦啦林fing鬼luc我 ...

我仔响街見到小強都好大反應架!不過佢唔係自己彈開,而係好鬼大力咁扯我同MIT我又大叫...差D搞到我重傷~~!!!有時我唔太鐘意我仔小事情但過大反應囉!小強之嘛,夜晚一街都係,驚得幾多,D小強見我地人類咁大份,咪仲驚我地!我地一個唔小心都踩扁佢地啦.

~仔仔媽咪~

原帖由 loklok0104 於 09-7-8 10:01 發表


仔仔媽咪,

感謝你既教路, 指點及安慰, 我會努力嘗試.

我其實係唔可以唔做野, 真係家家有本難言的經, 我生細仔時, 老公已經好反對, 但因為我既堅決, 佢亦無辦法, 但佢已經常俾壓力我(經濟上), 我仲要 ...

都明白您既,查實我呢十年都係為咗個仔但又同時因為經濟唔好而成日番工辭工又再搵工做...但次次番工無耐,個仔就會有好多問題發生,搞到份份工做唔夠一年兩年就要QUIT,要全時間睇實跟實我仔,咁我仔至稍為穩定番同進步番,,,

或者如果唔能夠全職湊細仔,試下當你放工放假既時間自己全程湊番細仔,把握番多少少時間去訓練下佢,咁樣都會對佢有幫助.

同埋都唔需要俾太大壓力自己,試下當同自己比賽或者學下野咁既心態去教細仔,唔好諗個細囝有無問題先,逐步黎,先解決咗佢講野問題,試下從最簡單既日常事物開始教起,等佢自己又學下試下講,然後至俾野佢,查實小朋友既脾氣,當佢地講野叻番既時候係會明顯好好多,平時如果佢扭得勁時,可以先唔好咁急去抱佢理佢,等佢喊完自己安靜落黎,當無事咁再理下佢同佢傾下偈又玩下,等佢知道佢咁扭計係無人會理佢,佢會用少呢D方法黎引人注意.

唔駛太擔心囉,even我仔有咁多問題,但我仍堅信我仔係神賜俾我既最好禮物,呢個世上有個人仔咁在意我咁緊張我亦咁需要我,查實係一個榮幸黎,至少自己都响呢個世上有作為,有人需要我存在.

如果真係擔心細囝有問題,可以及早搵醫生黎同細囝做個評估,及早發現佢問題所在,早D去做訓練,對佢日後成長表現都好大幫助架.

加油啦~有咩你都可以响度同我地傾,至多我地大家一齊諗計仔去教好你細囝囉~~~唔駛怕!

~仔仔媽咪~

原帖由 77777 於 09-7-7 23:42 發表
我仔見小強就係反應大過龍, 佢係跋腿潛逃, 唔理阿媽.....

您阿仔好好笑, 佢真係好驚好肉緊枉......

我細個時阿媽成日用隻小強同我開玩笑, 佢直情mit luc佢個頭, 我而家諗起都打冷震.....我對小強有恐懼症 ...

小強同米奇查實我都有少少驚驚地,但又未致於驚呼狂叫囉~~~但如果俾我見到嚴蛇,我實癲咗都似~!

~仔仔媽咪~

原帖由 77777 於 09-7-8 21:09 發表
我係最驚小強, 我媽咪就好驚四腳蛇啦.....

我試過初時搬來呢度, 因周圍重好多地盤, 咁有好多小強, 我仔竟然話係雀仔飛左入來, 咁當我好開心準備去捉呢隻雀仔, 一睇原來係小強, 我嚇倒卜左落地, 撞鬼瘀左tim呀, 個次 ...

我仔都係咁架!知我怕四腳蛇嗰D,佢有時响街見到有條,佢會捉我去睇,跟住仲手指指話隻四腳蛇好cutie!我就真係想Kill him(我仔)喇!!!我仔仲試過拎埋部相機影俾我睇添...我淨睇相已經毛管棟~~~!!!

~仔仔媽咪~

原帖由 77777 於 09-7-10 00:09 發表
您阿仔都好鬼鍾意整估您枉.....不過, 通常係如果您好驚一樣野, d人就會拎呢d來整估人....

我媽咪講返比我聽我細舅父知媽咪最驚四腳蛇, 佢將條c左的四腳蛇放左響我塊尿布底, 嚇倒佢c....

我細時媽咪就用小強來嚇我, ...

基本上我怕四腳蛇都係我童年陰影黎架~~~嗰時我細個成日俾我大佬嚇我架!又話四腳蛇條尾會斷,仲要彈入人既耳仔裡面,結果我由好奇變成好驚...到依家都仲未克服到呀...

~仔仔媽咪~

原帖由 77777 於 09-7-10 18:58 發表
原來童年陰影可以咁犀利架, 我係唔怕米奇驚小強, 都係媽咪嚇鬼我咋, 我細時連蜈蚣都唔驚架, 成日捉草蜢, 蝴蝶, 細時去d寺院, 有d水池有時有水蛇, 我差d跳鬼左落去捉佢, 阿妹就跌左落水....同佢一齊游水..... ...

我真係除咗四腳蛇外,其他蛇虫鼠蟻都唔驚~!

我呢幾日忙到爆哂燈呀!個仔星期四買咗小四書番黎,我就開始埋首整定D溫生字紙俾佢溫...因為我八月頭自己又要考試(日文嗰度),我都怕自己呢次會肥佬,,,淨係教仔都唔夠時間俾自己溫日文....好大鑊...!!!

不過好彩音標嗰度,我仔開始識識地點併,呢兩日叫佢試下自己併讀小四英文第一課既生字,我上yahoo check哂D音標,要佢即時試讀,結果有好多佢都識得點併,係無咩自信心去讀出聲啫!不過都真係幾有幫助,依家教咗佢一次D字點讀,佢自己又併埋,之後佢都唔駛再問我,自己已經識得讀啱個字黎抄寫,希望等佢熟咗音標後,D英文字真係會易記入腦好多啦.

~仔仔媽咪~

原帖由 zater 於 09-7-13 19:45 發表
仔仔媽咪, 77777,

評估方面, c6 揀左兩個地方, 一個係鄧博士 (唔想打晒成個名), 另一個係明x , 鄧博士果度較忙, 7月份可能插唔到期做, 而x愛果度已約到期, 佢地話首先會有心理醫生同小朋友傾計及做小測驗, 憑經驗知 ...

明X都有人講架!都算出名,如果你比較呢兩間,比着我都會屬意明X多囉!至少正如你所言,我地唔駛盲盅盅唔知評乜好嘛,有個醫生做決定,始終會好D,我地無咁亂.

會唔會係佢本身唔吸收呢?有無問番健康院醫生?問下醫生意見,睇下有咩方法可以谷番肥佢同整高佢囉!試下留意番佢D飲食,睇下有無得可以改動下,等佢吸收得好D.我老公都係咁架!佢好鐘意食甜食,又成日一餐食兩碗飯又夾好多餸,但就係唔高又勁瘦,,,由我識佢到依家,我老公都係徘徊响110至115磅,淨係响我大緊肚陀住我仔時,佢至試過120磅... 我係完全可以揹住我老公周屋走囉!反之我成百三磅,我隻佬從未抱得郁我...真係!!!

[ 本帖最後由 ~仔仔媽咪~ 於 09-7-14 00:05 編輯 ]

~仔仔媽咪~

原帖由 77777 於 09-7-14 01:23 發表
我係今日先開始執D書咋.....DUM左D舊書.....遲兩日要開始包書啦.....

您好鬼勤力呀, 我重未開始同佢睇, 諗住都係遲D先, 同埋好驚同佢睇晒D書, 佢上堂會更遊魂....我多數同佢拎D 出面的EXERCISE來做下咋....

阿仔呢 ...

真係無得我唔勤力...個仔大把野要我同佢大執,上星期四買書同註冊時收埋下學期考試成績表,原以為呢次我咁樣地獄式同佢溫習,佢會有進步會高分D,點知仲衰過上學期囉!仲要操行跌到得C-(鬼咩,打爆咗同學個頭,唔俾F咪算係咁囉),仲要老師評語嗰度話佢雖則英文有明顯進步同埋有勤力學習,但守規有欠改善... 睇到我無乜心機,問個仔做咩考得咁差,原來條友仔考試做卷做得好慢,份份都做唔哂囉! 呢樣我都研究緊點訓練佢寫快D唔好遊魂遊出公海...大家有乜好提議...?咁多野要我大執佢,我都想C!!!

~仔仔媽咪~

原帖由 77777 於 09-7-14 10:32 發表
慢慢來啦, 有時您阿仔呢d佢都唔想架......我地只有係盡量提啦.....您阿仔考試時可唔可以之前再請d老師一路提住阿仔叫佢唔好停架??? 阿仔的老師每次都提阿仔架....  有時小朋友做唔晒未必係遊魂, 其實係比一二條唔識 ...

唔講真係唔醒起個仔會係咁,等我教定佢先做好哂自己識嗰d先,等佢唔會kick住咗响度唔郁...同埋我諗我真係要set好時間限住個仔完成一篇習作先,等佢有番個時門觀念.

~仔仔媽咪~

原帖由 zater 於 09-7-14 15:16 發表


上次有個職業治療師哥哥教, 一定要久唔久拍下佢搏頭, 佢會繼續, 如果唔係就會出左公海, 相信呢樣要老師合作至得.

我都希望黎緊小四個新班主任同其他科老師真係可以合作到啦...好怕遇到D唔肯同家長溝通,但又搞唔掂我仔既老師...

~仔仔媽咪~

原帖由 77777 於 09-7-14 23:08 發表
我阿仔都飲甜野架, 不過限住law....

如果您個仔係超鍾意食糖, 咁如果您想佢達成d mud野, 咪用糖來做獎勵law, 不過一日真係唔好太多....同埋真係唔好買....佢無得食, 有都收到佢拿唔倒....

如果可以完全唔食, 可以 ...

係啦,甜野真係可以戒得就戒,但事實真係未必可以完全叫個仔以後唔食囉!我仔都係勁鐘意甜野架(我諗ADHD小朋友大部份都係咁),尤其鐘意食朱古力,連我仔自己都話,佢咁鐘意食,皆因佢食咗朱古力後,個人會好開心架!連佢自己都咁講,所以都好有理由相信嗰D甜野(尤其朱古力)真係會令佢地更HIGH,所以可以既至少都先戒咗朱古力先囉,我仔就係LAI咗好多次野,我仔淨係見我喊都見到佢驚,依家佢先自動自覺幫自己戒咗朱古力同埋可樂,可樂佢真係可以完全忍到唔再飲,但朱古力有時佢都會忍唔住見到就好想食,嗰下我都要狠心D囉,費時我呢頭心軟俾佢食少少,嗰頭佢又出事,又是搞到我同個仔唔開心又俾人鬧無家教...

~仔仔媽咪~

原帖由 77777 於 09-7-15 19:27 發表
我阿仔就唔係太食糖, 朱古力但係佢一定食早餐同午餐都要凍檸茶, 有時好辛苦先限倒佢飲一盒架.....同埋佢又勁鍾意d濃味野.....我都好難改佢的口味, 不過係少d煮好似curry個d野....

今日同佢睇左哈利波特, 又同佢換埋 ...

我仔係主攻朱古力囉...其他甜野都好鐘意,包括汽水同埋你囝囝都愛既檸檬茶....我仔之前又係一日一包架!呢樣真係好難同佢戒,完全一D甜食都唔俾佢食,又覺得佢好慘...因為佢唯一愛食都係甜野,平時我又管佢咁多又食住佢,如果連呢D最後娛樂都唔俾佢,我怕我仔真係抑鬱,而唔再只係我抑鬱囉~~~!


我都仲未睇添...依家實在太多戲上畫,睇都睇唔切...你就好啦,個仔連咁厚既potter書都照睇哂成本,比着我仔去睇,我諗佢老早拎咗本書去墊煲底LU....

~仔仔媽咪~

原帖由 monteazul 於 09-7-15 23:40 發表
下curry都唔得?　我個仔又勁愛吃姐姐烹的萄國雞喎!　　慘拉

話時話我仔都係呢年開始沉迷食咖喱...等我又黎同佢戒戒先...

~仔仔媽咪~

原帖由 77777 於 09-7-16 10:42 發表
我仔重有好鍾意薯餅, m記個d, 不過, 我而家響凍肉店買用焗爐焗無咁油就算, 有時比佢做早餐.....我都唔可以完全禁佢, 佢會好似好慘咁, 其他零食, 佢又無mud架....不過, 佢係真係鍾意d濃味野.....

其實佢由細開始我多 ...

我仔又係勁鐘意食M記薯餅架~!佢試過有排公公湊佢,日日朝早就去M記嘆薯餅,公公仲勁,一俾就俾三塊薯餅我仔食~!!!係到我話鬼我仔,咁至正常番一人一塊咋!不過基本上我仔係好鐘意食薯仔既.

可能本身你英文好,你囝囝又接觸得多所以唔驚英文,所以至讀到英文既小說,,,我仔暫時未有咁既功力去睇,唯有教佢認多D英文生字,我至再試下教佢讀英文書...話時話我都買咗好幾本响樹封塵,因為個仔未到level讀...

~仔仔媽咪~

原帖由 77777 於 09-7-16 17:53 發表
我個仔都係好鍾意薯仔架.....d餸如果一有薯仔佢都唔放過架.....

查實我真係好失禮, 我英文都係麻麻地架咋.....我都係查字典, 真係查倒頭暈.....不過, 係阿仔有學公文, 所以佢儲左好多生字, 可以估估下睇倒本書...佢 ...

我查實英文都好唔掂架!聽到但講唔到囉!早十年前你叫我講仲得,但呢十年真係無咩機會用到,我太耐無用,依家等於唔識英文,依家都係靠同個仔溫書邊教邊自己溫番咋.我噚日連this同that都唔識分.^^:

~仔仔媽咪~

原帖由 77777 於 09-7-17 17:34 發表
您係因唔洗用住姐, 但都聽倒....我真係唔多惦.... 我有好多grammar都唔記得, 係阿仔要做exercise我先學返....重有, 有d grammar係唔同左我地個時....佢地話 a cola唔係 a can of cola, 其實我真係以為 a cola係錯,  ...

新式英文...呢D咪大鑊囉,搞到我地班家長由頭再學過,同埋我地嗰個年代讀書D生字邊有咁深先得架...我仔小二本英文書,竟然已經要默'盲人突字'個英文,我當堂O哂咀...!

~仔仔媽咪~

原帖由 zater 於 09-7-17 19:11 發表


英文我都好唔掂, 阿女二年級 d 英文仲可以, 我諗三年級果 d 已經好有難度, 特別係 grammar

所以我買埋買埋都有幾本英文grammer書囉!基本上唔係俾仔睇,係俾我自己睇....="=

同埋適逢我自己依家學緊日文,有時我都將日文嗰D文法套落英文度解釋俾我仔知...直頭將我日文老師既講法轉番英文文法黎講,咁都易D同我仔講解既...

~仔仔媽咪~

原帖由 monteazul 於 09-7-17 22:14 發表
個仔依個暑假去補grammer先知佢咁差, 依家要一個星期補兩日! 希望趕上升小三啦!

小二嗰D英文grammer都未係太深,都仲可以追得番既~你試下同佢做暑期作業時先同佢解哂題同埋查哂生字,教完佢嗰頁既文法之後先至叫佢做,做完你對番啱唔啱,唔啱再同佢講解多一次,咁樣囝囝會易入腦好多囉,否則佢地似明又唔明咁去做,佢地會好迷惘架.

~仔仔媽咪~

原帖由 zater 於 09-7-17 19:13 發表


我都覺得依加果 d 同以前學果 d 有唔同, 不過既然依加 d 書係咁教, 唯有自己都學埋 d 新式英文喇.

無計,依家香港都傾向於美式英文,有別我地嗰個英國統治年代既傳統英式英文囉,依家聽出面人講英文,我都唔係咁聽得明,聽完我都仲要記入腦响腦度將人地講嗰幾句解迷題咁解,估估下至估到佢地係講乜!

依家我細佬由加拿大番黎,睇黎都要搵個機會請教佢英文...="=