香港靈糧堂放榜喇

littlefaith

小菲菲9月尾出世，屬細女，本來諗住靈糧堂面試打定輸數，或者真係天意，小菲菲面試嗰日表現OK，所以一知道入到am班，真係好開心。(其實我哋只係報咗呢一間，冇報其他，因為只想報靈糧堂，真係破釜沉舟、背水一戰   )

自己有啲同事嘅仔女讀過靈糧堂，都話個細路到小學時，英文都唔太大問題。衡量過自己個女嘅性向，屬活動型，唔適合用「填鴨式」教學，所以會揀靈糧堂。

其實有好多同事、朋友嘅BB，就算讀根德、St.Cat，都要靠自己或出去補習補好啲英文。講真，教英文係唔可以完全靠哂幼稚園。英文要好，除咗幼稚園，其實家長自己都應該响屋企，設英語時段，同小朋友講英文 (當然，suppose家長都可以用英文溝通)，而唔係去靠填鴨式幼稚園或補習班催谷。

揀靈糧堂幼稚園，主要係唔想個女咁細個就要好似考試機器咁俾幼稚園操，咁小朋友會好易冇哂求學意慾。我自己教咗咁多年書，好傷心見到好多學生由小學已經失去求知慾，讀書好多都係為咗entertain爸爸媽媽(望子女成龍)，連點解要求學都搞唔清。我唔想自己個女會變成咁。

esmehouse 寫道:
clara321 & clarachel

聽好多媽咪講話 LLC 既英文冇咁好，多數都要自己出去補架，但英文真係好重要，所以仲諗緊

littlefaith

Hello ShirlinaWillis,

很高興認識你。你囝仔入上午班？是嗎？
希望小菲菲可以同你囝仔做到同班同學
這是我們的MSN，有興趣保持聯絡，好嗎？

[email protected]

Little Faith Mom & Dad

shirlinawillis 寫道:
hi little faith,

我個仔都係9月尾出世, 今日checked巳經accpeted by Ling Liang Church.  我地兩個小朋友有機會做同學仔.

littlefaith

Hello, lionly,

咁橋，我個女都係9月尾出世。   LLC 係我哋 First Choice。(所以放榜後，得知佢哋收咗個女，就唔再報其他學校… 至今只報咗LLC一間，都算risky   )

其實真係唔知LLC用乜嘢criteria嚟分am/pm，我甚至諗唔
到佢哋响邊啲地方計分。我當日响校長唱歌時，遇到同一組另一個小朋友，表現好smart (個人感覺)，有反應，又乖，又有禮貌，但後來得知呢個小朋友只列入waiting list。

內子認為，其實好多人以為校長嗰part計多啲分，實則佢哋好多估唔到嘅地方可能都有計分，例如响其中一個環節，好多小朋友坐响房，有一部電視機擺响前面播緊片段，但老師就一早出咗房，只留下家長，仲要其中一個(如果有兩個大人帶個小朋友嚟嘅話)一定要坐開，我哋就咁等咗五分鐘，期間有小朋友走咗出去電視度跳，要大人出去捉住。我哋都唔知點解要咁樣等，Interview之後，內子忽發奇想：可能呢度都有老師俾分 (秘密地)。

不過，我哋都諗，可能LLC想見到小朋友最真嘅一面，所以佢哋應該唔會只靠面見校長同老師兩個環節俾分，甚至可能响玩具室玩緊玩具時都有人俾分。

當然，點俾分其實都唔重要，我哋當天其實都以平常心面對。相信佢哋咁耐歷史，咁耐經驗，點都有辦法揀到佢哋認為合適嘅學生嘅。