坑真vs民生

tam_bb

小女現正就讀坑真K2。校長、老師們很有愛心。小朋友很喜歡返學，連放假或打風停課時，也說很掛住老師、想返學。坑真不是主打「谷學術」，是著重德育、希望小朋友喜歡上學、愛學習。K1＆K2英文一星期一堂NET，K1下學期開始教少少phonics ，現在我囡囡k2下學期，已經喺學校學咗9成letter sounds。K1＆K2普通話一星期一堂，最近K2下學期，見我囡囡講俾我聽「a」嘅四聲，應該係開始教普通話拼音。功課方面，K2上學期開始有少少功課，K2下學期就差不多日日有功課，但功課量合理，通常每日1－2樣。或者會有家長覺得坑真教得慢，其他私幼已經一早教哂，但我就覺得ok，學校係因應小朋友年紀施教，教嘅嘢係佢哋嘅能力範圍之內，令佢哋有自信。