「鄰舍輔導會新翠育嬰園」媽媽吹水站

winwin815

係喎, 好平喎, 唔知可唔可以咁安排呢, 晏d打比主任先得

winwin815

maman, 我都估到架啦, 不過即管傾傾先

winwin815

尋日放低阿囡比老公睇住, 我去左返工, 好唔慣呀, 阿囡仲有幾日就要返學啦, 我依家諗諗下, 都係算啦, 唔諗咩野日托啦

winwin815

其實好慚愧, 我仲未好有miss囡囡既感覺, 或者因為呢個幾兩個月以黎, 我一個take care囡囡, 有時真係好手足無措, 我只感覺到勞累, 有時囡囡喊, 又唔知佢想點, 餵人奶方面, 佢又食得密而耐, 所以一d都唔enjoy, 當然囡囡依家差不多兩個月大, 會對住你笑, 望實你, 對你講野有反應, 開始覺得對囡囡既感覺大左, 不過個日第一日返工, 真係有少少抖到氣既感覺    

至於囡囡返學, 我好相信佢會好開心, 因為有好多朋友仔陪佢

winwin815

今日約左幾個bk既mami黎個bb gathering, 總共有8個bb, 4男, 4女, 嘩..好鬼攰, d bb逐個逐個喊, 咁就逐個逐個餵奶/換片, 我當時諗, 托嬰所d姑娘真係勁, 一個搞掂咁多個都得....

仲有幾日, 阿囡就返學啦, 好緊張, 我已榮升做鍾小朋友既家長 hahaha

winwin815

我個女好似係細b組, 你地呢?

winwin815

係呀, 主任都話我個囡係最細個個

winwin815

我阿囡聽日返學啦, 好緊張呀, 今日返屋企時, 見到有個麻麻/婆婆推住架bb車, 入邊有我地個書包仔架, 唔知會唔會係你地d bb呢.....

winwin815

ae, aiya....我又冇留心睇下有咩野特徵添

今朝好"呢hair", 阿女興嘆奶, 餵個時又唔比心機, 放低佢又喊, 我又要換衫, 又要幫佢清潔下, 仲要執野, 好彩老公係到, 但係都搞到8點9先出到門口, 搭的士過去, 剛剛好, 但係我老公居然唔比我望下個囡, 就比老師抱走左...

winwin815

我囡囡尋日返左學啦, 朝早好"呢hair", 因為阿囡食奶鐘意歎奶, 時間難控制, 好彩老公唔使返, 可以幫手抱住阿囡, 我負責攞尿片同書包, 但係我老公居然唔比我望阿囡多一眼, 就比老師抱走左....

最初好擔心阿囡會扭計, 因為呢兩日佢食完奶, 成日唔訓, 係到扭, 仲有佢有腸紋痛, 我麻麻事先吩咐要我記得同老師講, 怕老師以為佢係扭計精, 對佢唔好, 咁我就係手冊到寫左, 接放學個時, 老師話囡囡好乖, 訓得好甜, 又好合作咁飲晒兩支奶(我攞左人奶去比老師餵), 老師仲笑囡囡比面, 咁我都冇咁擔心

今日冇返學, 因為老公話返得幾個鐘, 我又頻撲, 仲辛苦, 咁今朝咁凍, 我又勁眼訓, 所以冇湊囡囡返學

夜晚我都帶左囡囡去打針, 打滿兩個月個支五合一, 我問醫生對打其他針既睇法, 佢都話其實唔使打, 所以我唔諗住比囡囡打肺炎鍊球菌個d optional既針啦, 因為其實我分別問過健康院姑娘同陳主任, 前者話保護到既%唔算高, 唔值打, 後者話有時打完, 若然咁邪真係感染, 反而因為打左針, 令到病徵唔明顯, 仲難搞, 咁囡囡咁細, 無謂捱多針, 等佢大少少再算

希望我有機會撞到你地, 同你地講聲hi啦

winwin815

my1215sui, 唔係我個囡黎架, 我老公仲係屋企訓緊(佢今日唔使返工), 就算平時都係我接送多架, 因為老公朝早都幾趕, 放工時間又唔定, 我份工自由d, 我今朝8點半到啦, 返到去囉

阿囡尋晚點幾兩點食完一餐奶後, 訓到今朝6點半, 可能真係餓啦, 所以今朝餐奶好爽手, 唔係真係好輪盡, 再係咁落去, 朝早要用bottle餵先得, 時間易控制d, 但係我好遲先開始泵奶, 阿囡返學既meal都係前一兩日先泵架咋, 都冇多餘既做埋早餐, 希望黎緊阿囡朝朝都咁合作啦

winwin815

my1215sui,唔出奇, 我今日問阿囡係咪可以返足全日, 我見新人個個板有兩個名架, 我囡囡係39號, 你地可以認下佢張相先 hohohooo

square, 我餵人奶, 反而幾鐘意餵夜奶, 可能奶量多d, 阿囡食得爽手d

winwin815

尋日囡囡第二日返學, 好開心, 我覺得我冇選擇錯, 交比托嬰所照顧, 好過請工人或者搵嬸嬸, 因為老師好有心機咁寫左好多囡囡既野我知, 例如

1) 佢塊面有敏感, 幫佢搽左一隻藥膏, 希望好d
2) 訓得好唔好, 話阿囡可以自己落床就訓, 係間唔中比其他bb喊聲嘈, 醒醒地, 老師拍下佢又再訓
3) 飲奶情況係點, 話佢好專心, 某一餐奶, 仲只係用左5分鐘啫
4) 好肯飲水, 仲話佢叻叻.......

我係老師手上接返本手冊時, 已急不及待咁睇下寫咩, 見老師咁寫, 仲一路睇, 一路笑, 我老公以為我傻左

winwin815

square, 你有冇寫野係手冊架, 我寫好多架, 可能佢地見我緊張, 所以又回應多d

winwin815

silvia, 我今日裝過d pigeon hole, 搵到你囡囡個個呀, 希望會有機會撞到你地

winwin815

square, 哦...咁stable左咪冇咁多野寫囉

winwin815

silvia, 唔好咁講, 係放書包個個櫃仔呀

我呢個星期啱啱返返工, 所以比較忙, 時間好飄忽下, 希望下星期可以早d, 想5點, 因為返到屋企唔會天都黑晒

winwin815

ae, 囡囡仲細, join唔到你地啦

winwin815

好攰呀........囡囡返左3日學, 感覺係好好, 好放心, 但係真係好攰, 囡囡未正式戒夜奶, 我訓得幾個鐘, 朝早揹住阿囡搭巴士去新翠, 跟住搭巴士返公司, 日日都爭d唔識落車, 放學先慘, 搭火車最快, 但係要行去, 都幾係野, 返屋企亦選擇搭火車, 又要行多次, 我揹左阿囡幾日, 尋晚訓落床時, 發現雞翼骨有d酸痛...

仲有, 唔知點解阿囡依家返屋企後個餐奶, 明明餓架啦, 佢都係咁歎奶, 下下要食成2個鐘, 我就涼又未沖, 飯又未食咁, 同佢玩足兩個鐘, 唉....點解會咁

好彩既係, 呢餐奶大約9點幾食完, 佢就咁樣訓到第二日4點幾, 否則...我死得啦, 但係都勁多野做, 洗衫啦, 烚奶樽啦, 真係做到冇停手

講開煮飯, 等遲d習慣左呢個schedule, 我會煮飯架, 因為煮飯比出街食慳好多時間, 兩個人食唔得多, 半個鐘搞掂, 又唔使抱阿囡出出入入, 但係....又多樣野要做

winwin815

my1215sui, 其實我都知唔急得, 但係囡囡搞到我好攰嘛, 尋晚好左, 正常返, 8點鐘食完餐奶, 12點幾再起身食多一餐, 根據早兩日既情況, 仲以為囡囡可以訓到天光, 點知4點幾又醒, 我發現佢幾點訓都好, 都係4點幾醒, 但係....今朝4點幾食到成5點幾, 我拿拿臨諗住訓多兩粒鐘啦, 唔夠一個鐘, 又喊過, 搞到成7點, 唔鬼理佢, 自己梳洗完, 帶佢返學算數 :p

silvia, 囡囡好d未呀